Fweny 18:1 - MUMA MALER 2015

¹ Bang’ wechego naneno malaika machielo kalor a e polo. Ne en gi teko maduong’, kendo ler mare ne menyo piny.

Motingʼo Loko Manyien

¹ Bangʼ wechego ne aneno malaika machielo kalor piny aa e polo. Ne en gi teko maduongʼ, kendo lerne ne menyo piny.

Fweny 18:1 ပူးပေါင်းရင်းမြစ်များ

Ezekiel 43:2

mi aneno duong’ maler mar Nyasach Israell kabiro koa yoo wuokchieng’. Dwond Nyasaye ne wuo ka apaka mar nam, kendo duong’ne maler nomiyo piny rieny.

Luka 17:24

nikech kaka mil polo piatore e kor polo koa konchiel nyaka komachielo, e kaka Wuod Dhano bende nobedi chieng’ mobiroe.

2 Jo-Thesalonika 2:8

Bang’e Ng’at Mochayo Chik nothinyre, to Ruoth Yesu nobi gi duong’ne duto, mi nonege gi muya moa e dhoge, kendo notiek tekone duto.

Fweny 10:1

Bang’e ne aneno malaika machielo maratego koa e polo. Ne orwakore gi bor polo, kendo lihudu nolworo wiye, to wang’e ne chalo gi sirni makakni ka mach.

Fweny 17:1

Eka achiel kuom malaika abiriyo man gi tewni abiriyo nobiro ira, mi owachona niya, “Bi mondo anyisi bura mong’adi ni jachode maduong’, ma en dala maduong’ moger e wi pige mang’eny!

Fweny 17:7

to malaika cha nopenja ni, “Ere gima omiyo iwuoro? Abiro nyisi tiend wach mopondo mar dhakono kod ondiek ma oidho man gi wiye abiriyo kod tunge apar.

Fweny 21:23

Dalano ok dwar chieng’ kata due marieny kuome, nikech duong’ maler mar Nyasaye ema miye ler, kendo Nyarombo e tache.