Fweny 17:3 - MUMA MALER 2015

³ Bang’e Roho nomaka, mi malaika nokawa motera e thim, kuma nanenoe dhako moro koidho ondiek makwar. Nying mag ayany nondik e dend ondiegno duto, kendo ne en gi wiye abiriyo kod tunge apar.

Motingʼo Loko Manyien

³ Bangʼe Roho noyudha kendo malaika nokawa motera e thim. Mana gikanyono naneno dhako moro koidho ondiek malich makwar, ma dende duto nochadhore gi nyinge mag ayany, kendo ne en gi wiye abiriyo kod tunge apar.

Fweny 17:3 ပူးပေါင်းရင်းမြစ်များ

1 Ruodhi 18:12

To kwasewere kodi, to Roho mar Ruoth Nyasaye biro teri kuma ok ang’eyo. Omiyo, ka adhi, ma anyiso Ahab ni in ka, mi obiro to ok onwang’i, enonega. To jaduong’, aseluoro Ruoth Nyasaye, chakre tinna.

2 Ruodhi 2:16

ka giwachone niya, “Wan gi joma rateke piero abich. Yie mondo gidhi gidwar jaduong’ni cha, dipo ka Roho mar Ruoth Nyasaye otere, moweye ewi got, kata e hoho moro.” Nodwokogi ni, “Kik uorgi.”

Wer Mamit 8:5

“Mano ng’a, mawuok e thim, ka jokwakore gi jaheraneno?” “Jaherana, ne achiewi e bwo yadh olemo, kama ne meru onywolie.

Ezekiel 11:24

Ne aneno e fweny ka Roho oting’a, mi odwoka Babulon ir joma nie tuech. Bang’e fwenyno nolalna nono.

Ezekiel 3:12

Eka Roho ne oting’a malo, kendo kane duong’ maler mar Ruoth Nyasaye odum, to ne awinjo koko maduong’ ka koko mar yiengni piny.

Ezekiel 8:3

Ne orieyo gima chalo gi lwedo, mi omaka gi yie wiya. E fwenyno. Roho noting’a malo e kor polo, mi otera Jerusalem, moketa piny e dhoranga laru maiye mar Hekalu mochomo yo nyandwat, kuma nitie nyasaye manono ma Nyasaye mon-go.

Daniel 11:36

“Ruodh Siria notim gima en ema ohero, kendo enosungre ni oloyo nyasaye moro amora, bende enopakre ni oduong’ moloyo kata mana Nyasaye maduong’ moloyo nyiseche moko. Enodhi nyime kotimo kamano nyaka chop Nyasaye kume, nikech Nyasaye nyaka tim gima osechano.

Daniel 7:20

Bende ne adwaro ng’eyo ngech tung’ apar mane otwi e wiye, kendo ngech tung’ achiel mane owuok bang’e, momuko tunge mamoko adek. Tung’no ne nigi wenge, to bende ne en gi dhok mawacho weche mag sunga, kendo ne onenore maduong’ moloyo tunge mamoko duto te.

Daniel 7:25

Enobed kowuoyo marach kuom Nyasaye Maduong’ Moloyo, kendo enothir jo-Nyasaye. Bende enotem loko chike mag dinigi kod sewni maggi, mi jo-Nyasaye nobed e bwo lochne kuom higni adek gi nus.

Daniel 7:8

To kane oyudo ang’iyo tungego, ne aneno tung’ moro matin kawuok e kind tunge mamokogo. Tung’no nomuko tunge adek mane oyudo ni kanyo chon, mondo owene thuolo. Tung’no ne nigi wenge ka mag dhano, kod dhok mawacho weche mag sunga.

Mathayo 27:28

Ne gilonyo lepe, mi girwakone kandhu makwar.

Tich Joote 8:39

To kane giwuok e pi, Roho mar Nyasaye nokawo Filipo oago, mi jatelono ne ok ochako onene kendo, to nodhi nyime gi wuodhe, komor ahinya.

2 Jo-Thesalonika 2:4

Obiro sungore, kokwero gimoro amora miluongo ni nyasaye, kata gimoro amora milamo. Enohedhre kata mana bet e Hekalu mar Nyasaye, kohulo owuon ni en Nyasaye.

Fweny 1:10

To chieng’ Ruoth, Roho ne omaka, mi awinjo dwol maduong’ maywak ka tung’ ka wuoyo gi yoka ng’eya.

Fweny 12:14

To ne omi dhakono buom ariyo mag ongo maduong’ mondo ohugo ochop kare e thim, kuma ne idhi ritee kimiye chiemo kuom higni adek gi nus, ka en mabor gi thuol.

Fweny 12:3

Eka ranyisi machielo bende ne onenore e polo. Ne en thuol mang’ongo, makwar kendo malich, man gi wiye abiriyo kod tunge apar, kendo ma osimbo abiriyo osidhi e wiyego.

Fweny 12:6

Dhakono to noringo modhi e thim kuma ne Nyasaye oikonee kar bet, mondo oritee ka imiye chiemo kuom ndalo alufu gi mia ariyo kod piero auchiel.

Fweny 17:18

“To dhako mane inenono, en dala maduong’ man gi loch kuom ruodhi mag piny.”

Fweny 17:4

Dhakono norwako law maralik gi makwar, kendo nolichore gi dhahabu kod kite ma nengogi tek, kod lulu. To e lwete noting’oe kikombe mar dhahabu mopong’ gi gik modwanyore kod gik mochido mag terruokne.

Fweny 18:12

Dhahabu gi fedha gi kite ma nengogi tek gi lulu gi nanga maber gi nanga maratiglo kod nanga mareprep gi nanga makwar gi yien duto madum tik mamit, gi gik moko duto molos gi lak liech, kod molos gi yien ma nengogi tek, kod molos gi mula, kod molos gi nyinyo, kendo molos gi kite mabeyo,

Fweny 18:16

“Yaye! Mano gima lit manade ma osetimore ni dala maduong’ni! Ne orwakore gi nanga maber, gi maratiglo gi makwar, kendo nolichore gi dhahabu gi kite ma nengogi tek kod lulu.

Fweny 21:10

Eka malaikano notera malo ewi got maduong’ kendo mabor, ka an ei Roho, mi onyisa Jerusalem, Dala Maler, kalor piny a e polo kuom Nyasaye,

Fweny 4:2

Gikanyono, Roho nomaka, mi aneno kom duong’ moket e polo, ma ng’ato obetie.