Fweny 17:2 - MUMA MALER 2015

² En ema ruodhi mag piny oseterore kode, kendo ji duto modak e piny bende osemadho divai mar terruokne mi omer.”

Motingʼo Loko Manyien

² En ema ruodhi mag piny noterore kode, kendo ji duto modak e piny bende osemadho divai mar terruokne mi omer.”

Fweny 17:2 ပူးပေါင်းရင်းမြစ်များ

Jeremia 51:7

Babulon ne chalo gi kikombe mar dhahabu manie lweta, mamiyo piny duto mer. Ogendini nomadho divai manie iye, mi wigi okethore.

Nahum 3:4

Mago duto otimore nikech timbeni modwanyore. Ne in dala ma jaber, to ipong’ gi timbe mag juok. Ne indhogo ogendini gi timbeni mag juok gi mag dwanyruokgo.

Johana 2:10

“Ji mang’eny kwongo kelo divai maber, eka bang’e ka welo osemer, to gikelo divai ma ok ber. Into isekano divai maber nyaka sani!”

Fweny 14:8

Eka malaika mar ariyo noluwe kawacho niya, “Yaye! Babulon, dala maduong’, osepodho! Osepodho! En e dhako mane omiyo ogendini duto omadho divai mar terruokne. En divai makelo mirimb Nyasaye.”

Fweny 17:13

To giduto gin gi paro achiel, kendo ginichiw tekogi kod lochgi ni ondiek mondo obed jatendgi.

Fweny 17:17

nimar Nyasaye oseketo paro moro e chunygi mondo gitim gima odwaro gi chuny achiel, kendo mondo gimi ondiek lochgi, nyaka wach Nyasaye chopi.

Fweny 17:5

Nying moro ma tiende opondo nondiki e lela wang’e niya, “Babulon maduong’, min jochiende duto, kendo min gik modwanyore mag piny.”

Fweny 17:8

Ondiek mane inenono, yande nitie, to tinde oonge. To obiro wuok e Bur Matut Maonge Gikone mi tieke. Ji duto modak e piny, ma nyinggi ok ondiki e kitap ngima chakre chuech piny, nowuor ka gineno ondiegno, nimar yande entie, to tinde oonge, to nochak oduog kendo.

Fweny 18:23

Ler mar taya ok nochak orieny kuomi, kata dwond wuon kisera gi dwond miaha ok nowinji kuomi kendo ng’ang’. Joohala magi ne gin joohala madongo e piny, bende ne iwuondo ogendini duto gi timbeni mag jwok.”

Fweny 18:3

Mano osetimore nikech ogendini duto osemadho divai makech mag terruokne. Ruodhi mag piny oseterore kode, kendo joohala mag piny bende osedoko jomwandu nikech ohala ma ngimane mamalo osekelonigi.”

Fweny 18:9

To ruodhi mag piny moseterore kode, kendo mosedak kode e ngimane mamalo noywage kasedo kod nyinge, kaneno ich mach mawang’e kadhuolore.

Fweny 2:22

Omiyo anabole e kitanda mar rem, kendo anami joma terore kode yud chandruok malit, ka ok giloko chunygi, mi giweyo gik ma opuonjogi mondo gitim.

Fweny 3:10

Ne amiyi chik ni mondo itim kinda, kendo iserito chiknano, omiyo an bende abiro riti e ndalo mar masira mabiro kwako piny ngima, mondo otemgo ji duto modak e piny.

Fweny 9:21

Bende ne ok giloko chunygi giweyo nek, kata timbe juok, kata terruok, kata kuo, mane gisebedo ka gitimo.