Fweny 17:16 - MUMA MALER 2015

¹⁶ To tunge apar mane ineno, kaachiel gi ondiegno, nobed mamon gi dhako ma jachodeno. Ginikeye nono mi giweye duk. Ginicham ringre, kendo giniwang’e pep gi mach,

Motingʼo Loko Manyien

¹⁶ To ondiek malichno gi tunge apargo mane ineno biro bedo mager kod dhakono ma jachode. Ginihinye kagitieke kendo weye duk; ginicham ringre, kendo giniwangʼe duto gi mach.

Fweny 17:16 ပူးပေါင်းရင်းမြစ်များ

Ayub 31:31

Ji duto matiyona ong’eyo malong’o ni pile asebedo ka arwako welo.

Zaburi 27:2

Ka joma richo ma mon koda omonja mondo otieka, to gin ema gichwanyore kendo gipodho.

Daniel 7:5

Bang’e ne aneno ondiek mar ariyo, ma chalo gi dubu, kochung’ gi tiendene ma yo kachien. Ne oriwo ng’ede adek e dhoge, kendo ne awinjo ka dwol moro wachone niya, “Cham achama ring’o nyaka iyieng’ chuth.”

Tim jo-Lawi 21:9

Ka nyar jadolo odwanyore modoko ohodho, omiyo wuon mare bedo mogak. Nyaka wang’ nyakono gi mach mi tho.

Fweny 12:3

Eka ranyisi machielo bende ne onenore e polo. Ne en thuol mang’ongo, makwar kendo malich, man gi wiye abiriyo kod tunge apar, kendo ma osimbo abiriyo osidhi e wiyego.

Fweny 16:12

Bang’e malaika mar auchiel noolo tape e aora maduong’ mar Yufrate, mi pige nodwono mondo yo olosre ni ruodhi mane biro a yo wuokchieng’.

Fweny 17:10

To bende gin ruodhi abiriyo, ma abich kuomgi osepodho, to achiel pod nitie, kendo machielo pok obiro. To ka obiro to nobed kuom kinde matin kende.

Fweny 18:19

Ne gibuko wigi buru ka giywak kendo gidengo niya, “Yaye! Mano gima lit manade mosetimore ni dala maduong’ni! En dala ma ji duto mane nigi yiedhi odokoe joma omew nikech mwandune mathoth. To osekethe mana kuom sa achiel kende, mi odoko gunda!

Fweny 18:8

Mano omiyo masichene chieng’ moro nopoye chieng’ achiel. Masichego gin tho gi ywagruok kod kech, kendo nowang’e pep gi mach, nimar Ruoth Nyasaye moseng’adone bura nigi teko maduong’!”

Fweny 19:18

mondo ucham ring ruodhi, gi ring jodong lweny, gi ring joma rateke, kod ring farese gi joma idhogi, kaachiel gi ring ji duto, joma ni thuolo gi wasumbini, joma tindo gi joma dongo.”