Fweny 17:15 - MUMA MALER 2015

¹⁵ Eka malaikano nowachona niya, “Pige mane ineno kama dhako ma jachodeno obetie, gin mana ji gi ogendini gi dhoudi kod joma wacho dhok mopogore opogore.

Motingʼo Loko Manyien

¹⁵ Eka malaikano nowachona niya, “Pigego mane ineno ma dhako ma jachode obedoe, gin ji gi ogendini mangʼeny kod dhout pinje gi joma wacho dhok mopogore opogore.

Fweny 17:15 ပူးပေါင်းရင်းမြစ်များ

Zaburi 18:4

Tonde mag tho ne orida matek, kendo masich tho notaga ka apaka.

Zaburi 65:7

Ikueyo wuo mar nam gi mar apaka. Koko mar ogendini bende ikueyo.

Jeremia 47:2

“Neye kaka pi gingore koa yo nyandwat! Obiro bubni ka aora ma mwomo genge, kendo obiro imo piny duto kod gimoro amora mantie, kaka mier kod joma odakie. Ji biro goyo nduru mondo okonygi, kendo ng’ato ka ng’ato manie piny noywag malit.

Jeremia 51:13

Babulon en dala man gi aore mang’eny, kendo en gi mwandu mogundho, to kata kamano oserumo, kendo tond ngimane osechot.

Jeremia 51:42

Nam oseime, mi oume gi apaka mawuo.

Jeremia 51:55

To an Ruoth Nyasaye ema aketho Babulon, kendo abiro miyo oling’ thi. Koko mar jolweny mamonjo dalano chal mana ka apaka mawuo matek.

Ezekiel 31:4

Aore manie bwo lowo ne miyo yadhno dongo, nikech ne otero pi kama odongoe, kendo ne gikeyo pi ni yien duto manie bungu.

Fweny 10:11

Bang’ mano, ne owachna niya, “Nyaka ichak ikor wach kuom ogendini mang’eny, gi pinje mang’eny, kod joma wacho dhok mang’eny, kod ruodhi mang’eny.”

Fweny 11:9

To ji moa e ogendini duto gi dhoudi duto, kendo mawacho dhok duto, bende moa e pinje duto, nong’i ringregi kuom ndalo adek gi nus, kendo ok giniyie mondo oyikgi.

Fweny 17:1

Eka achiel kuom malaika abiriyo man gi tewni abiriyo nobiro ira, mi owachona niya, “Bi mondo anyisi bura mong’adi ni jachode maduong’, ma en dala maduong’ moger e wi pige mang’eny!

Fweny 5:9

Ne giwero wer manyien niya “In ema iwinjori kawo kitabuni, mi iketh kido modinego, nikech in ema ne onegi kendo rembi ema ne ing’iewogo ni Nyasaye ji moa e dhoudi duto kendo mawacho dhok duto, kendo moa e ogendini duto kod pinje duto.