Fweny 17:10 - MUMA MALER 2015

¹⁰ To bende gin ruodhi abiriyo, ma abich kuomgi osepodho, to achiel pod nitie, kendo machielo pok obiro. To ka obiro to nobed kuom kinde matin kende.

Motingʼo Loko Manyien

¹⁰ To bende gin ruodhi abiriyo. Ma abich kuomgi osepodho, to achiel pod nitie, to machielo pod ok obiro; to ka obiro to nobedi kuom thuolo matin.

Fweny 17:10 ပူးပေါင်းရင်းမြစ်များ

Isaya 23:15

Chakre chieng’no wich nowil gi Turo kuom higni piero abiriyo, maromre gi hik ruoth achiel. To ka higni piero abiriyogo oserumo, to Turo nochandre ka dhako ma jachode miwero niya:

Fweny 10:11

Bang’ mano, ne owachna niya, “Nyaka ichak ikor wach kuom ogendini mang’eny, gi pinje mang’eny, kod joma wacho dhok mang’eny, kod ruodhi mang’eny.”

Fweny 13:12

To notiyo gi teko duto mar Ondiek mokwongono ka en e nyim Ondiegno. Nochuno piny kaachiel gi ji duto modakie mondo olam Ondiek mokwongo mane ogo lero mar tho, to nosechango cha.

Fweny 13:3

Wiye achiel ne nenore ka gima ogo lero mar tho, to wiye mane ogo lerono nosechango. Ji duto manie piny ngima ne luwo bang’ ondiegno, kawuoro lichne.

Fweny 17:11

To ondiek ma yande nitie, to tinde ongeno, en ruoth mar aboro, to bende en achiel kuom ruodhi abiriyogo, kendo ibiro tieke.

Fweny 17:16

To tunge apar mane ineno, kaachiel gi ondiegno, nobed mamon gi dhako ma jachodeno. Ginikeye nono mi giweye duk. Ginicham ringre, kendo giniwang’e pep gi mach,