Fweny 16:9 - MUMA MALER 2015

⁹ Omiyo ji nowang’ malit ahinya, to kata kamano ne giyanyo ayanya nying Nyasaye man gi teko mar kelo masichego, kendo ne gitamore loko chunygi mondo gimiye duong’.

Motingʼo Loko Manyien

⁹ Liet mager mar chiengʼ nowangʼogi to negidhi nyime mana giyanyo nying Nyasaye man-gi teko mar gengʼo masichego, kendo negitamore hulo richogi mondo gimiye duongʼ.

Fweny 16:9 ပူးပေါင်းရင်းမြစ်များ

2 Ruodhi 6:33

Kane pod owuoyo kodgi, ruoth nochopo, mowacho niya, “Masirani oa mana kuom Ruoth Nyasaye, omiyo onge tiende, medo rito Ruoth Nyasaye mondo okonywa!”

2 Weche mag Ndalo 28:22

To Ahaz achielni nomedo ketho ni Ruoth Nyasaye e ndalo mar chandruokne,

Isaya 1:5

Ka pod usiko upiem apiema koda kamano, to ere dendu kama pod anyalo goyo, ka adhonde opong’o wiu, kendo ringreu duto odholore kama?

Isaya 8:21

Ginikadhi e piny ka githagore kendo ka gidenyo. Kamano igi nowang’, mi giyany ruodhgi kendo Nyasachgi.

Jeremia 13:6

Bang’ kinde moko, Ruoth Nyasaye nowachona mondo adogi Yufrate aom lawno.

Jeremia 5:3

Donge adiera ema Ruoth Nyasaye dwaro? Ne ogoyou piny, to ne ok udewo. Ne osandou malit, to ne utamoru winjo puonjne. Wiu tek ka lwanda, kendo udagi duogo ire,

Ezekiel 24:13

In Jerusalem bende, timbeni mag chode osemiyo ibet modwanyore. Kata obedo ni ne atemo pwodhi kamano, to pod ne isiko asika ka idwanyori. Kuom mano, ok nichak ibed maler kendo, nyaka chop ka akumi gi mirimba duto mager.

Luka 13:3

Ooyo, awachonu ni ka ok ulokoru uweyo richou, to uduto ubiro tho mana kaka ne githono!

Luka 13:5

Ooyo, anyisou ni ka ok ulokoru uweyo richou, to uduto ubiro tho mana kaka ne githono!”

2 Jo-Korintho 12:21

Bende aluor ni ka abiro to Nyasacha dipo ka omiya bedo gi wichkuot e nyimu, mi dabed gi kuyo nikech joma thoth mane oketho, to otamore lokore kuom tim ma ok ler mane gisebedo ka gitimo, kaka terruok kod anjawo.

Joshua 7:19

Eka Joshua nowacho ni Akan niya, “Wuoda, mi Ruoth Nyasaye ma Nyasach Israel duong’, kendo hulne richoni. Nyisa gima isetimo, ma ok ipanda kata achiel.”

Fweny 11:13

Gikanyono, piny noyiengni matek, mi bath dalano moromo achiel kuom apar nomukore, kendo ji alufu abiriyo notho. To joma odong’ nobwok malich, kendo nomiyo Nyasaye duong’!

Fweny 14:7

Nokok matek niya, “Luoruru Nyasaye, kendo miyeuru duong’, nikech sa mong’adoe bura osechopo! Lamuru Jal mane ochueyo polo gi piny kaachiel gi nam kod sokni.”

Fweny 16:21

Kite mag pe madongongo, ma achiel pekne dirom kilo piero abich, noa e polo mogoyo ji, mi ne giyanyo Nyasaye nikech masich peno, nimar ne en masira marach ahinya!

Fweny 2:21

Ne amiye kinde mondo olok chunye, to otamore weyo terruokne.

Fweny 9:20

To joma odong’ mane masichego ok onego, pod ne ok oloko chunygi oa kuom gik mane giseloso gi lwetgi, to ne gimedo mana lamo jochiende gi nyiseche manono molos gi dhahabu gi fedha gi mula gi kidi kod bao, ma gin gik ma ok nyal neno, kata winjo wach, kata wuotho.