Fweny 16:21 - MUMA MALER 2015

²¹ Kite mag pe madongongo, ma achiel pekne dirom kilo piero abich, noa e polo mogoyo ji, mi ne giyanyo Nyasaye nikech masich peno, nimar ne en masira marach ahinya!

Motingʼo Loko Manyien

²¹ Pe madongo dongo ma pek moro ka moro dirom kilo piero abich, noa e polo mogoyo ji. To ne giyanyo Nyasaye nikech masirano mar pe, nimar ne en masira marach moloyo!

Fweny 16:21 ပူးပေါင်းရင်းမြစ်များ

Ayub 38:22

Bende isedhi kuonde keno ma akanoe pe,

Ayub 38:23

mondo obed moikore ni chieng’ lweny, kendo ni chieng’ masira?

Wuok 9:18

kiny kar sa ma kama, naor pe malich ma pok one e piny Misri nyaka nene.

Wuok 9:22

Ruoth Nyasaye nowacho ni Musa niya, “Rie lweti kochomo polo mondo pe ogo ji gi jamni kod buya duto man piny e Misri.”

Isaya 30:30

Bang’e Ruoth Nyasaye nomi winj dwonde man gi duong’, kendo nonyis bade motimo mach mawang’o gik moko duto, ka lor gi mirima mager, ka polo mor gi koth maduong’, machue gi pe kod yamo mager.

Isaya 8:21

Ginikadhi e piny ka githagore kendo ka gidenyo. Kamano igi nowang’, mi giyany ruodhgi kendo Nyasachgi.

Ezekiel 13:11

Omiyo nyis jomwonogo ni ohinga biro podho. Abiro hono koth maduong’, kendo pe madongodongo biro goye, bende yamb ahiti biro uke.

Ezekiel 13:13

Koro Ruoth Nyasaye wacho niya, “Abiro kelo yamb ahiti, ka an gi mirima mager, mi koth maduong’ kod pe madongodongo noketh ohingano chuth.

Joshua 10:11

E kinde mane jo-Israel riembogi e yo maridoreno, Ruoth Nyasaye nodiro kuomgi pe madongodongo, monegogi nyaka Azeka. Peno nonego ji mang’eny moloyo mane jo-Israel onego.

Fweny 11:19

Eka Hekalu mar Nyasaye manie polo noyawore, kendo Sandug Muma nonenore e Hekalu, mi polo omil kakakni ka mach. Dwol moko makok matek nowinjore, kendo polo nomor, bende piny noyiengni, kendo pe nochue mang’eny.

Fweny 16:11

to ne giyanyo ayanya Nyasach polo nikech rem kod adhonde ma gi-go, to kendo ne ok gilokore giweyo timbegigo.

Fweny 16:9

Omiyo ji nowang’ malit ahinya, to kata kamano ne giyanyo ayanya nying Nyasaye man gi teko mar kelo masichego, kendo ne gitamore loko chunygi mondo gimiye duong’.

Fweny 8:7

Malaika mokwongo nogoyo tung’ne, mi pe kod mach mokikore gi remo obiro, mi opuk e piny, mi bath piny moromo achiel kuom adek nowang’ kendo achiel kuom adek mar yien bende nowang’. Lum mang’ich duto bende nowang’.