Fweny 16:2 - MUMA MALER 2015

² Kuom mano, malaika mokwongo nodhi moolo tape e piny, mi adhonde maricho kendo malit nomako joma ne nigi alama mar Ondiek, kendo mane lamo gima ket kode.

Motingʼo Loko Manyien

² Malaika mokwongo nodhi mopuko tape e piny, mi adhonde malich mangʼwe marach ne omako ji duto mane nigi kido mar ondiek malich kendo mane lamo gima ket kode.

Fweny 16:2 ပူးပေါင်းရင်းမြစ်များ

2 Weche mag Ndalo 21:15

to niluwo mana timbe ruodhi mag Israel. Bende nimiyo jo-Juda gi jo-Israel oweyo Ruoth Nyasaye kaka dhood Ahab nomiyo jo-Israel oweye, kendo ninego oweteni ma yawuot wuoru mane joma kare moloyi.’ ”

2 Weche mag Ndalo 21:18

Bang’ mago duto Ruoth Nyasaye nomiyo tuo mar dhokchin ma ok nyal chango omako Jehoram.

Zaburi 78:26

Bang’e tekone nomiyo yamb ugue gi yamb milambo okudho,

Isaya 3:17

Omiyo abiro keto tuo e wigi, kendo ami gidong’ duge.”

Isaya 3:24

Kuom mano kar winjo tik mang’ue ng’ar, to unuwinj mana tik madum marach. Bende kar bedo gi misip, to tol ema notueugo, kendo kar bedo gi wich molos maber, to bondo ema unubedgo, bende kar rwako nanga maber, to gunia ema unutue e nungou, kendo kar bedo gi chia maber to mbelni mag mach ema nobed e dendu.

Tich Joote 12:23

Gikanyono malaika mar Ruoth Nyasaye nogoyo Herode, nikech ne ok omiyo Nyasaye duong’. Bang’e kudni nochamo dende, mi otho.

Rapar mar Chik 28:27

“Ruoth Nyasaye biro goyou gi tuo buche mag Misri gi akuodi kendo gi kalanga kod gwonyo ma ok nyal thiedhi.

Rapar mar Chik 28:35

Ruoth Nyasaye biro goyo chongeu kod tiendeu gi buche ma ok nyal thiedhi, to ginilandre e dendu duto.

Rapar mar Chik 7:15

Ruoth Nyasaye notiek tuoche duto kuomu bende ok nokelnu tuoche maricho mane goyou e piny Misri, to wasiku ema nokelne tuochego.

Fweny 13:12

To notiyo gi teko duto mar Ondiek mokwongono ka en e nyim Ondiegno. Nochuno piny kaachiel gi ji duto modakie mondo olam Ondiek mokwongo mane ogo lero mar tho, to nosechango cha.

Fweny 14:16

Omiyo jal mane obet e bor polo notiyo gi pande mar keyo e piny mi okayo piny.

Fweny 14:9

Bang’ mano, malaika mar adek nobiro bang’gi kawacho matek niya, “Ng’ato ang’ata malamo ondiek kod gima ket kode, mi oyudo alama e lela wang’e kata e lwete,

Fweny 16:1

Bang’e ne awinjo dwol maduong’ moa e Hekalu kawacho ni malaika abiriyogo niya, “Dhiuru uol tewni abiriyo mag mirimb Nyasaye e piny.”

Fweny 16:11

to ne giyanyo ayanya Nyasach polo nikech rem kod adhonde ma gi-go, to kendo ne ok gilokore giweyo timbegigo.

Fweny 8:7

Malaika mokwongo nogoyo tung’ne, mi pe kod mach mokikore gi remo obiro, mi opuk e piny, mi bath piny moromo achiel kuom adek nowang’ kendo achiel kuom adek mar yien bende nowang’. Lum mang’ich duto bende nowang’.

1 Samuel 5:6

Ruoth Nyasaye nosando jo-Ashdod malich, mi luoro omakogi. Nogoyogi gi tuo mar buche, kendo oyieyo bende nopong’o pinygi.

1 Samuel 5:9

Kane gisetere, eka Nyasaye nochako sando jo-Gath ahinya. Nogoyo jodalano, matindo gi madongo gi tuo mar buche mokwodogi.