Fweny 16:17 - MUMA MALER 2015

¹⁷ Malaika mar abiriyo noolo tape e kor yamo, mi dwol maduong’ nowuok e kom duong’ manie Hekalu kawacho niya, “Osetimore!”

Motingʼo Loko Manyien

¹⁷ Kendo malaika mar abiriyo bende noolo tape e yamo; eka dwol maduongʼ nowuok koa ei hekalu e nyim kom maduongʼ mar loch kawacho niya, “Osetimore!”

Fweny 16:17 ပူးပေါင်းရင်းမြစ်များ

Johana 19:30

Kane Yesu osenyodhe, nowacho ni, “Tija duto koro orumo!” Eka nolung’o wiye, moweyo chunye owuok, mi otho.

Jo-Efeso 2:2

E ndalogo, yore richo ema ne uwuothoe, kuluwo timbe mag pinyni. Ne uwinjo wach ruodh teko mar kind polo gi piny, ma en chuny ma koro tiyo kuom joma otamore yie kuom Nyasaye.

Jo-Efeso 6:12

nimar wasigu mwakedogo ok gin dhano, to wakedo gi joloch gi joma nigi teko, kod ruodhi mag piny motimo mudhoni, kaachiel gi lang chuny maricho ma ok mag pinyni.

Fweny 11:15

Eka malaika mar abiriyo nogoyo tung’ne, kendo dwol moko nokok matek e polo kawacho niya, “Loch mar pinyni koro osedoko mar Ruodhwa kod Mesia mare, kendo obiro locho nyaka chieng’.”

Fweny 11:19

Eka Hekalu mar Nyasaye manie polo noyawore, kendo Sandug Muma nonenore e Hekalu, mi polo omil kakakni ka mach. Dwol moko makok matek nowinjore, kendo polo nomor, bende piny noyiengni, kendo pe nochue mang’eny.

Fweny 14:15

Eka malaika machielo nowuok e Hekalu kakok matek ni jal mane obet e bor polono niya, “Kaw pandi mar keyo mondo ike nikech kinde mar keyo osechopo, kendo piny ochiek mokadho!”

Fweny 14:17

Bang’ mano, malaika moro nowuok e Hekalu manie polo. En bende ne en gi pand keyo mabith.

Fweny 16:1

Bang’e ne awinjo dwol maduong’ moa e Hekalu kawacho ni malaika abiriyogo niya, “Dhiuru uol tewni abiriyo mag mirimb Nyasaye e piny.”

Fweny 21:6

Bang’ mano nowachona niya, “Gik moko duto osetimore! An e Alfa gi Omega, tiende ni Chakruok gi Giko. Ng’at ma riyo oloyo anami pi soko mar ngima nono, ma ok ochulo gimoro.