Fweny 15:3 - MUMA MALER 2015

³ Ne giwero wend Musa jatich Nyasaye, kod wend Nyarombo, niya, “A Ruoth Nyasaye Manyalo Gik Moko Duto! Mano kaka tijeni dongo! A Ruodh ogendini, mano kaka yoreni kare kendo adier!

Motingʼo Loko Manyien

³ ka giwero wend Musa jatich Nyasaye gi wend Nyarombo kama: “Yaye Ruoth Nyasaye Maratego, mano kaka tijeni dongo kendo lich. Yaye Ruodh Nyasaye ogendini, yoreni nikare kendo gin adiera.

Fweny 15:3 ပူးပေါင်းရင်းမြစ်များ

Chakruok 17:1

Kane Abram ja higni piero ochiko, Ruoth Nyasaye nofwenyorene, mowachone niya, “An Nyasaye Manyalo Gik Moko Duto. Bed ng’ama odimbore kendo maonge ketho e nyima ndalo duto,

1 Weche mag Ndalo 6:49

To Harun gi dhoode ema ne tiyo tije duto mag Kama Ler Moloyo, kaka Musa jatich Nyasaye nochiko. Ne gitimo misango e kendo-mar-misango, kendo ne giwang’o ubani e kendo mar ubani, kendo ne gitimo misango migologo richo mag jo-Israel.

2 Weche mag Ndalo 24:6

Omiyo Ruoth noluongo Jehoyada jadolo maduong’, mopenje niya, “Ang’o momiyo ok ijiw jo-Lawi mondo osol osuru kuom jo-Juda gi jo-Jerusalem? En osuru mane Musa jatich Ruoth Nyasaye oketo kuom jo-Israel mondo olosgo Hemb-Romo.

Nehemia 9:14

kendo nipuonjogi wach Sabato mari maler. Bende nimiyogi chike mabeyo gi dho Musa jatichni.

Ayub 36:24

Pile ji pako Nyasaye kuom gik ma otimo, omiyo in bende nyaka ipake.

Ayub 5:9

nikech en ema otimo gik madongo, bende honni mage ng’eny mokadho akwana.

Zaburi 100:5

Ruoth Nyasaye ber, kendo herane mosiko ochwere. Adierane bende ok norum!

Zaburi 105:5

paruru honni mage malich kendo madongo, kaachiel gi buche mane ong’ado.

Zaburi 111:2

Mano kaka gik ma Ruoth Nyasaye timo lich miwuoro! Ji duto mohero timbenego dwaro ng’eyo tiendgi.

Zaburi 111:7

Gik moko duto motimo, otimo kare kendo gi adiera, bende chikene duto ogurore ma ok lokre.

Zaburi 139:14

Apaki, nikech in ema iwinjori gi luor. Gik moko duto mitimo lich, kendo odhiero ji. Ang’eyogi gi chunya duto.

Zaburi 145:17

Yore duto mag Ruoth Nyasaye gin kare. Adier, ong’won e timbene duto.

Zaburi 145:6

Ji nowuo kuom timbeni malich. An bende nahul duongni maler.

Zaburi 18:30

Yor Nyasaye en yo malong’o. Osenon wach Ruoth Nyasaye, moyud ni en adier. Ruoth Nyasaye e okumba mar joma ogeno kuome.

Zaburi 78:12

Nyasaye notimo honni e thim mar Zoan e piny Misri, mana ka kweregi neno.

Zaburi 92:5

Mano kaka timbeni dongo yaye Ruoth Nyasaye, kendo mano kaka paroni tut!

Zaburi 99:4

En Ruoth maduong’ mohero gik makare. Osekelo adiera e Israel, ma piny nyikwa Jakobo. Ee, osekelo tim maber gi bura makare.

Isaya 33:22

nimar Ruoth Nyasaye en jang’adnwa bura. En e ruodhwa, ma ketonwa chik, kendo en ema noreswa.

Isaya 45:21

Biuru, uwach wachu ane, ka upenjoru ng’ato gi ng’ato. En ng’a mane okoro ni Kuros biro locho kamano? Koso en ng’a mane owacho chon ni gigo biro timore? Donge ne en mana an, Ruoth Nyasaye? Onge nyasaye moro mak man an, man gi loch, kendo manyalo reso ng’ato. Ooyo, onge moro mak mana an.

Daniel 6:20

kendo kane ochopo machiegni, ne okok ka chunye parore, kowacho niya, “Daniel, jatich Nyasaye mangima! Donge Nyasaye ma itiyone gi adiera duto oseresi e dho sibuoche?”

Daniel 9:11

Jo-Israel duto noketho chikeni, mi otamore winjo gima ne iwacho. Ne watimo richoo e nyimi, mi ikelo kuomwa kuong’ duto mondik e kitap chik Musa jatichni.

Hosea 14:9

Joma riek mondo owinj weche mondik ka, kendo girwakgi e chunygi. Yore mag Ruoth Nyasaye oriere tir, kendo joma kare luwogi, to joricho chwanyore kendo podho nikech ok giluwgi.

Mika 7:20

Initim gima kare, kendo iniher jo-Israel ma nyikwa Ibrahim gi hera mosiko, mana kakane isingori ni kwerewa chon.

Zefania 3:5

To Ruoth Nyasaye man Jerusalem timo mana gik makare. Ok otim gimoro marach to ong’ado bura gi adiera okinyi kokinyi mak olewo ngang’. Jaricho to wiye ok kuodi.

Zekaria 9:9

Un jo-Sayun, beduru mamor! Koguru matek, yaye jo-Jerusalem, nimar ruodhu biro iru, kolocho. Obiro komuol, kendo koidho kanyna. Chutho oidho kanyna matin. Adier, en mana nyathi kanyna.

Johana 1:17

nikech kata obedo ni Musa ema nokelonwa Chik, to Yesu Kristo ema nokelonwa ng’wono gi adiera.

Rapar mar Chik 31:30

Bang’e Musa nowachonigi weche duto mag wendni, ka oganda jo-Israel ochiko itgi.

Rapar mar Chik 32:3

Abiro luongo nying Ruoth Nyasaye, to dwokuru ni, ‘Omi Nyasaye duong’!’

Rapar mar Chik 34:5

Kamano, Musa jatich Ruoth Nyasaye notho e piny Moab kuno, mana kaka Ruoth Nyasaye nosewacho,

1 Timotheo 1:17

Opak Ruoth mochwere! En Ruoth ma ok tho, kendo ma ok ne. En e Nyasaye kende. Duong’ obedne ma nyaka chieng’. Amin.

Jo-Hibrania 3:5

Musa nobedo jaadiera e od Nyasaye duto, to mana kaka jatich, kendo nowuoyo kuom gik ma Nyasaye nowacho e ndalo mabiro.

Joshua 22:5

Neuru ni urito chik duto mane Musa jatich Ruoth Nyasaye omiyiou. Heruru Ruoth Nyasaye ma Nyasachu, kuluwo yorene, kendo kurito chikene. Padreuru kuome, kutiyone gi chunyu duto.”

Fweny 1:8

Ruoth Nyasaye wacho niya, “An e Chakruok kendo e Giko. An e Ruoth Nyasaye Manyalo Gik Moko Duto, Jal mantie, kendo mane nitie, kendo mapod biro betie.”

Fweny 11:17

kawacho niya, “A Nyasaye Manyalo Gik Moko Duto! In Ruoth mantie kendo mane nitie! Wagoyoni erokamano nikech isekawo tekoni maduong’, kendo isechako locho.

Fweny 14:3

Ne giwero wer manyien e nyim kom duong’ kendo e nyim gik mangima ang’wen kod jodongo kande. To onge ng’ama ne nyalo puonjore wendno mak mana ji alufu mia achiel gi mia ang’wen gang’wen, (144,000) ma gin kende e joma ne owar oa e piny.

Fweny 14:8

Eka malaika mar ariyo noluwe kawacho niya, “Yaye! Babulon, dala maduong’, osepodho! Osepodho! En e dhako mane omiyo ogendini duto omadho divai mar terruokne. En divai makelo mirimb Nyasaye.”

Fweny 17:14

Giniked gi Nyarombo, to Nyarombo nologi, nimar en Jaduong’ mar jodongo, kendo Ruodh ruodhi, kendo nikech joma luwe gin joma oluongi kendo ma oyier, kendo moyie kuome.

Fweny 19:16

En gi nying moro mondiki e lawe kendo eme ni, “Ruodh ruodhi, kendo Jaduong’ jodongo.”

Fweny 19:2

nikech pile ong’ado bura e yo ma adier kendo makare. Nong’ado bura ni jachode maduong’ mane oketho piny gi terruokne. Adier, Nyasaye osekume nikech nonego jotich Nyasaye.”

Fweny 4:8

Gik mangima ang’wen-go ne nigi bwombe auchiel moro ka moro, kendo ne gin gi wenge mang’eny e dendgi duto kendo e igi. Ne giwer odiechieng’ gotieno mak giling’ niya, “Mano kaka Ruoth Nyasaye Manyalo Gik Moko Duto ler! Oler adier! Yaye! Mano kaka oler! En e Jal mane nitie, kendo mantie, kendo mapod biro betie!”