Fweny 14:7 - MUMA MALER 2015

⁷ Nokok matek niya, “Luoruru Nyasaye, kendo miyeuru duong’, nikech sa mong’adoe bura osechopo! Lamuru Jal mane ochueyo polo gi piny kaachiel gi nam kod sokni.”

Motingʼo Loko Manyien

⁷ Nokok gi dwol maduongʼ kowacho niya, “Luoruru Nyasaye kendo miyeuru duongʼ, nikech sa ma ongʼadoe bura osechopo! Lamuru Jal mane ochweyo polo gi piny kaachiel gi nam kod sokni mag pi.”

Fweny 14:7 ပူးပေါင်းရင်းမြစ်များ

Chakruok 22:12

Eka malaikano nokwere ni, “Kik ineg wuodi, kata kik itimne gimoro marach, nikech koro ang’eyo ni in ng’at moluoro Nyasaye, nimar ok isetama e wuodi ma miderma.”

Nehemia 9:6

A Ruoth Nyasaye in kendi e Nyasaye. In ema nichweyo polo gi polo man malo mogik, kaachiel gi piny gi gik mantie iye, gi nembe kod gik mantie igi. In ema iritogi duto, kendo gik moko duto manie polo, lamo mana in.

Zaburi 115:15

Onego Ruoth Nyasaye mane ochueyo polo gi piny guedhu.

Zaburi 124:8

Konyruokwa a mana kuom Ruoth Nyasaye, ma jachuech polo gi piny.

Zaburi 33:6

Ruoth Nyasaye nogolo chik, mi polo olosore, kendo ne owuoyo, mi wang’chieng’ gi due kod sulue obetie.

Zaburi 36:1

Richo wuoyo gi jaricho e chunye kuma tut. Jaricho ok oluoro Nyasaye kata matin.

Zaburi 89:7

In ema malaika miyi luor e buch polo. Ee, oluori moloyo malaika duto man buti.

Zaburi 95:5

En gi loch kuom nam, nikech en ema ne olose. Piny bende mare, nikech en ema ne ochueye.

Wuok 20:11

nimar Ruoth Nyasaye mochweyo polo gi piny kod nam, kaachiel gi gik moko duto manie igi kuom ndalo auchiel, to chieng’ mar abiriyo noyueyo. Mano emomiyo Ruoth Nyasaye noguedho chieng’ Sabato, kowale mondo obed maler.

Isaya 40:3

Dwol moro kok niya, “Losuru ni Ruoth Nyasaye yo e thim. Losuru ni Nyasachwa ndara mopie e piny motwo.

Isaya 40:6

Dwol moro wacho niya, “Ting’ dwondi iwuo.” To moro dwoko ni, “Ere gima dawachi?” “Wach niya, ‘Dhano ka dhano chalo gi lum, kendo berne duto chalo gi maua manie pap.

Isaya 40:9

In mikelo ni Sayun wach maber, idh wi got mabor, kendo ikogi matek. Ee, in mikelo ni Jerusalem wach maber, ting’ dwondi, ikogi matek ka ok iluor, kiwacho ni miech Juda niya, “Eri, Nyasachu ni ka.”

Isaya 42:12

Un duto mudak e dhonembe gi chulni, pakeuru. Kamano ji duto mondo omi Ruoth Nyasaye duong’.

Isaya 44:23

Koguru gi mor un polo, nimar Ruoth Nyasaye ema osetimo kamano. Un kuonde matut moloyo mag piny, gouru mahu gi mor, kendo un gode kaachiel gi bunge kod yien, weruru wende locho, nikech Ruoth Nyasaye osewaro jo-Israel ma nyikwa Jakobo, komiyogo nyinge duong’.

Isaya 58:1

Gouru koko matek mak uweyo, kuywak mana ka tung’. Huluru ni joga kethogi. Adier, nyisuru joka Jakobo richogi.

Jeremia 10:10

To Ruoth Nyasaye e Nyasaye maradier. En e Nyasaye mangima, kendo ruoth mochwere. Ka okecho to piny yiengni, kendo ogendini ok nyal siro mirimbe.

Ezekiel 7:2

“Wuod dhano, ma e gima an Ruoth Nyasaye awacho ni piny Israel: Giko mar pinyu ochopo!

Ezekiel 7:6

Gik moko duto orumo! Giko osechopo! Adier, osepoyou, mi urumo!

Daniel 8:19

eka owachona niya, “Adwaro nyisi gima notimre bang’ masiche ma mirimb Nyasaye osekelo, nikech fwenyno nyiso gik mabiro timore e ndalo mag giko.

Hosea 8:1

Ruoth Nyasaye wacho niya, “Go tung’, nikech wasigu yako Hekalu mara, mana ka otenga mayudho nyagweno! Joga oseketho singruok mane atimo kodgi, kendo gisedagi winjo puonjna.

Malaki 2:2

“Nyaka umi nyinga duong’ kuom gik mutimo. To ka ok uwinjo wachna, kendo ok utimo kaka awacho, to abiro kuong’ou, kendo anakuong’ gik moko duto mabeyo ma uyudo e tich dolo. Ee, abiro kuong’o gigo nikech udagi rito chikna.

Mathayo 25:13

Eka Yesu notieko ka wachonigi niya, “Mano emomiyo un bende beduru motang’, nikech ok ung’eyo odiechieng’ kata sa ma anabie.”

Luka 17:18

Ere gima omiyo japiny moro nononi kende ema oduogo mondo ogo ni Nyasaye erokamano?”

Tich Joote 14:15

ka gikok ni, “Yawa, ang’o momiyo utimo kamano? Wan mana ji ka un, to gima watimo en mana landonu Wach Maber, mondo uwe timbe manonogi, ulokru ir Nyasaye Mangima, ma ochueyo polo gi piny kod nam, kaachiel gi gik moko duto manie i gi.

Joshua 7:19

Eka Joshua nowacho ni Akan niya, “Wuoda, mi Ruoth Nyasaye ma Nyasach Israel duong’, kendo hulne richoni. Nyisa gima isetimo, ma ok ipanda kata achiel.”

1 Petro 4:7

Giko mar gik moko duto chiegni. Emomiyo, beduru mariek, kuritoru mondo uikru ni lemo.

Fweny 11:13

Gikanyono, piny noyiengni matek, mi bath dalano moromo achiel kuom apar nomukore, kendo ji alufu abiriyo notho. To joma odong’ nobwok malich, kendo nomiyo Nyasaye duong’!

Fweny 11:18

Mirima nomako ogendini, to koro chieng’ mirimbi iwuon osechopo. Kinde osechopo ma iyaloe joma otho, kendo ichiwoe pok ni jotichni ma jonabi, kod jogi, kaachiel gi ji duto madongo gi matindo moluoro nyingi. En kinde mitiekoe jogo maketho piny.”

Fweny 15:4

A Ruoth, en ng’ano ma ok nyal luori, kata ma ok nyal miyo nyingi duong’? In kendi ema iler! Ogendini duto nobi, mi kulre e nyimi, nikech timbeni makare osenenore ratiro.”

Fweny 16:9

Omiyo ji nowang’ malit ahinya, to kata kamano ne giyanyo ayanya nying Nyasaye man gi teko mar kelo masichego, kendo ne gitamore loko chunygi mondo gimiye duong’.

Fweny 18:10

Ginichung’ gi kuma bor, ka kihondko omakogi nikech sandruok moyudo, kendo giniwach niya, “Yaye! Mano kaka dala maduong’ neno malit! Yaye! In Babulon, dala man gi teko, osetieki mana e sa achiel kende!”

Fweny 18:17

Yaye! Mano kaka oseketh mwandune duto mana kuom sa achiel kende!” To ji duto ma weg yiedhi gi jokwang’ gi jonam kod ji duto maloko ohala e nam ne ochung’ gi kuma bor.

Fweny 18:19

Ne gibuko wigi buru ka giywak kendo gidengo niya, “Yaye! Mano gima lit manade mosetimore ni dala maduong’ni! En dala ma ji duto mane nigi yiedhi odokoe joma omew nikech mwandune mathoth. To osekethe mana kuom sa achiel kende, mi odoko gunda!

Fweny 19:5

Bang’ mano, duol moro noa e kom duong’ kawacho niya, “Pakuru Nyasachwa un jotichne duto madongo gi matindo ma oluore!”

Fweny 4:11

“A Ruodhwa kendo Nyasachwa! Owinjore miyi duong’ gi pak kod teko, nikech in ema nichueyo gik moko duto. Adier, in ema ne imiyo ochuegi, kendo gisiko gintie.”

Fweny 4:9

To e kinde ka kinde ma gik mangimago goyoe erokamano ni Jal mantie nyaka chieng’ mobet e kom duong’, kendo miye duong’ gi pak,

Fweny 8:10

Eka malaika mar adek nogoyo tung’ne, mi sulue maduong maliel ka meny nolwar oa e polo. Ne olwar kuom achiel mar adek mar aore duto, kendo kuom sokni duto.

1 Samuel 6:5

Emomiyo mondo ulos gik maket gi buche mane okuodou, kendo ulos gik maket gi oyieyo ma kethonu piny, kumiyogo Nyasach Israel duong’, mi dipo koweyo sandou, kaachiel gi nyisecheu kod pinyu.