Fweny 14:5 - MUMA MALER 2015

⁵ Miriambo ne ok owuok e dhogi, kendo gionge gi ketho moro kata achiel.

Motingʼo Loko Manyien

⁵ Miriambo ne ok owuok e dhogi, bende gionge gi ketho moro amora.

Fweny 14:5 ပူးပေါင်းရင်းမြစ်များ

Zaburi 32:2

Adier, ng’at ma Ruoth Nyasaye koro ok kwan ka jaricho kendo ma onge miganga e chunye en jahawi.

Zaburi 34:13

Ka kamano, to nyaka ugeng’ lewu kuom weche maricho, kendo dhou kik wach miganga.

Zaburi 55:11

Masira ni kuonde duto, bende yore mag dala opong’ gi weche maricho kod wuondruok.

Ngeche 8:8

Chutho, gik moko duto ma awacho long’o, kendo onge miriambo kata miganga moro.

Wer Mamit 4:7

Mano kaka iber, yaye jaherana! Ionge gi mbala kata achiel e dendi.

Isaya 53:9

Ne en gi jamoko ka otho, kendo ne okunyne bur kama iyikoe joricho, to onge tim mahundu mane osetimo, kata miriambo mane osewuok e dhoge.

Daniel 6:4

Mano nomiyo jotelo mamoko kod jodongo otemo mondo ondhog Daniel e tichne mar rito piny. To ne ok ginyal yudo gimoro amora marach e tichne, nikech ne ne jaratiro maonge miganga.

Hosea 10:2

Chunygi wuondogi, omiyo koro nyaka kumgi kuom richogi. Nyasaye biro muko kendegi mag misango, kendo ketho sirni maggi ma gilamo.

Zefania 3:13

Jo-Israel modong’ noyud kar resruok e nying Ruoth Nyasaye. Ok ginichak gitim timbe mamono, kendo weche mag miriambo miwuondogo ji ok nowuog e dhogi, nimar ginichal gi rombe machiemo kendo nindo piny, ma onge ng’ama bwogo.’ ”

Malaki 2:6

Ne gipuonjo ji mana weche makare, maonge kata wach achiel mar miganga. Ne gitimo gik makare ma adwaro, kendo ne gikonyo ji mang’eny mondo owe timbe maricho.

Mathayo 12:34

Un nyithi thuondegi! Ere kaka weche muwacho dibed mabeyo, to un uwegi un joricho? Chutho gik mopong’o chuny dhano ema wuok e dhoge.

Luka 23:4

Bang’ mano, Pilato nowacho ni jodolo madongo kod joma nochokore duto ni, “Ok ayudo jali gi ketho.”

Johana 1:47

Kane Yesu oneno Nathaniel kabiro ire, nowacho ni, “Neuru! Ja-Israel hie e cha biro. En ng’ama kare, ma onge miganga.”

Jo-Efeso 5:27

mondo ka okawe obedo mare, to obed gi duong’ kendo maler, maonge chilo kata jowruok kata gimoro amora ma kamano.

Jo-Kolosai 1:22

To koro kuom tho mane Wuode othogo e ringruok, Nyasaye osemiyo ubedo gi winjruok kode mondo okelu e nyime kuler, kuonge mbala, kendo kuonge ketho.

Jo-Hibrania 9:14

to koro remb Kristo dipwodh chunywa maler marom nadi! Kuom Roho mochwere, Kristo nochiwore owuon ni Nyasaye ka misango maonge songa, mi ogolowa e timbe materowa e tho, mondo walam Nyasaye mangima.

1 Petro 1:19

to nowaru gi remo ma nengone tek mar Kristo, mane ochiw ka nyarombo motimgo misango ma onge songa kata mbala.

1 Petro 2:22

Muma wacho niya, “Ne ok otimo richo, bende miriambo ne ok owuok e dhoge.”

1 Petro 3:10

mana kaka Muma wacho niya, “Ka ng’ato ohero ngima, kendo dwaro mondo obed mamor, to nyaka ogeng’ lewe kuom weche maricho, kendo dhoge kik wach miganga.

Juda 1:24

Wapakuru Jal manyalo ritou mondo kik upodhi, kendo manyalo miyo uchung’ e nyim duong’ne maler kumor kendo kuonge ketho.