Fweny 13:2 - MUMA MALER 2015

² To ondiek mane anenono ne chalo gi kwach, to tiendene ne chalo gi tiende dubu, kendo dhoge ne chalo gi dho sibuor. To thuol malichno nomiye tekone owuon gi kome mar duong’, mi obedo gi loch.

Motingʼo Loko Manyien

² Ondiek mane anenono ne chalo gi kwach, to tiendene ne chalo tiende dubu, kendo dhoge ne chalo gi dho sibuor. To thuol mangʼongono nomiyo ondiegno tekone gi kome mar duongʼ gi lochne duto.

Fweny 13:2 ပူးပေါင်းရင်းမြစ်များ

2 Ruodhi 2:24

Nogoyo machiemo monenogi, kendo nokuong’ogi e nying Ruoth Nyasaye. Ondiegi ma mon ariyo noa e bungu, mokidho rawere piero ang’wen gariyo kuomgi.

Ngeche 17:12

Ber romo gi ondiek madhako mosema nyithinde, moloyo romo gi ng’at mofuwo matimo gik mofuwo.

Ngeche 28:15

Jatelo marach ma rito joma chandore chalo mana gi sibuor modenyo, kata ka ondiek ma kech nego.

Isaya 5:29

Giywak mana ka sibuor maruto komako le, kendo dhigo ma onge ng’ama nyalo maye.

Jeremia 13:23

Bende ja-Nubi nyalo loko kit dende? Koso kwach dilok kite marabok dok kido moro nono? Kapo ni gigo nyalo timore, to kara un bende mutimo gik maricho unyalo timo gik mabeyo!

Jeremia 5:6

Mano emomiyo sibuor moa e bungu biro negogi. Ee, ondiek moa e thim biro kidhogi, kendo kwach nowuoth e miechgi. Ng’ato ang’ata mowuok oko nokidh matindo tindo. Magi duto notimre nikech richogi thoth, kendo nikech giseweyo Nyasaye nyading’eny.

Hosea 11:10

Abiro ruto ni wasik jo-Israel ka sibuor, mi joga biro biro ira. Gibiro ringo ira ka gia yo podho chieng’.

Amos 3:12

Ruoth Nyasaye owacho niya, “Kaka jakwath reso lemo ariyo kata it rombo ma ondiek osechamo, e kaka Nyasaye nores mana jo-Israel manok modak Samaria.

Amos 5:19

Unuchal mana gi ng’at ma sibuor riembo, to romo gi ondiek, kata machal gi ng’at modonjo e ot, kendo oyiengo lwete e kor ot, mi thuol okayo!

Habakuk 1:8

Faresegi jong’wech moloyo kwach, kendo ger moloyo ondiegi mawuotho ka piny oselil. Joidh faresegi a kuma bor, kendo gihuchore mana ka ongo ma yudho gima omako,

2 Timotheo 4:17

Ruoth ne ochung’ buta momiya teko mondo aland Wach Maber chuth, mondo ji duto ma ok jo-Yahudi owinj Wach Maber. Kamano ne oresa e dho sibuor.

1 Petro 5:8

Beduru motang’ kurito, nikech jasiku ma Satan bayo kuonde duto ka sibuor magoyo asumbi, ka dwaro ng’ama dongam!

Fweny 12:13

To kane thuol malichno oneno ni osewite e piny, ne olawo dhako mane osenywolo nyathi ma wuowi cha.

Fweny 12:15

To thuol nong’ogo pi moa e dhoge mondo oyuogo dhakono, mi pigno nomol bang’ dhakono mana ka aora.

Fweny 12:9

Thuol maduong’no ne owit mwalo e piny kaachiel gi malaikane duto. En e thuol mang’ongo machon miluongo ni Jachien kata Satan, mane owuondo piny ngima.

Fweny 13:12

To notiyo gi teko duto mar Ondiek mokwongono ka en e nyim Ondiegno. Nochuno piny kaachiel gi ji duto modakie mondo olam Ondiek mokwongo mane ogo lero mar tho, to nosechango cha.

Fweny 13:4

To bende ne gilamo thuondno nikech nosemiyo ondiek tekone owuon. Ondiek bende ne gilamo, ka giwacho niya, “Ere ng’ama romo gi ondiek, koso ere ng’ama diked kode?”

Fweny 16:10

Eka malaika mar abich noolo tape e kom duong’ mar Ondiek malichno, mi piny Ondiek notimo mudho! Ji nokayo lewgi nikech rem malit mane gin-go,

Fweny 17:12

Tunge apar mane inenogo to gin ruodhi apar mapok ochako bedo gi loch, to ibiro miyogi teko mar loch kaka ruodhi, kaachiel gi ondiegno, kuom sa achiel kende.

Fweny 19:20

To ne olo Ondiek, mi omaki kaachiel gi Janabi mar Miriambo, mane osebedo katimo honni e nyime. Honnigo ema ne osewuondogo joma ne oketnigi alama mar Ondiek, kendo mane lamo gima ket gi Ondiegno. Ondiek gi Janabi ne owit kangima e ataro mar ligek mach.

Fweny 2:13

“ ‘Ang’eyo kama idake. En kama kom mar duong’ mar Satan nitie. To irito nyinga ahinya, kendo ne ok ikwedo yie ma iyiego kuoma, kata mana e ndalo mane Antipa, janeno mara mar adier, onegi e dalau, kama Satan odakie.

Fweny 20:2

Ne omako Thuol malichno, tiende ni thuol machon miluongo ni Jachien kata Satan, mi otweyo gi nyororo kuom higni alufu achiel.