Fweny 13:15 - MUMA MALER 2015

¹⁵ Ne oyiene mondo omi gima ket gi Ondiek mokwongo cha muya, mondo owuo kendo oneg ji duto ma otamore lamo gima ket gi ondiek mar ariyono.

Motingʼo Loko Manyien

¹⁵ Nomiye teko mondo omi gima ket mar ondiek malich mokwongo muya, mondo owuo kendo one ni jogo duto mane otamore lamo gima ketno onegi.

Fweny 13:15 ပူးပေါင်းရင်းမြစ်များ

Chakruok 2:7

Eka Ruoth Nyasaye nokawo lowo monywaso, kendo ochweyogo dhano. Nokudho much ngima e um dhano, mi dhano nobedo gi ngima.

Zaburi 115:5

Gin gi dhok, to ok ginyal wuoyo, kendo gin gi wang’, to ok ginyal neno.

Jeremia 10:14

Gik ma kamago miyo ji ng’eng’, kendo bedo mofuwo. Jotheth duto yudo wichkuot kuom gik ma githedho, nikech gin mana nyiseche manono, ma onge gi ngima.

Jeremia 10:5

Gichalo gi gik mibwogogo winy e pwothe nikech ok ginyal wuoyo. Iting’ogi ating’a nimar ok ginyal wuotho, omiyo kik uluorgi nimar ok ginyal hinyou, to bende onge gima ber ma ginyalo timo.”

Jeremia 51:17

Gik makamago miyo ji ng’eng’ kendo bedo mofuwo. Jotheth duto yudo wichkuot kuom gik ma githedho, nikech gin mana nyiseche manono ma onge gi ngima.

Daniel 7:20

Bende ne adwaro ng’eyo ngech tung’ apar mane otwi e wiye, kendo ngech tung’ achiel mane owuok bang’e, momuko tunge mamoko adek. Tung’no ne nigi wenge, to bende ne en gi dhok mawacho weche mag sunga, kendo ne onenore maduong’ moloyo tunge mamoko duto te.

Daniel 7:25

Enobed kowuoyo marach kuom Nyasaye Maduong’ Moloyo, kendo enothir jo-Nyasaye. Bende enotem loko chike mag dinigi kod sewni maggi, mi jo-Nyasaye nobed e bwo lochne kuom higni adek gi nus.

Habakuk 2:19

Unune malit, un joma wacho ni yath mopa mondo ochiew, kendo ma kwayo kidi mondo oa malo. Bende gik makamago dikelnu wach moa kuom Nyasaye adier? Obawgi gi fedha kod dhahabu, kendo gionge gi ngima.

Jakobo 2:26

Kaka ringruok maonge muya otho, e kaka yie bende maonge tim otho.

Fweny 13:1

Eka ne aneno Ondiek moro kawuok e nam. Ne en ni tunge apar kod wiye abiriyo. To nosidho osimbo apar e tungego, kendo wich ka wich nondikie nying mayanyo Nyasaye.

Fweny 13:12

To notiyo gi teko duto mar Ondiek mokwongono ka en e nyim Ondiegno. Nochuno piny kaachiel gi ji duto modakie mondo olam Ondiek mokwongo mane ogo lero mar tho, to nosechango cha.

Fweny 13:14

To honni mane oyiene ni mondo otim e nyim Ondiek mokwongo ema nowuondogo joma odak e piny. Ne ogolo chik mondo joma odak e piny olos gima ket gi ondiek mane ogo lero mar tho gi ligangla, to ne ok otho.

Fweny 14:11

To iro mar mach masandogi nodum malo nyaka chieng’. Bende jogo malamo Ondiek kod gima ket kode, kata moyudo alama mar nyinge, ok noyud yueyo odiechieng’ gotieno.”

Fweny 14:9

Bang’ mano, malaika mar adek nobiro bang’gi kawacho matek niya, “Ng’ato ang’ata malamo ondiek kod gima ket kode, mi oyudo alama e lela wang’e kata e lwete,

Fweny 16:2

Kuom mano, malaika mokwongo nodhi moolo tape e piny, mi adhonde maricho kendo malit nomako joma ne nigi alama mar Ondiek, kendo mane lamo gima ket kode.

Fweny 16:5

Eka ne awinjo malaika man gi teko kuom pige kawacho niya, “A Ng’ama Ler, mantie kendo mane nitie! Bura miseng’ado ni, iseng’ado e yo makare,

Fweny 17:14

Giniked gi Nyarombo, to Nyarombo nologi, nimar en Jaduong’ mar jodongo, kendo Ruodh ruodhi, kendo nikech joma luwe gin joma oluongi kendo ma oyier, kendo moyie kuome.

Fweny 17:17

nimar Nyasaye oseketo paro moro e chunygi mondo gitim gima odwaro gi chuny achiel, kendo mondo gimi ondiek lochgi, nyaka wach Nyasaye chopi.

Fweny 17:6

Bende ne aneno ka remb jo-Nyasaye, kod remb joma ohulo ni Yesu e Ruoth, omero dhakono. Kane anene to ne awuoro ahinya,

Fweny 18:20

“To in polo, gone siboi nikech osekethe. Un jo-Nyasaye gi joote kod jonabi, beduru mamor, nimar Nyasaye osekume kuom gima notimonu!

Fweny 18:24

Babulon ne okum kamano nikech remb jonabi gi remb jo-Nyasaye gi remb ji duto mane osenegi e piny, ne oyud kuome.

Fweny 19:20

To ne olo Ondiek, mi omaki kaachiel gi Janabi mar Miriambo, mane osebedo katimo honni e nyime. Honnigo ema ne osewuondogo joma ne oketnigi alama mar Ondiek, kendo mane lamo gima ket gi Ondiegno. Ondiek gi Janabi ne owit kangima e ataro mar ligek mach.

Fweny 20:4

Bang’ mano ne aneno kombe mag duong’, kendo joma ne obet e kombego ne omi teko mar ng’ado bura. Bende ne aneno chuny joma noseng’ad wiyegi nikech ne gihulo wach man kuom Yesu, kendo nikech ne gilando wach Nyasaye. Gin ne ok gilamo Ondiek kata gima ket kode, bende ne ok oketnigi alama mar Ondiek e lela wengegi kata e luetgi. Ne gidoko mangima, mi gilocho gi Kristo kuom higni alufu achiel. Mano e chier mokwongo.