Fweny 13:10 - MUMA MALER 2015

¹⁰ Ng’at ma onego tue nyaka tue, kendo ng’at monego negi e lweny, to nyaka negi e lweny, ma e kinde ma jo-Nyasaye nyaka timie kinda kendo nyaka bedie motegno.

Motingʼo Loko Manyien

¹⁰ Ka ngʼato onego ter e twech to twech machalo kamano ema nyaka odhiye. Kendo ka ngʼato onego negi e lweny gi ligangla to liganglano ema nyaka negego. Ma e kinde ma jo-Nyasaye onego timie kinda kendo bed gi yie motegno.

Fweny 13:10 ပူးပေါင်းရင်းမြစ်များ

Isaya 14:2

Ogendini nodwuok jo-Israel thurgi, kuma ne giaye, mi jo-Israel nolok ogendnigo wasumbgi e piny Israel, ma Ruoth Nyasaye oseyiero. Jo-Israel nomak joma nomakogi, mi giti joma notiyogi.

Isaya 26:21

nikech Ruoth Nyasaye biro biro, koa kar dakne, mondo okum joma odak e piny nikech richogi. Piny noel remo mosechuer kuome, kendo ok nopand joma osenegi.

Isaya 33:1

Yaye unune malit un jo-Asuria! Useketho gik moko, to un pok okethu. Bende usendhogo ji, to un pok ondhogu. To koro ka usetieko ketho gik moko, to un ema ibiro kethu, kendo ka utieko ndhogo ji, to un ema ibiro ndhogu.

Jeremia 15:2

To ka gipenjo ni gidhi kanye, to nyisgi ni Ruoth Nyasaye owacho kama: Jomoko kuomu tuo biro nego, kendo mano e kuma gibiro dhiye! To moko biro tho e lweny, kendo kuno ema gibiro dhiye! Bende moko kech biro nego, mi kuno ema gibiro dhiye! To moko ibiro tero e tuech, kendo kuno ema gibiro dhiye!

Jeremia 43:11

Adier, enobi, mi olo piny Misri. Joma oket ni mondo tuoche oneg, tuoche biro nego, kendo joma oket ni itero e tuech, noter e tuech, bende joma oket ni tho e lweny, biro tho e lweny!

Ywagruok 3:26

En gima ber bedo gi kue, kirito Ruoth Nyasaye mondo oresi.

Habakuk 2:3

To fweny mibiro yudono nigi kinde moketne, kendo ka kindeno ochopo, to gigo notimre mana ma piyopiyo mak orem. Kata ka ineno ni odeko, to rite arita, nikech notimre maonge kiawa, kendo mana e kinde mowinjore.”

Mathayo 26:52

To Yesu nowachone niya, “Dwok liganglani e olalo, nikech ji duto makawo ligangla notho mana tho ligangla.

Mathayo 7:2

nikech yo ma ung’adoe ni ji bura, e yo ma un bende nong’adnue bura, kendo rapim ma upimoe ema un bende nopimnue.

Luka 21:19

Omiyo timuru kinda, nimar mano e kaka unuyud ngima maradier.

Jo-Kolosai 1:11

Walemo ni mondo otegu gi teko mar duong’ne mang’ongo, komiyo udhil, kendo uketo chunyu mos, kata ka ang’o ema timore.

Jo-Hibrania 6:12

Kik utim samuoyo, to beduru joma luwo ranyisi mar jogo mayudo gik ma Nyasaye nosingore ni nomigi nikech giyie kendo gitimo kinda.

Fweny 1:9

An owadu Johana, an e achiel kodu e sand gi loch kod kinda ma wan-go kuom Kristo Yesu. Ne oketa e chula miluongo ni Patmo nikech nalando wach Nyasaye, kendo awuoyo kuom Yesu e lela.

Fweny 11:18

Mirima nomako ogendini, to koro chieng’ mirimbi iwuon osechopo. Kinde osechopo ma iyaloe joma otho, kendo ichiwoe pok ni jotichni ma jonabi, kod jogi, kaachiel gi ji duto madongo gi matindo moluoro nyingi. En kinde mitiekoe jogo maketho piny.”

Fweny 14:12

Ka eri ema idwaroe kinda mar jo-Nyasaye, kendo ma ok we yie ma gin-go kuom Yesu!

Fweny 16:6

nikech joma nochuero remb jo-Nyasaye kod jonabi isemiyo remo mondo omadhi!”

Fweny 17:11

To ondiek ma yande nitie, to tinde ongeno, en ruoth mar aboro, to bende en achiel kuom ruodhi abiriyogo, kendo ibiro tieke.

Fweny 17:8

Ondiek mane inenono, yande nitie, to tinde oonge. To obiro wuok e Bur Matut Maonge Gikone mi tieke. Ji duto modak e piny, ma nyinggi ok ondiki e kitap ngima chakre chuech piny, nowuor ka gineno ondiegno, nimar yande entie, to tinde oonge, to nochak oduog kendo.

Fweny 2:19

“ ‘Ang’eyo timbeni duto, gi herani, gi tichni mar konyo ji, kod kindani, kendo kaka isebedo jaadiera. Bende ang’eyo ni tijeni machien beyo moloyo mokwongo.

Fweny 2:2

Ang’eye timbeni gi tichni matek kod kinda misetimo, kendo ang’eyo bende ni in ok inyal yie gi joma richo, bende isetemo joma luongore ni joote, to ok gin joote, mi inwang’o ni gin jomriambo.

Fweny 3:10

Ne amiyi chik ni mondo itim kinda, kendo iserito chiknano, omiyo an bende abiro riti e ndalo mar masira mabiro kwako piny ngima, mondo otemgo ji duto modak e piny.

Fweny 3:3

Omiyo par ane gima ne opuonji, kendo mane iwinjo. Make, kendo ilok chunyi iwe richoni. To ka ok ichiew, to abiro poyi ka jakuo, ka ok ing’eyo sa ma abiroe.