Fweny 12:7 - MUMA MALER 2015

⁷ Eka lweny nowuok e polo. Mikael gi malaikane nokedo gi thuol malichno. Thuol gi malaikane bende nokedo kodgi,

Motingʼo Loko Manyien

⁷ Eka lweny nochakore e polo. Mikael gi malaike mage nokedo gi thuol malichno, to thuol mangʼongono gi malaike mage bende nokedo kodgi.

Fweny 12:7 ပူးပေါင်းရင်းမြစ်များ

Zaburi 78:49

Notoyo kuomgi mirimbe mager, kokecho ahinya, ka ooro malaika maketho gik moko.

Isaya 34:5

To ka ligangla mar Ruoth Nyasaye osetieko tichne e polo, to obiro lwar kuom jo-Edom, ma en oganda ma osekuong’o mondo otieki.

Isaya 55:4

Ne akete mondo obed jaote ni ogendini duto. Ee, nakete jatelo kendo japuonj ji.

Daniel 10:13

To malaika ma jarit piny Persia ne okedo koda kuom ndalo piero ariyo gachiel. Eka Mikael ma achiel kuom malaike madongo nobiro mondo okonya, nikech ne adong’ kenda e piny Persia kuno.

Daniel 10:21

Asebiro mana ni mondo ahulni gima ondiki e kitap weche ma adiera. To koro onego adog mondo aked gi malaika ma jarit piny Persia. Bang’e malaika ma jarit piny Gris biro wuok, to onge ng’at manyalo konya mak mana Mikael ma malaika ma jarit piny Israel.

Daniel 12:1

“E kindeno, malaika maduong’ miluongo ni Mikael marito jou, biro thinyore. Enobed kinde mar chandruok marachie moloyo kendo ma pok oneye nyaka ne ogendini chak bet e piny. Ka kindeno ochopo, to ibiro res jou duto ma nyinggi ondiki e kitap Nyasaye.

Mathayo 13:41

Wuod Dhano noor malaikane mondo ochok gik moko duto mamiyo ji ketho, kaachiel gi joma richo, mi ogol oko e pinye,

Mathayo 16:27

Wuod Dhano nobi gi malaikane e duong’ maler mar Wuon mare, eka nomi ng’ato ka ng’ato pok moromo gi timne.

Mathayo 24:31

Enoor malaikane e tung’ piny gi tung’ piny, ka tung’ ywak matek, mondo ochok joge ma oseyiero, chakre e tung’ piny konchiel nyaka komachielo.

Mathayo 25:41

“Bang’ mano enowach ni joma nie bade koracham ni, ‘Un joma okuong’! Ayeuru kuoma, udhi e mach mak tho, moseiki ni Satan kod malaikane,

Mathayo 26:53

Uparo ni ok anyal kwayo Wuora, mi oorna piyopiyo malaika mang’eny moloyo ogend lweny apar gariyo?

2 Jo-Korintho 12:7

Emomiyo ne omiya kudho machwowo ringra, ma en jaote mar Satan, mondo omonja kik asungra, kata kik ating’ra malo nikech duong’ miwuoro mar gik mane Nyasaye ofwenyona.

Jo-Efeso 6:12

nimar wasigu mwakedogo ok gin dhano, to wakedo gi joloch gi joma nigi teko, kod ruodhi mag piny motimo mudhoni, kaachiel gi lang chuny maricho ma ok mag pinyni.

2 Jo-Thesalonika 1:7

to noresu un muneno sandruok, kendo wan bende noreswa. Mano notimre ka Ruoth Yesu ofwenyore, koa e polo gi malaika mage man gi teko,

Jo-Hibrania 2:10

Nyasaye mane ochweyo gik moko duto mondo otine ne dwaro mondo okel nyithinde mang’eny e duong’ne maler. Omiyo noneno ni ber mondo omi jal matelonigi e warruok bed ng’ama kare chuth bang’ neno sandruok.

2 Petro 2:4

Nyasaye ne ok oweyo malaika mane oketho mak okumo, to nowitogi e mach ma ok tho, kuma otuegie e mudho gi nyororo ka girito Chieng’ Bura.

Juda 1:9

To eka kata mana Mikael, malaika maduong’, kane laro gi Satan ringre Musa, to ne ok ohedhore yanye gi weche maricho, to nowachone mana niya, “Ruoth mondo okweri.”

Fweny 12:8

to ne ologi, mi kargi ne ok ochako obetie e polo kata matin.

Fweny 12:9

Thuol maduong’no ne owit mwalo e piny kaachiel gi malaikane duto. En e thuol mang’ongo machon miluongo ni Jachien kata Satan, mane owuondo piny ngima.

Fweny 13:7

Bende noyiene mondo oked gi jo-Nyasaye kendo ologi, kendo ne omiye teko kuom dhoudi duto.

Fweny 20:2

Ne omako Thuol malichno, tiende ni thuol machon miluongo ni Jachien kata Satan, mi otweyo gi nyororo kuom higni alufu achiel.