Fweny 11:5 - MUMA MALER 2015

⁵ Ka wasikgi dwaro hinyogi, to mach wuok e dhogi kendo tiekogi. Mano e tho ma ng’ato ang’ata madwaro hinyogi nyaka thogo.

Motingʼo Loko Manyien

⁵ Ka ngʼato moro amora dwaro hinyogi, to mach wuok e dhogi matieko wasikgi. Mano e kaka ngʼato moro amora madwaro hinyogi notho.

Fweny 11:5 ပူးပေါင်းရင်းမြစ်များ

Zaburi 18:8

Iro nodum kawuok e ume, kendo mach mang’ang’ni nowuok e dhoge.

Isaya 11:4

To nong’ad bura gi adiera ni joma odhier, kendo nochwak joma muol kaka owinjore. Dhoge ema nobed luth mogoyogo joma timbegi mono. Ee, wachne ema noneggo joricho.

Jeremia 1:10

Kawuono amiyi teko kuom ogendini, kendo kuom ruodhi, mondo ipudhi kendo igo piny, mondo imuki kendo ikethi, to bende mondo iger kendo ipidhi.”

Jeremia 5:14

An Ruoth Nyasaye Manyalo Gik Moko Duto abiro nyisi, in Jeremia, gima biro timore ni jogi nikech gik ma gisewachogo. Abiro loko wechena mawuok e dhogi obed mach, to jogi abiro loko yien mondo mach owang’gi pep.

Ezekiel 43:3

Fwenyno ne chalo gi fweny mane aneno kane Nyasaye obiro ketho Jerusalem, kendo ochal gi moro mane aneno e bath aora Kebar. Bang’e ne apodho piny auma.

Hosea 6:5

Kuom mano, aseoro jonabi maga iru mondo osiemu ni ibiro kumou kendo tiekou. Gima adwaro ni mondo un joga utim, en gima ratiro kendo maler,

Zekaria 1:6

To donge wechena gi chikena mane amiyo jotichna ma jonabi mondo osiemgo kwereu ne otimore, mi masira omakogi? Koso donge ne gilokore mi giweyo timbegi maricho, ka giwacho niya, ‘Ruoth Nyasaye Manyalo Gik Moko Duto osetimonwa kaka nochano. Adier, osetimonwa mana maromre gi timbewa.’ ”

Zekaria 2:8

Ruoth Nyuasaye Manyalo Gik Mooko Duto oherou malich ahinya, ma ka ng’ato mulou, to ng’atno soko mana wang’a owuon. Emomiyo Ruoth Nyasaye mane oora gi ote maduong’ ir ogendini ma noyakou owacho kama:

Fweny 13:13

Ondiek mar ariyono notimo honni madongo ma kata mana mach omiyo lor e polo, biro e piny mana ka ji duto neno.

Fweny 9:17

To farese mane aneno e fwenyno ne chalo kama: Joma ne oidhogi ne orwakore gi gilweny mag akor mag nyinyo makwar ka mach, kendo mambulu, kod ma onuria. Wi faresego to ne chalo gi wi sibuoche, kendo mach gi iro kod pilni mach ne wuok e dhogi.