Fweny 11:2 - MUMA MALER 2015

² To iwe laru maoko manie nyim Hekalu mak ipimo, nimar osemiye joma ok jo-Yahudi, kendo gibiro nyono dala maler gi tiendegi kuom dueye piero ang’wen gariyo.

Motingʼo Loko Manyien

² To iwe laru ma oko manie nyim hekalu kik ipime, nikech osemiye joma ok jo-Yahudi, kendo gibiro nyone gi tiendegi ka giketho dala maler kuom dweche piero angʼwen gariyo.

Fweny 11:2 ပူးပေါင်းရင်းမြစ်များ

Zaburi 79:1

A Nyasaye, ogendini ma ok ong’eyi osedonjo e piny jogi iwuon. Gisemiyo Hekalu mari maler obedo mogak, mi giketho Jerusalem chuth.

Isaya 48:2

kata obedo ni upakoru ni un jo-Jerusalem, dala maler, ma nyinge en Ruoth Nyasaye Manyalo Gik Moko Duto kamano.

Isaya 5:5

Koro chikuru itu, mondo uwinj gima abiro timo ni puotha mar mzabibu. Abiro pudho chiende oko, kendo abiro muko ohingane, mi dhok gi le nokwaye kendo nonyone piny.

Isaya 52:1

A malo! A malo, mondo ibed motegno, in dala Sayun. Rwak lepi mabeyoe moloyo, yaye Jerusalem, dala maler, nimar chakre kawuono, joma ok oter nyangu, kaachiel gi joma ogak, ok nochak odonj kuomi.

Ywagruok 1:10

Wasigu osekawo mwandune duto. Oseneno joma ok jo-Israel ka donjo e Hekalu mare. Gin ogendini mane Ruoth Nyasaye, ikwero ni kik donji e chokruok maler, nimar en chokruok mari.

Ezekiel 4:6

Ka isetieko ndalogo duto, to chak inind kendo gi ng’eti korachwich, mondo iting’ richo mag jo-Juda bende kuom ndalo piero ang’wen. Akwano ndalo achiel kar higa achiel.

Ezekiel 42:20

Ne en gi ohinga molwore, ma borne gi lachne mita mia ariyo gi piero abich maromre. Ohingano nopogo koma ler kod koma ok ler.

Daniel 12:7

Ng’at mane orwako law maberno noting’o bedene malo kochomo polo, mi osingore e nying Nyasaye mochwere, kowacho niya, “Odong’ kinde moromo higni adek gi nus, kendo ka sand misandogo jo-Nyasaye oserumo, to noyud ka gigi duto osetimore.”

Daniel 7:19

Bang’ mano ne adwaro ng’eyo ngech ondiek mar ang’wen, mane kite opogore gi kit ondiegi mamokogo, kendo mane nenore malich mabwogo ji. Ne en gi leke mag nyinyo kod kogno mag mula, kendo ne osiko ochiemo achiema konyono gimoro amora modong’ piny.

Daniel 7:25

Enobed kowuoyo marach kuom Nyasaye Maduong’ Moloyo, kendo enothir jo-Nyasaye. Bende enotem loko chike mag dinigi kod sewni maggi, mi jo-Nyasaye nobed e bwo lochne kuom higni adek gi nus.

Daniel 8:10

Ne odoko motegno momonjo ogend lweny mag polo, tiende ni sulue, kendo ne owito moko kuomgi piny, monyono.

Daniel 8:13

Bang’e nawinjo ka malaika moro penjo malaika machielo niya, “Gik mane otimore e lwenygo biro siko kamano nyaka karang’o ka richo malich ema itimo kar misengni mitimo pile, kendo ka ogend lweny mag polo gi Hekalu inyono piny?”

Daniel 8:14

Nodwoko niya, “Nyaka kinde ma misengni alufu ariyo gi mia adek mitimo okinyi godhiambo kadhi. Eka nochak opwodh Hekalu kendo.”

Kwan 14:34

Ne ubet ka urango pinyno kuom ndalo piero ang’wen omiyo unuchul richou kuom higni piero ang’wen, ka higa achiel ikwano kar ndalo achiel, mi unung’e kaka ajok kodu.

Mathayo 27:53

Bang’ chier Yesu, jogo nowuok e lietegi, modhi Jerusalem, Dala Maler, mi ji mathoth onenogi kuno.

Mathayo 4:5

Bang’e Satan notero Yesu Jerusalem, Dala Maler, mi okete e osuch Hekalu.

Mathayo 5:13

“Un e kat piny, to ka ndhath kado orumo, dochak oyud ndhadhu nadi? Ooyo! Koro oonge gi tich, omiyo ipuke mana oko, kendo ji nyone anyona.

Luka 21:24

Moko kuomgi noneg e lweny, to moko nomaki mi ter e pinje mamoko duto, kendo ogendini ma ok jo-Yahudi nonyon Jerusalem nyaka chop ndalo lochgi rum.

Jo-Hibrania 10:29

To koro parieuru kum malit moloyo ma ng’at machayo Wuod Nyasaye onego yudi! Ng’at ma kamano osekawo remo mar singruok mane opwodhego ka gima nono, kendo osejaro Roho mar ng’wono!

Fweny 11:11

To bang’ ndalo adek gi nusgo muya mar ngima moa kuom Nyasaye nodonjo kuomgi, mi gichung’ gi tiendegi. Kibaji maduong’ nomako joma ne onenogi!

Fweny 11:3

To abiro miyo jonenona ariyo teko. Ginirwakre gi gunia, kendo ginihul wach moa kuom Nyasaye kuom ndalo alufu achiel gi mia ariyo kod piero auchiel.”

Fweny 12:6

Dhakono to noringo modhi e thim kuma ne Nyasaye oikonee kar bet, mondo oritee ka imiye chiemo kuom ndalo alufu gi mia ariyo kod piero auchiel.

Fweny 21:10

Eka malaikano notera malo ewi got maduong’ kendo mabor, ka an ei Roho, mi onyisa Jerusalem, Dala Maler, kalor piny a e polo kuom Nyasaye,

Fweny 21:2

Eka ne aneno Dala Maler, ma en Jerusalem manyien, kalor piny a e polo kuom Nyasaye, koikore ka miaha moikore ni chwore.

Fweny 22:19

Bende ka ng’ato ogolo wach moro kuom weche mokor manie kitabuni, to Nyasaye nogol kuome pok ma doyudo kuom yadh ngima kendo kuom Dala Maler mondiki e kitabuni.”