Fweny 11:19 - MUMA MALER 2015

¹⁹ Eka Hekalu mar Nyasaye manie polo noyawore, kendo Sandug Muma nonenore e Hekalu, mi polo omil kakakni ka mach. Dwol moko makok matek nowinjore, kendo polo nomor, bende piny noyiengni, kendo pe nochue mang’eny.

Motingʼo Loko Manyien

¹⁹ Eka hekalu mar Nyasaye noyaw e polo, kendo Sandug Muma mar singruok nonenore ei hekalu; to mil polo marieny mager gi riadruok, koko kod mor polo gi yiengni mar piny nobetie kendo kodh pe nochwe mangʼeny.

Fweny 11:19 ပူးပေါင်းရင်းမြစ်များ

Zaburi 105:32

Kar kelo koth e pinygi, to nokelo mana pe kod mil polo,

Zaburi 18:12

Pe kod mirni motimo mach nowuok e ler mane omorore e nyime, ka mwomo rumbi molil.

Isaya 28:2

Winjuru! Ruoth Nyasaye biro kelo ng’at maratego moseyiero mondo oketh pinyu. Obiro biro mana ka yamb koth makelo pe, maketho piny, kata mana ka pi ohula mabubni kaywoyo gik moko.

Isaya 29:6

Piyopiyo nono, Ruoth Nyasaye manyalo Gik Moko Duto biro biro mondo okonyi. Polo nomor, kendo piny noyiengni gi koko maduong’. Kodh yamo bende nobedie, gi kalausi, kod polo ma goyo gik moko.

Isaya 30:30

Bang’e Ruoth Nyasaye nomi winj dwonde man gi duong’, kendo nonyis bade motimo mach mawang’o gik moko duto, ka lor gi mirima mager, ka polo mor gi koth maduong’, machue gi pe kod yamo mager.

Isaya 32:19

Tik gode ma otimo bungu nobed mang’ich maber, kendo mier manie pap nobed gi kue.

Ezekiel 13:11

Omiyo nyis jomwonogo ni ohinga biro podho. Abiro hono koth maduong’, kendo pe madongodongo biro goye, bende yamb ahiti biro uke.

Ezekiel 13:13

Koro Ruoth Nyasaye wacho niya, “Abiro kelo yamb ahiti, ka an gi mirima mager, mi koth maduong’ kod pe madongodongo noketh ohingano chuth.

Ezekiel 38:22

Anakume gi tuoche kod nek. Bende anahon koth mang’ongo gi pe madongo gi mach kod kite maliel kuome, kendo kuom joge mag lweny kod ogendini mathoth man kode.

Kwan 10:33

Ne giwuok ka gia e god Ruoth Nyasaye, mi giwuotho kuom ndalo adek, ka Sandug Muma mar Ruoth Nyasaye otelo nyimgi mabor ma dirom wuodh odiechieng’ achiel, mondo omanynigi kama ginyalo bworoe.

Kwan 4:15

Pile ka kambi dar, to joka Kohath nyaka bi mondo oting’ Hema Maler kod gige duto. To kik gibi ka pok Harun gi yawuote otieko umogi, bende kik gimul gimoro amora maler, nono to githo. Mago duto gin gik Hemb Romo ma joka Kohath ema ting’o.

Kwan 4:5

Ka udaro kambiu, to Harun gi yawuote nyaka bi mi lor pasia mogeng’o Kama Ler moloyo, kendo giumgo Sandug Rapar.

Joshua 10:11

E kinde mane jo-Israel riembogi e yo maridoreno, Ruoth Nyasaye nodiro kuomgi pe madongodongo, monegogi nyaka Azeka. Peno nonego ji mang’eny moloyo mane jo-Israel onego.

Fweny 11:13

Gikanyono, piny noyiengni matek, mi bath dalano moromo achiel kuom apar nomukore, kendo ji alufu abiriyo notho. To joma odong’ nobwok malich, kendo nomiyo Nyasaye duong’!

Fweny 11:15

Eka malaika mar abiriyo nogoyo tung’ne, kendo dwol moko nokok matek e polo kawacho niya, “Loch mar pinyni koro osedoko mar Ruodhwa kod Mesia mare, kendo obiro locho nyaka chieng’.”

Fweny 12:1

Bang’ mano, ranyisi malich ne onenore e kor polo. Ne en dhako morwakore gi wang’chieng’. Due ne nie bwo tiende, to wiye nosidh e osimb sulue apar gariyo.

Fweny 16:1

Bang’e ne awinjo dwol maduong’ moa e Hekalu kawacho ni malaika abiriyogo niya, “Dhiuru uol tewni abiriyo mag mirimb Nyasaye e piny.”

Fweny 16:18

Bang’ mano, ne nitie mil polo makakni, gi dwol moko, kod mor polo. Piny bende noyiengni matek mapok oyiengnie kamano nyaka a chuech dhano. Adier, ne en yiengni piny marachie moloyo!

Fweny 16:21

Kite mag pe madongongo, ma achiel pekne dirom kilo piero abich, noa e polo mogoyo ji, mi ne giyanyo Nyasaye nikech masich peno, nimar ne en masira marach ahinya!

Fweny 19:11

Eka ne aneno polo ka oyawore, kendo ne aneno faras marachar ka ni kanyo, to Jal mane oidhe iluongo ni Ng’ama Igeno, kendo Jaadiera. Iluonge kamano nikech ong’ado bura kare, kendo okedo e yo makare.

Fweny 4:1

Bang’ mano, ne arango polo, mi aneno dhoot moro moyawore e polo, kendo dwol machalo gi dwond tung’ mane akwongo winjo kawuoyo koda cha, nowachona niya, “Bi malo ku, mondo anyisi gik mabiro timore bang’ magi.”

Fweny 4:5

Mil polo makakni ne wuok e kom duong’no, kendo dwol moko bende ne winjore, kaachiel gi mor polo. To e nyim komno ne nitie teyni abiriyo maliel. Gin e Roho abiriyo mag Nyasaye.

Fweny 7:15

Mano emomiyo gin e nyim kom duong’ mar Nyasaye, ka gilame odiechieng’ gotieno e Hekalune, kendo Jal mobet e kom duong’ biro dak kodgi.

Fweny 8:5

Malaika nokawo tap ubani mi ogangoe mach mane okawo kuom kendo-mar-misango, bang’e nobolo majno piny. Bang’ mano, polo nomor kariadore matek, kendo duol moko nowinjore, bende polo nomil, kendo piny noyiengni.

Fweny 8:7

Malaika mokwongo nogoyo tung’ne, mi pe kod mach mokikore gi remo obiro, mi opuk e piny, mi bath piny moromo achiel kuom adek nowang’ kendo achiel kuom adek mar yien bende nowang’. Lum mang’ich duto bende nowang’.