Fweny 11:18 - MUMA MALER 2015

¹⁸ Mirima nomako ogendini, to koro chieng’ mirimbi iwuon osechopo. Kinde osechopo ma iyaloe joma otho, kendo ichiwoe pok ni jotichni ma jonabi, kod jogi, kaachiel gi ji duto madongo gi matindo moluoro nyingi. En kinde mitiekoe jogo maketho piny.”

Motingʼo Loko Manyien

¹⁸ Nyiego nomako pinje mag ogendini, to koro mirimbi osechopo. Kinde osechopo mar ngʼado bura ni joma otho, kendo chiwo mich ni jotichni ma jonabi, gi jogi maler kod jogo moluoro nyingi, jomatindo gi jomadongo. Kendo tieko jogo maketho piny.”

Fweny 11:18 ပူးပေါင်းရင်းမြစ်များ

Zaburi 103:11

To kaka polo bor moyombo piny, e kaka hera moherogo joma oluore bende bor moyombo hera duto.

Zaburi 110:5

Ruoth Nyasaye nie badi korachwichh, kendo obiro loyo ruodhi moko, chieng’ ma mirima omake.

Zaburi 147:11

to obedo mamor mana gi joma oluore, kendo man gi geno kuom herane mosiko.

Zaburi 2:5

Owuoyo kodgi kokecho, kendo obwogogi ka en gi mirima.

Zaburi 85:9

Adier, oikore mar reso jogo ma miye luor, kendo duong’ne maler biro siko e pinywani.

Eklesiastes 12:13

Bang’ mago duto, gimoro achiel kende ema odong’ ma onego anyisi. En ni, luor Nyasaye, kendo rit chikene, nimar mano ema ne omiyo ochue dhano.

Eklesiastes 8:12

Jaricho nyalo timo richo ndalo mathoth, to eka pod odak adaka aming’a. Adier, ang’eyo ni ji wacho niya, “Ka iluoro Nyasaye to gik moko duto dhini maber,

Daniel 11:44

Bang’e weche moko moa yo wuokchieng’ gi yo nyandwat nomiye luoro, mi noked gi gero malich, kendo noneg ji mang’eny.

Daniel 7:26

Bang’ mano, bura nong’adi mi nomaye lochne duto mondo okethe chuth.

Daniel 8:25

To nikech oriek, yorene mag miriambogo biro miyo otimo gimoro amora modwaro. Enobed jasunga kendo notiek ji mathoth apoya. Kata mana Ruodh Ruodhi bende nopiemgo, to ruodhno ema notieke, to ok gi lwet dhano.

Mathayo 5:12

Ka gik makamago otimorenu, to beduru mamor ahinya, nikech pok maduong’ okannu e polo, nimar kamano bende e kaka ne gisando jonabi mane okwongonu.

Luka 1:50

Otimo ng’wono ni joma oluore, e tienge duto.

Jo-Hibrania 9:27

Ng’ato ka ng’ato nyaka tho mana dichiel kende, to bang’ mano Nyasaye yale.

Fweny 10:7

to ka malaika mar abiriyo ogoyo tung’ne to Nyasaye nochop chenone mopondo kaka osenyiso jotichne ma jonabi.”

Fweny 11:2

To iwe laru maoko manie nyim Hekalu mak ipimo, nimar osemiye joma ok jo-Yahudi, kendo gibiro nyono dala maler gi tiendegi kuom dueye piero ang’wen gariyo.

Fweny 13:10

Ng’at ma onego tue nyaka tue, kendo ng’at monego negi e lweny, to nyaka negi e lweny, ma e kinde ma jo-Nyasaye nyaka timie kinda kendo nyaka bedie motegno.

Fweny 13:16

Ondiegno nochuno ji duto, madongo gi matindo, jomwandu gi jochan, wasumbini gi joma ni thuolo, mondo giduto oket alama e luetgi ma korachwich kata e lela wengegi.

Fweny 14:10

nyaka madh divai mar mirimb Nyasaye moruw makech e kikombe mar mirimbe. Noyud sand mar mach makakni e nyim malaika maler, kendo e nyim Nyarombo.

Fweny 15:1

Bang’e ne aneno ranyisi machielo malich kendo miwuoro e polo! Gima ne aneno ne gin malaika abiriyo moting’o masiche abiriyo. Mago ne masiche mogik, nikech ka girumo to mirimb Nyasaye bende orumo kodgi.

Fweny 15:7

Eka achiel kuom gik mangima ang’wen-go nomiyo malaika abiriyogo tewni abiriyo mag dhahabu ma opong’ gi mirimb Nyasaye mantie nyaka chieng’.

Fweny 18:6

Timneuru kaka osetimo! Medneuru nyadiriyo kuom gik ma osetimo! Kikombe mane omiyo jomoko omadho, ema mondo uolne nyadiriyo!

Fweny 19:15

To ligangla mabith wuok e dhoge kendo ochwowogo ogendini. Obiro ritogi gi ludh nyinyo, kendo obiro ng’adonigi bura gi mirimb Nyasaye Manyalo Gik Moko Duto.

Fweny 19:18

mondo ucham ring ruodhi, gi ring jodong lweny, gi ring joma rateke, kod ring farese gi joma idhogi, kaachiel gi ring ji duto, joma ni thuolo gi wasumbini, joma tindo gi joma dongo.”

Fweny 19:5

Bang’ mano, duol moro noa e kom duong’ kawacho niya, “Pakuru Nyasachwa un jotichne duto madongo gi matindo ma oluore!”

Fweny 20:12

Bende ne aneno joma otho, madongo gi matindo, kochung’ e nyim kom duong’, kendo noel kitepe. Eka kitabu machielo, ma en kitap ngima bende noel. Joma otho nong’adnigi bura kuom gik mane gitimo, kaluwore gi weche mane ondik e kitepego.

Fweny 20:15

Ng’ato ang’ata mane nyinge ok onwang’ kondik e kitap ngima, ne owit e ataro mar mach.

Fweny 22:12

Yesu wacho niya, “Winji! Abiro piyo, kendo akelo pok ma an-go mondo ami ng’ato ka ng’ato moromo gi tichne.