Fweny 11:10 - MUMA MALER 2015

¹⁰ Ji duto modak e piny nogo siboi kuom thogi, kendo ginimire chiwo, nikech jonabi ariyogo nosebedo kasando joma odak e piny.

Motingʼo Loko Manyien

¹⁰ Ji duto modak e piny nogo siboi kuom thogi, ka gimor kendo gimiyore chiwo, nikech jonabi ariyogo nosebedo kasando ji modak e piny.

Fweny 11:10 ပူးပေါင်းရင်းမြစ်များ

1 Ruodhi 18:17

Kane Ahab oneno Elija, nowachone niya, “Kara mana in, jasand jo-Israel!”

1 Ruodhi 21:20

Ahab nowacho ni Elija niya, “Yaye, jasika, kara isenwang’a?” Nodwoke ni “Ee, asenwang’i, nikech isechiwori mar timo gik ma Ruoth Nyasaye okwero.

1 Ruodhi 22:18

Ruodh Israel nowacho ni Jehoshafat niya, “Donge nawachoni ni jali ok dikorna wach maber, to mana marach?”

1 Ruodhi 22:8

Ruodh Israel nodwoke ni, “Ee, ng’at achiel pod odong’ ma dipenjnwa Ruoth Nyasaye wach, en Mikaya wuod Imla.” To Jehoshafat nowachone ni, “Kik iwuo kamano.”

Zaburi 13:4

nikech dipo ka wasika owacho ni, “Waseloye!” Mi gibed mamor ni asepodho.

Zaburi 35:19

Kik iwe loya, mi wasika ma jomiriambogo gona siboi, bende kik iwe joma mon koda kayiem bed mamor nikech chandruok ma an go.

Zaburi 89:42

Isemiyo wasike olocho, mi giduto gibedo mamor.

Ngeche 24:17

Kik ibed mamor ka masira omako jasiki,

Jeremia 38:4

Kane jodongogo owinjo wechego, ne ginyiso ruoth niya, “Ng’atni nyaka negi, nikech kowuoyo kama, to onyoso chuny jolweny kaachiel gi jomoko duto modong’ e dala ka. Emomiyo waneno ni ng’atni ok dwar konyo ji, to odwaro mana ni mondo giyud chandruok.”

Jeremia 50:11

“Un jo-Babulon ne uyako ogandana. To kata umor kendo uil ka nyaroya matugo e lek, kata ka faras manyiero,

Obadia 1:12

“Ne ok onego ubed mamor gi masira mane oweteu ma jo-Juda oyudo, bende ne ok onego unyiergi chieng’ rumbgi. Ne ok onego usungru kuneno ka gin e chandruok.

Mika 7:8

Yaye wasika, kik ogona siboi, nikech kata obedo ni asepodho, to abiro chung’ kendo. Kata obedo ni adak e mudho, to Ruoth Nyasaye nobedna ler.

Mathayo 10:22

Ji duto nobed mamon kodu nikech an, to ng’ama otimo kinda nyaka giko ema nokwo.

Johana 16:20

Adier, adier, awachonu ni, unuywag kendo unuku, to piny nobed abeda mamor. Unuku, to kuyou nolokre mor.

Johana 7:7

Un piny ok nyal mon kodu to an omon koda nikech kinde duto asiko kanyise ni timbene richo.

Tich Joote 5:33

Kane jobura owinjo kamano, mirima mager nomakogi, mi ging’ado wach mondo oneg joote.

1 Jo-Korintho 13:6

Ok omor gi tim ma ok kare, to omor gi adiera.

Fweny 12:13

To kane thuol malichno oneno ni osewite e piny, ne olawo dhako mane osenywolo nyathi ma wuowi cha.

Fweny 13:14

To honni mane oyiene ni mondo otim e nyim Ondiek mokwongo ema nowuondogo joma odak e piny. Ne ogolo chik mondo joma odak e piny olos gima ket gi ondiek mane ogo lero mar tho gi ligangla, to ne ok otho.

Fweny 13:8

Ji duto modak e piny lame, mak mana jogo ma nyinggi ondiki e kitap ngima mar Nyarombo mane onegi, chakre chuech piny.

Fweny 16:10

Eka malaika mar abich noolo tape e kom duong’ mar Ondiek malichno, mi piny Ondiek notimo mudho! Ji nokayo lewgi nikech rem malit mane gin-go,

Fweny 3:10

Ne amiyi chik ni mondo itim kinda, kendo iserito chiknano, omiyo an bende abiro riti e ndalo mar masira mabiro kwako piny ngima, mondo otemgo ji duto modak e piny.