Fweny 10:5 - MUMA MALER 2015

⁵ Eka malaika mane aneno ka onyono nam kod piny cha noting’o bade kochiko polo,

Motingʼo Loko Manyien

⁵ Eka malaika mane aneno konyono nam kod piny cha notingʼo bade korachwich kochomo polo.

Fweny 10:5 ပူးပေါင်းရင်းမြစ်များ

Chakruok 14:22

To Abram nodwoke niya, “Akuong’ora gi nying Ruoth Nyasaye, ma Nyasaye Maduong’ Moloyo, kendo ma Jachuech polo gi piny,

Nehemia 9:6

A Ruoth Nyasaye in kendi e Nyasaye. In ema nichweyo polo gi polo man malo mogik, kaachiel gi piny gi gik mantie iye, gi nembe kod gik mantie igi. In ema iritogi duto, kendo gik moko duto manie polo, lamo mana in.

Zaburi 146:5

To ng’at ma Nyasach Jakobo konyo, kendo ma ogeno kuom Ruoth Nyasache,

Wuok 20:11

nimar Ruoth Nyasaye mochweyo polo gi piny kod nam, kaachiel gi gik moko duto manie igi kuom ndalo auchiel, to chieng’ mar abiriyo noyueyo. Mano emomiyo Ruoth Nyasaye noguedho chieng’ Sabato, kowale mondo obed maler.

Wuok 6:8

Anateru e piny mane asingora ni nami Ibrahim gi Isaka kod Jakobo, kendo anamiugo mondo obed maru, an e Ruoth Nyasaye.’ ”

Ezekiel 20:15

To ne akuong’ora e thim ni ok natergi e piny momew kendo maberie moloyo pinje mamoko duto mane asingora ni namigi.

Ezekiel 20:23

To ne achako akuong’ora e thim ni anakegi e kind ogendini mopogore opogore e piny ngima.

Ezekiel 20:28

Kane akelogi e piny mane asingora ni namigi, to kamoro amora mane ginenoe got mabor kata yath motimo otiep ne gitimoe misengni. Misengni miwang’o kod mago miolo piny mane gitimo, ne omiya mirima.

Ezekiel 20:42

kendo ka aduogou e piny Israel mane asingora ni anami kwereu, to unung’e ni an e Ruoth Nyasaye.

Ezekiel 20:5

Nyisgi ni an Ruoth Nyasaye awacho ni, kane ayiero jo-Israel, ne afwenyoranigi e piny Misri, mi akuong’ora ni an Ruoth Nyasaye ma Nyasachgi.

Ezekiel 36:7

“Emomiyo an Ruoth Nyasaye akuong’ora ni ogendini mokiewo gi Israel noyud wichkuot.

Ezekiel 47:14

Ne akuong’ora ni kwereu, kating’o bada, ni anamigi pinyni. Omiyo koro pogreuru maromre.

Daniel 12:7

Ng’at mane orwako law maberno noting’o bedene malo kochomo polo, mi osingore e nying Nyasaye mochwere, kowacho niya, “Odong’ kinde moromo higni adek gi nus, kendo ka sand misandogo jo-Nyasaye oserumo, to noyud ka gigi duto osetimore.”

Tich Joote 14:15

ka gikok ni, “Yawa, ang’o momiyo utimo kamano? Wan mana ji ka un, to gima watimo en mana landonu Wach Maber, mondo uwe timbe manonogi, ulokru ir Nyasaye Mangima, ma ochueyo polo gi piny kod nam, kaachiel gi gik moko duto manie i gi.

Tich Joote 17:23

nikech kane awuotho e dala ka, mi arango kuondeu mag lemo, to ne aneno kendo-mar-misango mondikie ni, ‘KENDONI OKET NI NYASAYE MA OK ONG’E.’ To Nyasaye mulamo ma ok ung’eyono ema koro anyisou wachne.

Jo-Rumi 1:20

Chakre chwech piny, dhano osebedo kong’eyo ni Nyasaye nigi teko mochwere, kendo ni en Nyasaye adier. Kata obedo ni gik manyiso ni en Nyasaye ok nyal nenore, to ing’eyogi kuom gik ma osechueyo. Kamano dhano ok nyal wuondore ni kiagi

Rapar mar Chik 32:40

Koro ating’o bada ka akuong’ora gi nyinga awuon mochwere ni,

Jo-Hibrania 6:13

Kane Nyasaye osingore ni Ibrahim, to nokuong’ore gi nyinge owuon, nikech onge ng’ama duong moloye ma dine okuong’ore gi nyinge.

Fweny 1:18

kendo an e Jal Mangima. Ne atho, to koro angima nyaka Piny Joma Otho.

Fweny 10:2

Ne en gi kitabu matin moel e lwete. Tiende ma korachwich nonyono nam, to tiende ma koracham nonyono piny.

Fweny 14:7

Nokok matek niya, “Luoruru Nyasaye, kendo miyeuru duong’, nikech sa mong’adoe bura osechopo! Lamuru Jal mane ochueyo polo gi piny kaachiel gi nam kod sokni.”

Fweny 16:17

Malaika mar abiriyo noolo tape e kor yamo, mi dwol maduong’ nowuok e kom duong’ manie Hekalu kawacho niya, “Osetimore!”

Fweny 4:11

“A Ruodhwa kendo Nyasachwa! Owinjore miyi duong’ gi pak kod teko, nikech in ema nichueyo gik moko duto. Adier, in ema ne imiyo ochuegi, kendo gisiko gintie.”

Fweny 4:9

To e kinde ka kinde ma gik mangimago goyoe erokamano ni Jal mantie nyaka chieng’ mobet e kom duong’, kendo miye duong’ gi pak,