Fweny 10:11 - MUMA MALER 2015

¹¹ Bang’ mano, ne owachna niya, “Nyaka ichak ikor wach kuom ogendini mang’eny, gi pinje mang’eny, kod joma wacho dhok mang’eny, kod ruodhi mang’eny.”

Motingʼo Loko Manyien

¹¹ Bangʼe ne owachna niya, “Nyaka ichak ikor wach kuom ogendini mangʼeny, gi pinje mangʼeny kod joma wacho dhok mopogore opogore gi ruodhi mangʼeny.”

Fweny 10:11 ပူးပေါင်းရင်းမြစ်များ

Jeremia 25:13

Abiro kelo ni ogandano kum duto ma asesiemogigo, tiende ni gik moko duto mondik e kitabuni. Gin gik mane Jeremia osewacho kuom ogendinigi.

Ezekiel 37:4

Ne owachona niyaa, “Kor ni chokegi wach, kinyisogi ni, ‘Un choke motwo, winjuru wach Ruoth Nyasaye!

Ezekiel 37:9

Eka Ruoth Nyasaye nowachona niya, “Wuod dhano, kor wach ni yamo, kinyise ni Ruoth Nyasaye ochike mondo oa e tunge ang’wen mag piny, kokudho kuom joma othogi, mondo gichak gibed mangima.”

Fweny 10:10

Eka ne akawo kitabu matinno e lwet malaikano, mi achamo, kendo ne omit e dhoga ka mor kich, to kane asechame kamano to nochando iya.

Fweny 11:1

Eka ne omiya odundu machalo gi luth mar rapim, mi owachna niya, “A malo mondo ipim Hekalu mar Nyasaye kod kendo-mar-misango, kendo mondo ikwan joma lemo e iye kanyo.

Fweny 11:9

To ji moa e ogendini duto gi dhoudi duto, kendo mawacho dhok duto, bende moa e pinje duto, nong’i ringregi kuom ndalo adek gi nus, kendo ok giniyie mondo oyikgi.

Fweny 14:6

Eka ne aneno malaika moro ka huyo e kor polo. Ne en gi Wach Maber mochwere mondo oland ni joma odak e piny. Nolando wachno ni pinje duto, kod ogendini duto.

Fweny 17:10

To bende gin ruodhi abiriyo, ma abich kuomgi osepodho, to achiel pod nitie, kendo machielo pok obiro. To ka obiro to nobed kuom kinde matin kende.

Fweny 17:12

Tunge apar mane inenogo to gin ruodhi apar mapok ochako bedo gi loch, to ibiro miyogi teko mar loch kaka ruodhi, kaachiel gi ondiegno, kuom sa achiel kende.

Fweny 17:15

Eka malaikano nowachona niya, “Pige mane ineno kama dhako ma jachodeno obetie, gin mana ji gi ogendini gi dhoudi kod joma wacho dhok mopogore opogore.

Fweny 5:9

Ne giwero wer manyien niya “In ema iwinjori kawo kitabuni, mi iketh kido modinego, nikech in ema ne onegi kendo rembi ema ne ing’iewogo ni Nyasaye ji moa e dhoudi duto kendo mawacho dhok duto, kendo moa e ogendini duto kod pinje duto.