Fweny 1:13 - MUMA MALER 2015

¹³ to e dier teynigo ne nitie gimoro machalo dhano, morwakore gi kandhu mochopo nyaka e tiende piny, kendo otweyo kore gi okanda mar dhahabu.

Motingʼo Loko Manyien

¹³ to e dier rachungi teynigo ne nitie ngʼato machalo gi wuod dhano morwakore gi kandho mochopo nyaka e tiende piny, kendo kotweyo kore gi okanda mar dhahabu.

Fweny 1:13 ပူးပေါင်းရင်းမြစ်များ

Wuok 39:5

To okanda mane ni kuome nolos machal kode kendo en bende nolose gi dhahabu kod usi mambulu gi maralik kod makwar kod law katana maber, kaka Ruoth Nyasaye nochiko Musa.

Isaya 11:5

Tim makare kod adiera nobed ka okanda motueyo e nungone, kendo adiera e misip ma notuego dende.

Daniel 10:16

Eka gimoro machalo gi dhano nomulo pien dhoga, mi achako wuoyo, ne awacho ni gima chalo dhano mane ochung’ e nyimano niya, “Jaduong’, fweny ma asenenoni ochwowo chunya, omiyo tekra orumo.

Daniel 7:13

Kane aleko gotienono ne aneno gima chalo dhano kabiro ei boche polo, mi oter ir ng’at ma nyaka nene.

Daniel 7:9

Kane oyudo pod ang’icho, kombe mag loch ne oket kanyo. Eka ng’at moro machon ma nyaka nene, ne obet e kom achiel. Lepe ne tar ka pe, kendo yie wiye ne chalo gi yie rombo marachar thiriri. Kome ne en mana mach maliel, kendo ne en gi tiende motimo mach mosiko ka liel aliela.

Tim jo-Lawi 8:7

Bang’ mano norwako ni Harun kandhu, mi otweyone okanda e nungone kendo norwakone aroya, gi law efod, kotueyo gi okanda mar efod.

Jo-Hibrania 4:15

Wan gi Jadolo Maduong’ manyalo kecho nyawowa nikech noteme e yore duto ma wan bende itemowae, to ne ok otimo richo.

Fweny 14:14

Eka ne ang’icho mi aneno bor polo marachar, to ewi bor polono ne nitie gima obetie machalo gi dhano. Ne osidho osimbo mar dhahabu e wiye, kendo ne oting’o pala mar keyo mabith e lwete.

Fweny 15:6

Malaika abiriyo man gi masiche abiriyogo nowuok e Hekalu. Ne girwakore gi lewni maler kendo marieny, kendo ne gitueyo okanda mag dhahabu e korgi.

Fweny 2:1

“Ndik ni malaika mar kanyakla mar jo-Kristo man Efeso kama: “ ‘Weche mag Jal man gi sulue abiriyo e lwete ma korachwich, kendo ma wuotho e kind teyni abiriyo mag dhahabu e magi: