Fweny 1:11 - MUMA MALER 2015

¹¹ Nowacho niya, “Gik moko duto mineno, ndiki e kitabu. Bang’e ior kitabuno ni kanyakla abiriyo mag jo-Kristo man: Efeso, Smurna, Pergamo, Thuatiro, Sarde, Filadelfia, kod Laodikia.”

Motingʼo Loko Manyien

¹¹ Kowacho niya, “Ndik gik moko duto mineno e kitabu kendo orgi ne kanise abiriyogi: Efeso, gi Smurna, gi Pergamo, gi Thuatira, gi Sarde gi Filadelfia kod Laodikia.”

Fweny 1:11 ပူးပေါင်းရင်းမြစ်များ

Isaya 30:8

Koro dhiyo mondo indik wachno kamoro. Ee, ndike mondo obed ranyisi e ndalo mabiro nyaka chieng’.

Jeremia 30:2

“Ndik weche duto ma asewachoni e kitabu,

Habakuk 2:2

Eka ne Ruoth Nyasaye odwoka kama: “Ndik wach mibiro yudo e fweny, kigoro maler e kite mopa, ma ng’ato nyalo somo mayot, mi ring nyis joma moko.

Tich Joote 16:14

Achiel kuom joma ne winjowa ne dhako moro moa Thuatira, ma nyinge Ludia. Ne en dhako moluoro Nyasaye, kendo ne en johand nengni makwar ma nengogi tek. Ruoth noyawo chunye mondo owinj weche mane Paulo wacho.

Tich Joote 18:24

Ja-Yahudi moro monywol Aleksandria ma nyinge Apolo, nobiro Efeso. Ne en ng’ama ong’eyo wuoyo maber ahinya, kendo Muma bende nong’eyo maber.

Tich Joote 20:17

To kane Paulo ni Mileto, nooro wach Efeso, moluongo jodong kanyakla mar jo-Kristo man kuno.

1 Jo-Korintho 15:32

Ka an mana dhano ma ok chier, to ere ber mane ayudo kuom kedo gi ondiegi Efeso? Ka en adier ni joma otho ok chier, to kara wachiemuru, kendo wamethuru, nikech kiny wanatho, mana kaka Muma wacho.

1 Jo-Korintho 16:8

To pod abiro bet Efeso ka, nyaka chop chieng’ Pentekost,

Jo-Efeso 1:1

An Paulo, jaote mar Yesu Kristo kuom dwaro mar Nyasaye, andikonu un jo-Nyasaye man Efeso, ma un joma oyie kuom Kristo Yesu.

Rapar mar Chik 31:19

“Kuom mano, koro ndik wer ma anyisi ni, kendo ipuonjgi kaka iwere, mondo oparnigi chikena.

Jo-Kolosai 2:1

Adwaro ni mondo ung’e kaka akedonu matek, kendo ni jo-Laodikia, kaachiel gi ji duto mapok anena wang’ gi wang’.

1 Timotheo 1:3

Adwaro mondo imed dak Efeso mana kaka ne akwayi mondo itim, kane oyudo awuok adhi e piny Makedonia. Ji moko ni Efeso kuno mapuonjo puonj mayore, to nyaka ikwergi mondo giwe timo kamano.

Fweny 1:17

Kane anene to ne apodho e tiende ka ng’at mosetho. To noyieyo lwete ma korachwich kuoma, kowacho niya, “Kik iluor, an e Jal Mokwongo kendo Mogik,

Fweny 1:19

Omiyo koro ndik gik miseneno duto, ok mana gik mantie kende, to gik mabiro timore achien bende.

Fweny 1:2

mi Johana nonyiso ji gik moko duto mane oneno. Adier, noneno gik mane Nyasaye dwaro timo, kendo mane Yesu Kristo bende osewacho ni adier.

Fweny 1:20

To koro adwaro nyisi tiend wach mopandi mar sulue abiriyo mineno e lweta ma korachwichgi, kod teyni abiriyo mag dhahabu: Sulue abiriyo gin e malaika mag kanyakla abiriyo mag jo-Kristo, kendo teyni abiriyo gin e kanyakla abiriyogo.

Fweny 1:4

An Johana andiko ni kanyakla abiriyo mag jo-Kristo man e piny Asia, kawacho kama: Beduru gi ng’wono kod kue moa kuom Nyasaye mantie, kendo mane nitie, bende mapod biro biro, kendo moa kuom Roho abiriyo manie nyim kom duong’ne,

Fweny 1:8

Ruoth Nyasaye wacho niya, “An e Chakruok kendo e Giko. An e Ruoth Nyasaye Manyalo Gik Moko Duto, Jal mantie, kendo mane nitie, kendo mapod biro betie.”

Fweny 10:4

kendo kane polo abiriyogo osemor kamano to ne adwaro ndiko gima ne asewinjo ka giwacho, to ne awinjo dwol moro koa e polo mawacho niya, “Kik indik gima polo abiriyogo osewacho, to ling’go mana e chunyi.”

Fweny 14:13

Eka ne awinjo dwol moa e polo kawacho niya, “Ndik ni, ‘Chakre kawuono, jogo matho kogeno kuom Ruoth, gin johawi!’ ” Roho bende wacho ni, “Ee, gin johawi adier, nikech giniyue kuom tichgi matek, nimar gik ma gisetimo dhi kodgi.”

Fweny 19:9

Eka malaikano nowachona ni, “Ndik niya, ‘Joma oluongi e kisera mar Nyarombo gin johawi.’ ” Eka nomedo wachona niya, “Mano e wach mar adier mar Nyasaye.”

Fweny 2:1

“Ndik ni malaika mar kanyakla mar jo-Kristo man Efeso kama: “ ‘Weche mag Jal man gi sulue abiriyo e lwete ma korachwich, kendo ma wuotho e kind teyni abiriyo mag dhahabu e magi:

Fweny 2:12

“Ndik ni malaika mar kanyakla mar jo-Kristo man Pergamo kama: ‘Jal man gi ligangla mabith ma dhoge ariyo wacho niya,

Fweny 2:18

“ ‘Ndik ni malaika mar kanyakla mar jo-Kristo man Thuatira kama: ‘Wuod Nyasaye, ma en Jal ma wengene rieny ka ligek mach, kendo ma tiendene pakni ka mula, wacho niya,

Fweny 2:24

“ ‘To un ji mamoko duto man Thuatira, ma ok oseluwo puonjno, bende mapok ong’eyo gima jomoko luongo ni, ‘Weche matut mag Satan’, ok amiu ting’ moro mapek.

Fweny 2:8

“Ndik ni malaika mar kanyakla mar jo-Kristo man Smurna kama: ‘Weche mag Jal Mokwongo kendo Mogik e magi. En e Jal mane otho, kendo ochako obedo mangima.

Fweny 21:5

Eka Jal mane obet e kom duong’ nowacho niya, “Neuru! Aloso gik moko duto bedo manyien!” Bende nokona ni, “Ndik wachno, nikech wechegi gin weche migeno kendo ma adiera.”

Fweny 22:10

Bang’ mano malaikano nowachona niya, “Kik iling’ gi weche mokor manie kitabuni, nikech kinde moketi chiegni!

Fweny 22:16

“An Yesu aseoro malaikana mondo ohulnu wechegi ukonygo kanyakla mag jo-Kristo. An Nyakwar Daudi, kendo an sulue mar okinyi.”

Fweny 3:1

“Ndik ni malaika mar kanyakla mar jo-Kristo man Sarde niya, ‘Weche mag Jal man gi Roho abiriyo mag Nyasaye, kod sulue abiriyo e magi: “ ‘Ang’eyo timbeni duto, bende ang’eyo ni in gi nying’ ni ingima, to kata kamano isetho.

Fweny 3:14

“Ndik ni malaika mar kanyakla mar jo-Kristo man Laodikia niya, ‘Jal miluongo ni Amin, ma en janeno migeno kendo maradier, kendo chuech duto mag Nyasaye noa kuome wacho kama:

Fweny 3:4

Kata kamano, pod in gi ji manok e dala mar Sarde ma ok osechido lepgi. Gin giniwuoth koda gi lewni marachere, nikech mano ema owinjore kodgi.

Fweny 3:7

“Ndik ni malaika mar kanyakla mar jo-Kristo man Filadelfia niya, ‘Magi e weche Jal maler kendo maradier, man gi rayaw mar Daudi. Ka oyawo gimoro, to onge ng’ama nyalo loro, kendo ka oloro gimoro, to onge ng’ama nyalo yawo. Owacho niya,