Fweny 1:1 - MUMA MALER 2015

¹ Ma e fweny mane Nyasaye omiyo Yesu Kristo mondo onyisgo jotichne gik ma nyaka timre piyo. To Kristo nooro malaikane ir Johana jatichne mondo odhi onyise wach fwenyno,

Motingʼo Loko Manyien

¹ Ma e fweny ma Nyasaye nomiyo Yesu Kristo mondo onyisgo jotichne gik manyaka timre mapiyo. Kristo nomiyo fwenyni ongʼere ka nooro malaikane mondo onyis Johana jatichne.

Fweny 1:1 ပူးပေါင်းရင်းမြစ်များ

Zaburi 25:14

Ruoth Nyasaye en osiep joma oluore, kendo opuonjogi tiend singruokne.

Daniel 8:16

Eka nawinjo dwol machalo dwond dhano kaluongo gi loka machielo mar aora Ulai niya, “Gabriel, nyis jalo tiend gima ne oneno.”

Daniel 9:21

Kane pod alemo kamano, ng’at miluongo ni Gabriel, mane aseneno e fweny, ne ohuyo matek mobiro kuma antie. Ne en kar sa mitimoe misango mar odhiambo.

Daniel 9:23

E sa mane ichakoe ywak ni Nyasaye, ne odwoki, kendo asechopo mondo anyisi dwokono, nikech in ng’at ma Nyasaye ohero ahinya. To koro chik iti mondo iwinj tiend fwenyno.

Amos 3:7

“Adier, onge gima Ruoth Nyasaye timo ka ok onyiso jotichne ma jonabi.

Johana 12:49

nimar ok asewache gi tekona awuon, to Wuora mane oora ema osenyisa gima onego ahul kendo awachi.

Johana 15:15

Chakre kawuono ok nachak aluongu kendo ni wasumbini, nikech misumba ok ong’eyo gima ruodhe timo. To aluongou ni osiepena, asenyisou gik moko duto ma Wuora osenyisa.

Johana 17:8

Asehulonigi wach mane imiya, mi girwako, kendo giseng’eyo maonge kiawa ni ne aa iri adier, bende giseyie ni in ema ne iora.

Johana 3:32

Owacho gik moseneno, kendo mosewinjo, to onge ng’ama oyie ni gima owacho en adier.

Johana 8:26

Nitie gik mang’eny ma adwaro wacho kuomu, kendo ma adwaro ng’adonugo bura. Jal mane oora en jaadiera kendo wach ma ayudo kuome ema anyiso piny.”

Jo-Rumi 16:25

Opak Nyasaye manyalo miyo ubed gi yie motegno, kaluwore gi Wach Maber mar Yesu Kristo ma alando. Wach Maber en wach mane opondo nyaka nene.

Jo-Galatia 1:12

Adier, ne ok ayude kuom dhano, bende onge ng’ama ne opuonjago, to Yesu Kristo owuon ema ne ofwenyonago.

Jo-Efeso 3:3

kendo kaka nofwenyona wach moro mopondo mane osechano chon. (Asendiko matin kuom wachni,

Tito 1:1

An Paulo, ma misumba Nyasaye, kendo jaote Yesu Kristo, ema andiko baruani. Nyasaye ne oora mondo ajiw yie mar joma Nyasaye oyiero obed motegno, kendo mondo apuonjgi adiera mamiyo giluoro Nyasaye,

Fweny 1:19

Omiyo koro ndik gik miseneno duto, ok mana gik mantie kende, to gik mabiro timore achien bende.

Fweny 1:9

An owadu Johana, an e achiel kodu e sand gi loch kod kinda ma wan-go kuom Kristo Yesu. Ne oketa e chula miluongo ni Patmo nikech nalando wach Nyasaye, kendo awuoyo kuom Yesu e lela.

Fweny 17:1

Eka achiel kuom malaika abiriyo man gi tewni abiriyo nobiro ira, mi owachona niya, “Bi mondo anyisi bura mong’adi ni jachode maduong’, ma en dala maduong’ moger e wi pige mang’eny!

Fweny 19:10

Ne apodho piny e tiende mondo alame, to nokwera ni, “Ngang’! Kik itim kamano! An mana jatich wadu matiyo kodi kaachiel gi oweteni mamoko. Wan duto wahulo wach man kuom Yesu. Nyasaye kende ema mondo ilam. Adiera ma Yesu kelo ema miyo jonabi koro wach.”

Fweny 19:9

Eka malaikano nowachona ni, “Ndik niya, ‘Joma oluongi e kisera mar Nyarombo gin johawi.’ ” Eka nomedo wachona niya, “Mano e wach mar adier mar Nyasaye.”

Fweny 21:2

Eka ne aneno Dala Maler, ma en Jerusalem manyien, kalor piny a e polo kuom Nyasaye, koikore ka miaha moikore ni chwore.

Fweny 21:9

Eka achiel kuom malaika abiriyo mane nigi tewni moting’o masiche mogik abiriyo, nobiro ira, mowuoyo koda. Nowachona niya, “Bi mondo anyisi Miaha, ma en chi Nyarombo.”

Fweny 22:1

Bang’ mano, malaikano nonyisa aora mar pi ngima marieny ahinya, kendo mamol kaa e kom duong, mar Nyasaye gi mar Nyarombo.

Fweny 22:16

“An Yesu aseoro malaikana mondo ohulnu wechegi ukonygo kanyakla mag jo-Kristo. An Nyakwar Daudi, kendo an sulue mar okinyi.”

Fweny 22:6

Eka malaikano nowachona niya, “Wechegi gin weche migeno kendo ma adiera, kendo Ruoth Nyasaye ma oro Roho mare ni jonabi oseoro malaikane mondo onyis jotichne gik mabiro timore piyopiyo.”

Fweny 22:8

An Johana ema ne awinjo gigi kendo anenogi. Kane awinjogi kendo anenogi kamano, to ne apodho piny e tiend malaika mane nyisagi.

Fweny 22:9

To ne okwera ni, “Ngang’! Kik itim kamano! An mana jatich wadu matiyo kodi kaachiel gi owetena ma jonabi kod joma omako weche manie kitabuni. Nyasaye kende ema mondo ilam!”

Fweny 4:1

Bang’ mano, ne arango polo, mi aneno dhoot moro moyawore e polo, kendo dwol machalo gi dwond tung’ mane akwongo winjo kawuoyo koda cha, nowachona niya, “Bi malo ku, mondo anyisi gik mabiro timore bang’ magi.”

Fweny 5:7

Ne odhi mokawo kitabu ma Jal mane obet e kom duong’no oting’o e lwete ma korachwich.