Ezra 9:8 - MUMA MALER 2015

⁸ A Ruoth Nyasaye ma Nyasachwa, koro sani, kuom kinde matin, isebedonwa mang’won, kiweyo jowa moko tony, kendo isemiyowa kama wanyalo dakie e dalani maler. Iseduogo chunywa, kendo iweyonwa thuolo mondo dendwa oduogi e tuech ma wantieni.

Motingʼo Loko Manyien

⁸ “To koro sani, kuom kinde matin, Jehova Nyasaye ma Nyasachwa osebedo jangʼwono moweyonwa joma otony kendo omiyowa kama wanyalo dakie e kari maler mar lemo. Isedwogo chunywa, kendo iweyonwa thuolo mondo dendwa oduogi e twech ma wantiereni.

Ezra 9:8 ပူးပေါင်းရင်းမြစ်များ

2 Ruodhi 19:4

Nyalo bet ni Ruoth Nyasaye ma Nyasachi osewinjo weche Rabshake ma ruodh Asuria oseoro mondo oyany Nyasaye Mangima. Omiyo kamoro obiro kumo Rabshake nikech weche ma osewinjo ka Rabshake wachogo. Kuom mano, in Isaya, lem ni jowa mapod odong’.”

Ezra 9:9

Adier, wan joma otue, to kata kamano in Nyasachwa, ok isejwang’owa chutho miweyowa e tuechwa, to isemiyo chuny ruodhi mag Persia obedo maber kodwa, mi gimiyowa thuolo mondo walos Hekalu mari kendo wager kuonde mokethore, kibedonwa kaka ohinga molworo Juda gi Jerusalem.

Nehemia 1:11

Yie ichik iti mondo iwinj kwayona kod kwayo jotichni mohero luoro nyingi, kendo yie iguedha kawuononi, mondo imi jal matiyone ogena.” E kindeno ne an jagam divai mar ruoth Artaxerxes.

Nehemia 9:31

Kata kamano kuom ng’wononi mogundho ne ok itiekogi kata jwang’ogi chuth, nimar in Nyasaye mang’won gi lala kendo ma kechoo ji.

Ayub 33:30

Adier, oreso ngima dhano, kendo omiye mor mar bedo mangima.

Zaburi 13:3

A Ruoth Nyasacha, ranga mondo idwok kwayona. Dwokna tekona mondo kik atho,

Zaburi 13:4

nikech dipo ka wasika owacho ni, “Waseloye!” Mi gibed mamor ni asepodho.

Zaburi 138:7

Kata e kinde ma masiche oketa diere, to irita maber. Ikwedo wasika ma jokwinyo, kendo iresa gi teko mar badi ma kor achwich.

Zaburi 34:5

Joma ithiro geno yudo konyruok kuome, mi omiyogi mor kendo ok owe mak okonyogi.

Zaburi 85:6

Wan jogi, yie idwognwa tekowa mondo wapaki.

Ngeche 29:13

Jachan gi ng’at mathire nigi gimoro achiel machalre; en ni Ruoth Nyasaye ema ne omiyogi ngima giduto.

Eklesiastes 12:11

Weche mag joma riek chalo gi ludhe ma jokwath kwayogo rombe, kata ka musmande ma ogo matek. Nyasaye ma jakwadhwa achiel kende waduto, ema osechiwo wechego.

Isaya 1:9

Ka dine Ruoth Nyasaye Manyalo Gik Moko Duto ok oreso ji manok kuomwa to dine otiekwa chuth, mana kaka ne otiek Sodom gi Gomora.”

Isaya 14:3

Kamano ka Ruoth Nyasaye ogolo rem gi luoro kod tich misumba malit ma jo-Israel nigo, kendo omiyogi kue

Isaya 56:5

noyud gima ber moloyo yudo nyithindo. Giniyud rapar e oda kendo e ohingana. Adier, abiro miyogi nying’ mosiko, ma ok rum nyaka chieng’.

Isaya 57:15

Ng’ama Duong’ Moloyo, ma nyinge Ng’ama Ler, kendo mosiko nyaka chieng’ wacho kama: “Adak kama ler kendo man malo, gi joma chunygi obolore kendo muol, mondo aduog chuny joma muol, kendo ajiw teko mar joma obolore.

Isaya 6:13

Kata ka achiel kuom apar mar ji odong’ kanyo, to gin bende notiekgi pep, mana ka yien motong’, mi osiki kende ema odong’. Kamano jo-Nyasaye ma biro dong’ nochal gi osikino.”

Jeremia 42:2

mowachone niya, “Kiyie to timnwa gima wakwayi. Yie ilamnwa Ruoth Nyasachwa, wan ji duto modong’. Chon ne wan ji mathoth, to koro neye kaka wadong’ mana manok kende.

Jeremia 44:14

Onge kata ng’at achiel kuom jo-Juda mane odong’ mi tony. Bende onge kata ng’at achiel kuomgi ma nodong’ e piny Juda kuma gigombo mondo gidagie kendo. Onge ng’ama nodogi, mak mana ji moko manok moringo lweny.”

Ezekiel 14:22

To ka jomoko otony, mi obiro iru gi nyithindgi ma gisereso, to ranggiuru maber ane. Unune ka gin joma timbegi mono, mi unuyie ni kara kum ma akumogo Jerusalem ni kare.

Hosea 6:2

Bang’ ndalo ariyo kata adek obiro duogo chunywa kendo miyo wachak wadhi maber, mi wadag e nyime.

Habakuk 3:2

A Ruoth Nyasaye, asewinjo humbi, kendo timbeni miya luoro. Chak itim timbeni machon mana e ndalogi, kendo kata obedo ni ikecho kamano to ng’wonnwae.

Zefania 3:12

To joma nawe nobed joma odhier kendo mathagore.

Zekaria 10:4

Bende ginibed motegno ka kite moriwo kor ot, kendo ka loye migurogo hema. Ginichal gi atung’ moywa mochiek ni lweny, kendo kuomgi ema jotend lweny duto nowuogie.

Zekaria 8:12

Ginichwo kodhi ka gin gi kue, mi mzabibu nonyag olembe, kendo lowo nochieg cham. Koth bende nochuenigi maber, kendo anaguedh joma odong’ kuom jogagi gi gigo duto.

Zekaria 8:6

“An Ruoth Nyasaye Manyalo Gik Moko Duto, awacho kama: Kata kapo ni gima kamano nenore ni joma odong’ e ogandani ka gima ok nyal timore, koro an bende nonenrena kamano?

Jo-Rumi 9:27

Isaya bende nowuoyo kuom jo-Israel kama: “Kata ka jo-Israel ng’eny mana ka kuoyo manie dhonam, to ji manok kuomgi kende ema nokwo,

Fweny 3:12

To ng’at molocho anami bed siro e Hekalu mar Nyasacha, mi ok nochak owuog kanyo kendo nyaka chieng’. Anandik nying Nyasacha kuome, kod nying dala mar Nyasacha, ma en Jerusalem manyien, mabiro lor kaa e polo kuom Nyasacha. Nyinga maler bende nandik kuome.

1 Samuel 14:27

To Jonathan ne ok owinjo ka wuon mare kwero ji gi kuong’. Emomiyo nochwowo pedni gi luth mane en go e lwete, moketo mor kich e dhoge, mi chunye nodwogo.

1 Samuel 14:29

omiyo Jonathan nowacho niya, “Wuora osethago ji, kuom kwerogi kamano. Neuru kaka chunya koro oduogo. Mana nikech mor kich matin ma abiloni.