Ezra 9:5 - MUMA MALER 2015

⁵ To kane sa mitimoe misango mar odhiambo ochopo, nachung’ aa kama ne aywagorae ka lawa oyiech, kendo nagoyo chonga piny, matang’o lweta ni Ruoth Nyasaye ma Nyasachwa, ka awacho niya,

Motingʼo Loko Manyien

⁵ Kane ochopo sa misango mar odhiambo, ne achungo aa kama ne abetie, gi kandhona kod lepa koyiech, mi apodho gi chonga ka atingʼo bedena malo ne Jehova Nyasaye Nyasacha.

Ezra 9:5 ပူးပေါင်းရင်းမြစ်များ

1 Ruodhi 8:22

Eka Solomon nochung’ e dho kendo-mar-misango mar Ruoth Nyasaye, e nyim jo-Israel duto. Norieyo bedene malo kochomo polo,

1 Ruodhi 8:38

mi ng’ato olami ka kwayi gimoro, korieyo bedene kochomo Hekaluni, (nimar ng’ato ka ng’ato ong’eyo gima chando chunye,)

1 Ruodhi 8:54

Kane Solomon osetieko lamo Ruoth Nyasaye, kendo kwaye wechego duto, noa malo e nyim kendo-mar-misango mar Ruoth Nyasaye, kama nosegoyoe chonge piny, morieyo bedene kochomo polo.

2 Weche mag Ndalo 6:13

Noseloso raidhi mar mula, ma borne gi lachne mita ariyo gi nus maromre, to borne modhi malo mita achiel gi nus, moketo e dier laru, noidhe, mogoyoe chonge piny e nyim jo-Israel duto mane ochokore. Norieyo bedene malo,

Nehemia 1:4

Kane awinjo wachno, nabet piny maywak kuom ndalo mogwarore, ka atueyo chiemo, kendo alemo e nyim Nyasach polo.

Zaburi 141:2

Lemona mondo obedni ka ubani miwang’o e nyimi, kendo bedena mating’o malo mondo obedni ka misango mar odhiambo.

Zaburi 143:6

Alami, ka ating’o bada malo, kendo sisom oloya kodi, mana ka lowo motwo madwaro pi.

Zaburi 95:6

Biuru, wakulre piny e nyim Ruoth Nyasaye ma Jachuechwa, mondo walame, kwagoyone chongwa piny,

Wuok 9:29

Musa nowachone niya, “Ka asea e dalani, to abiro rieyo bada kalamo Ruoth Nyasaye. Polo biro weyo mor, kendo pe bende biro chok mondo omi ing’e ni Ruoth Nyasaye e wuon piny ngima.

Wuok 9:33

Musa noa ir Farao, mowuok e dala. Eka noting’o bedene malo kolamo Ruoth Nyasaye, mi mor polo gi pe norumo, kendo koth bende nochok.

Isaya 1:15

Bende ka uting’o bedeu malo ka ulemo, to abiro umo wang’a mondo kik aneu, kendo kata da bed ni ulemo machal nade, to ok nawinju

Daniel 10:2

E kindeno, an Daniel, ne ayudo ka asebedo ka asando ringra kuom jumbe adek,

Luka 22:41

Eka noweyogi modhi kuma ochwalore ma dirom diro kidi, mi nogoyo chonge piny, kendo olemo,

Tich Joote 21:5

To kane ndalo mane wadwaro bet kodgi orumo, ne wawuok mi wadhi nyime gi wuodhwa. Giduto kaachiel gi mondgi kod nyithindgi ne gikowowa nyaka dhonam, mi waduto ne wagoyo chongwa piny kanyo, kendo walamo Nyasaye.

Jo-Efeso 3:14

Kaka nawacho ni adwaro goyo chonga piny mondo alem, to koro agoyo chonga kalamo Wuoro,