Ezra 9:4 - MUMA MALER 2015

⁴ Jogo duto mane oluoro wach Nyasach Israel nobiro ira, nikech gima rach mane joma oduogo koa e tuech Babulon otimo. Nabet kanyo ka dhoga omoko nyaka sa mitimoe misango mar odhiambo.

Motingʼo Loko Manyien

⁴ Eka jogo duto mane oluoro wach Nyasach Israel nochokore buta nikech gima rach mane joma odwogo koa e twech Babulon otimo. Kendo ne abedo kanyo ka an-gi bwok malich nyaka ochopo sa misango mar odhiambo.

Ezra 9:4 ပူးပေါင်းရင်းမြစ်များ

2 Weche mag Ndalo 34:27

‘Asewinji nikech kane iwinjo wechena mane awacho kuom pinyni kod joma odakie, chunyi ne yom kendo odembore, miyiecho lepi, kendo iywak e nyima.

Ezra 10:3

Emomiyo koro wasingrueru ni Nyasachwa ni wanariemb mon-go gi nyithindgi, kaka useng’adonwa rieko, un kod jogo moluoro chik Nyasaye, kendo watimuru gima chik dwaro.

Ezra 10:9

Mi jo-Juda gi jo-Benjamin duto nochokore Jerusalem kapok ndalo adek orumo. Due piero ariyo due mar ochiko, ji duto nobet e laru manie nyim Od Nyasaye, ka kirni nikech luoro nomakogi, kendo nikech koth maduong’ ne goyogi.

Zaburi 119:136

Pi wang’a mol ka aora, nikech ji ok dew rito chikni.

Wuok 29:39

Ineg nyarombo achiel gokinyi, to machielo ineg godhiambo.

Wuok 29:41

To godhiambo ineg nyarombo machielo, kendo ichiwe kaachiel gi misango mar cham kod misango miolo piny, mana kaka nende ichiwo gokinyi, mondo odum tik mamit. En misango miwang’o ni Ruoth Nyasaye.

Isaya 66:2

Gigi duto an ema achueyo, kendo an e wuon-gi. An Ruoth Nyasaye ema awacho kamano. Ng’at ma abiro konyo en ng’at mamuol, ma chunye otur, kendo ma tetni kowinjo wachna.

Isaya 66:5

Winjuru wach Ruoth Nyasaye, un mutetni kowuoyo. Owacho kama: “Joweteu mosin kodu, kendo modagu nikech uhero nyinga, wacho niya, ‘Ruoth Nyasaye mondo onyis duong’ne maler, mondo waneye ane mor ma un go!’ To kata kamano gin ema ginine wichkuot.”

Ezekiel 9:4

mowachone niya, “Dhiyo, iwuothi e Jerusalem duto, iket kido e lela wang’ ng’ato ka ng’ato ma chunye lit kendo maywagore nikech gik moko duto makuero matimore e dalani.”

Daniel 10:2

E kindeno, an Daniel, ne ayudo ka asebedo ka asando ringra kuom jumbe adek,

Daniel 9:21

Kane pod alemo kamano, ng’at miluongo ni Gabriel, mane aseneno e fweny, ne ohuyo matek mobiro kuma antie. Ne en kar sa mitimoe misango mar odhiambo.

Kwan 25:6

Noyudo ja-Israel moro okelo nyar Midian e hembe ratiro ka Musa kod oganda duto neno, ka noyudo giywak e dho Hemb Romo.

Tich Joote 3:1

Chieng’ moro, Petro kod Johana ne jodhi e Hekalu sa ochiko mar odhiambo, ma en sa lemo.