Ezra 9:3 - MUMA MALER 2015

³ Kane awinjo wachno, nayiecho lawa kod abolana, mapudho yie wiya gi yie tika, kendo nabet piny ka dhoga omoko.

Motingʼo Loko Manyien

³ Kane awinjo wachno, ne ayiecho kandhona kod lepa, apudho yie wiya kod yie tika mi abedo piny ka an-gi bwok malich.

Ezra 9:3 ပူးပေါင်းရင်းမြစ်များ

2 Samuel 1:11

Kane Daudi owinjo wachno, noyiecho lepe owuon, kendo ji duto mane ni kode bende notimo kamano.

2 Ruodhi 18:37

Eliakim wuod Hilkia ma jaduong’ od ruoth, gi Shebna jagoro kod Joa wuod Asaf ma jachan weche mag piny ne jobiro ir Hezekia, ka joyiecho lepgi, mi ginyise gima ne Rabshake owacho.

Nehemia 1:4

Kane awinjo wachno, nabet piny maywak kuom ndalo mogwarore, ka atueyo chiemo, kendo alemo e nyim Nyasach polo.

Nehemia 13:25

Nadhaw kodgi, mi ayanyogi, to jomoko kuomgi nagoyo, mi apudho yie wigi. Kendo namiyo gikuong’ore e nyim Nyasaye ni ok giniyie jogo okend nyigi, kendo ni ok ginikend nyi jogo, kata kendogi ni yawuotgi.

Ayub 1:20

Bang’e Ayub nochung’, moyiecho lepe kanyisogo kuyo ma en go. Ne olielo wiye apwodha mopodho piny auma.

Zaburi 119:53

To ka aneno joricho ka ketho chikni, to mirima pong’o chunya.

Zaburi 143:4

Kuom mano, chunya dwaro nyosore, nikech oserumo chuth!

Zaburi 66:3

Pakuru Nyasaye niya, “Mano kaka gik mitimo lich miwuoro! Tekoni duong’ ahinya, omiyo wasiki kulore gi luoro e nyimi.

Isaya 15:2

Jo Dibon noring kaidho gode mondo olem e hembko man kuno. Jo-Moab to noywag nikech Nebo gi Medeba osekethi, kendo ng’ato ka ng’ato noliel wiye kod tike.

Jeremia 36:24

To ruoth, kata ng’ato ang’ata kuom jodonge ne ok obedo maluor, kata yiecho lepgi ma dinyis ni giloko chunygi.

Jeremia 7:29

“Yaye, jo-Jerusalem, ma yie wiu maboyo en ranyisi ni un joma owalna, dhiuru uliego oko, kendo udhi uywagi ewi gode, nimar an Ruoth Nyasaye asedagi joma akechogogi kendo aseweyogi.

Ezekiel 3:15

Ne adhi Telabib, kuma ne joma oter e tuech odakie e bath aora Kebar, mi abet kuno kuom ndalo abiriyo, ka adhier nono nikech gik mane aseneno.

Ezekiel 7:18

Ginirwak piende gugru, kendo kibaji nogogi marach. Wigi noliel, mi giduto giyud wichkuot.

Daniel 4:19

Kane Daniel ma nyinge moro en Belteshazar, owinjo wachno, ne obwok mi chunye ochandore ma ok onyal wacho gimoro. Ruoth nowachone niya, “Belteshazar, kik iwe chunyi chandre nikech lekno kata ne gima tiende nyiso.” Belteshazar nodwoke niya, “Ruoth dobedo maber ka lekno kod tiende odok ni wasiki!

Daniel 8:27

Bang’ mano, an Daniel, chunya nobedo mool, mi abedo matuo kuom kinde mogwarore. To bange ne aa malo, mi adok e tich mane ruoth osemiya. Kata kamano fwenyno ne odhiera, kendo ne ok anyal ng’eyo tiende.

Tim jo-Lawi 21:5

Jodolo kik liel yie wigi atuota, ka ginyisogo ni giywak, kata kik gitit yie tikgi, kata kik gisar dendgi.

Mika 1:16

Un jo-Juda, pwodhuru wiu obed ranyisi ni uywago nyithindo muhero. Ee, lokreuru rabonde ka achudhe, nikech nyithindugo ibiro mau.

Joshua 7:6

Joshua gi jodong Israel noyiecho lepgi, kendo noolo buru e wigi. Ne giriere piny auma e nyim Sanduk mar Ruoth Nyasaye, mi giriyo kanyo nyaka odhiambo.