Ezra 9:11 - MUMA MALER 2015

¹¹ Nichikowa gi dho jotichni ma jonabi, kiwacho niya, ‘Piny ma koro udonjoe mondo ukawni en piny modwanyore nikech joma odakie osedwanye gi timbegi mag kiragi, mi giloke mochido chakre tung’ piny nyaka tung’ piny.

Motingʼo Loko Manyien

¹¹ mane imiyowa kokalo kuom jotichni ma jonabi, kiwacho ni, ‘Piny ma udonje mondo ukaw en piny mopongʼ gi anjawo mag joge. Kuom timbegi mamono gisepongʼo pinyni gi chido margi koa giko koni nyaka giko kocha.

Ezra 9:11 ပူးပေါင်းရင်းမြစ်များ

2 Ruodhi 21:16

To ewi richo duto mane Manase otimo, komiyogo jo-Juda obedo joricho e nyim Ruoth Nyasaye, en ni nomedo chuero remb ji mang’eny maonge ketho, nyaka remo nomol ka ohula e Jerusalem.

2 Weche mag Ndalo 33:2

Timbene ne richo e nyim Ruoth Nyasaye kaka timbe makuero mag ogendini mane Ruoth Nyasaye oriembo mondo owe thuolo ni jo-Israel.

Ezra 6:21

Joma nochamo Pasakano ne gin jo-Isarel mane oa e tuech, kaachiel gi jogo duto mane koro lamo Ruoth Nyasaye ma Nyasach Israel, bang’ weyo timbe dondruok mag ogendni ma koro nodak e pinyno.

Ezra 9:1

Kane osetim gigo duto, jodongo moko nobiro ira, mowachona niya, “Jo-Israel koda ka jodolo gi jo-Lawi ok osepogore moa kuom joma ok jo-Yahudi, to gitimo mana timbe makuero mane mag jo-Kanaan gi jo-Hiti gi jo-Perizi gi jo-Jebus gi jo-Amon gi jo-Moab gi jo-Misri kod jo-Amor.

Ezra 9:10

A Nyasachwa, koro dwawach ang’o kwasejwang’o chikeni, bang’ ng’wono machal kama?

Jeremia 26:5

Asetimo kinda ka aoro jotichna ma jonabi mondo owachnu wechena, to ok usedewo gik ma giwacho.

2 Jo-Korintho 7:1

Osiepewa, mago e singruok ma osemiwa. Kuom mano, nyaka wapuodhre kuom gik moko duto mamiyo ringruok kod chuny doko mochido, mondo wadok joma ler chuth, kwabedo joma oluoro Nyasaye.

Rapar mar Chik 12:31

Kik ulam Ruoth Nyasaye ma Nyasachu kaka gilamo nyisechegi, nikech Ruoth Nyasaye mon gi timbe makuero ma gilamogo nyisechegi, nimar gise kata mana wang’o ni nyisechegigo yawuotgi gi nyigi ka misango.

Rapar mar Chik 18:12

Joma kamago Ruoth Nyasaye okwedo, kendo timbegi makuerogo ema omiyo Ruoth Nyasaye ma Nyasachu riembo ogendinigo mondo owenu thuolo.