Ezra 8:28 - MUMA MALER 2015

²⁸ Eka nawacho ni jogo niya, “Un joma owal ni Ruoth Nyasaye mana kaka gik lemogi. Fedha gi dhahabu to gin mich ma ji osechiwo kuom herogi ni Ruoth Nyasaye ma Nyasach kwereu.

Motingʼo Loko Manyien

²⁸ Ne awachonegi niya, “In kaachiel gi gigi owalu tenge ne Jehova Nyasaye. Fedha gi dhahabu gin chiwo mar hera ne Jehova Nyasaye, ma Nyasach kwereu.

Ezra 8:28 ပူးပေါင်းရင်းမြစ်များ

1 Weche mag Ndalo 23:28

Tichgi ne en konyo joka Harun tiyo e Od Ruoth Nyasaye. Nomigi tich rito udi mag Od Nyasaye gi alworane, kendo lwoko gik lemo duto, kod tiyo tije moko duto mag Od Nyasaye.

1 Weche mag Ndalo 26:20

Jo-Lawi moko ne rito od keno mag Od Nyasaye kod kuonde mikanoe chiwo momi Ruoth Nyasaye.

2 Weche mag Ndalo 24:14

Kane gisetieko tich, ne gikelo pesa modong’ ni ruoth gi Jehoyada, mi ne gilosogo tewni mag ubani gi agulini mag dhahabu gi mag fedha mondo okonyruokgo e Od Ruoth Nyasaye kuom misengni miwang’o pep, kod tije moko mag Hekalu. Ne gitimo misengni miwang’o pep e Od Ruoth Nyasaye pile pile ndalo duto mag Jehoyada.

Ezra 8:27

Gi lewni piero ariyo mag dhahabu ma nengogi ne darik alufu achiel, kod tewni ariyo mag mula mang’ang’ni, ma nengogi tek ka nengo dhahabu.

Wuok 35:29

Jo-Israel duto machwo gi mamon mane oyie golo chiwo ni tich duto mane Ruoth Nyasaye osechiko Musa ni mondo otim, nokelo ni Ruoth Nyasaye michgi.

Isaya 52:11

Wuoguru! Wuoguru ua Babulon, ka ok umulo gimoro mogak. Adier, un muting’o gik lemo, wuoguru Babulon chuth, kusepwodhoru maler.

Kwan 7:13

Nochiwo nyalaro mar fedha ma pekne romo shekel mia achiel gi piero adek, kopim gi rapim mitiyogo e tich Nyasaye, gi tawo mar fedha ma pekne shekel piero abiriyo. Giduto ne giting’o mogo moruw gi mo mitimogo misango mar cham.

Rapar mar Chik 33:8

Jo-Lawi to nowuoyo kuomgi niya, “A Ruoth Nyasaye, nimiyo nyikwa Lawi ombulu miluongo ni Urim gi Thumim mondo ging’ego dwaroni, nikech gin joma tiyoni gi adiera. Ne itemogi Masa, kendo e sokni mag Meriba mi inwang’o ni gin joma inyalo geno.