Ezra 8:23 - MUMA MALER 2015

²³ Kuom mano, ne wariyo kech, kendo wakwayo Nyasachwa mondo wawuoth maber, mi nowinjo kwayowa.

Motingʼo Loko Manyien

²³ Omiyo ne watweyo chiemo kendo wakwayo Nyasachwa kuom ma, kendo nodwoko lamowa.

Ezra 8:23 ပူးပေါင်းရင်းမြစ်များ

Chakruok 25:21

Rebeka nodak aming’a kapok onywol, omiyo Isaka nolamone Ruoth Nyasaye mondo oyud nyathi. Ruoth Nyasaye nowinjo kwayone, mi Rebeka nomako ich.

2 Ruodhi 13:4

To Jehoahaz nosayo Ruoth Nyasaye, mi Ruoth Nyasaye nowinje, nikech noneno kaka ruodh Aram sando jo-Israel.

1 Weche mag Ndalo 5:20

Nyasaye nokonyogi e lweny nikech ne giywakne kane gikedo. Nowinjogi nikech ne gigene, mi ne giloyo jo-Hagri gi ji duto mane jo-Hagri oseriworego.

Ezra 8:31

Mi tarik apar gariyo mar due mokwongo ne wawuok but aora Ahava kuma ne wasebworoe, kwachiko Jerusalem. Nyasaye ne ni kodwa, omiyo noritowa kuom wasigu kendo kuom jomahundu mane nyalo butonwa e yo.

Nehemia 9:1

Chieng’ due piero ariyo gang’wen mar dueno jo-Israel nochokore ka riyo kech, kendo ka rwakore gi pien gugru, kendo ka gibuko wigi buru.

Ngeche 3:5

Gen kuom Ruoth Nyasaye gi chunyi duto, to kik igen kuom riekoni iwuon.

Isaya 19:22

Ruoth Nyasaye nogo jo-Misri, to kata kamano, enochanggi mana e kinde ma ogoyogieno. Pile ka giduogo ire, to enowinj kwayogi, mi ochanggi.

Jeremia 33:3

In Jeremia awachoni niya, ‘Luonga, to abiro dwoki, kendo ananyisi gik madongo kendo malich ma ok ing’eyo.’

Daniel 9:3

Bang’e ne alamo Ruoth Nyasaye matek, kaywakne kendo ka ariyo kech. Bende ne arwako pien gugru, kendo ne abuko wiya buru.

Luka 2:37

to bang’e nobet chi liel nyaka odoko ja higni piero aboro gang’wen. Ne osiko komiyo Nyasaye duong’ e Hekalu odiechieng’ gotieno, kotueyo chiemo kendo olemo.

Tich Joote 10:30

Kornelio nodwoke niya, “Ndalo adek mokadho, ne oyudo alemo e oda kar sa ochiko mar odhiambo. To ne apo ka ng’at moro morwako lewni mang’angni ochung’ e nyima,

Rapar mar Chik 4:29

To kudwaro Ruoth Nyasaye ma Nyasachu gi chunyu duto gi adiera kuonde moterouego, to unuyude.