Ezra 8:22 - MUMA MALER 2015

²² Wiya nokuot kwayo ruoth askeche gi joidh farese ma diritwa e yo kuom wasigu, nikech ne wasewachone ni Nyasaye guedho jogo duto madware, kendo timonigi maber. To mirimbe mager ni kuom jogo duto moweye.

Motingʼo Loko Manyien

²² Wiya nokuot mar kwayo ruodh jolweny kod joriemb farese mondo ogengʼwa kuom wasikwa manie yo, nikech ne wasenyiso ruoth niya, “Lwet Nyasachwa mar ngʼwono nitie kuom ji duto moketo genogi kuome, to mirimbe mager ni kuom jogo mojwangʼe.”

Ezra 8:22 ပူးပေါင်းရင်းမြစ်များ

1 Weche mag Ndalo 28:9

“To in Solomon wuoda, par Nyasach wuoru, kendo ichiwri mondo itine gi chunyi duto, nimar Ruoth Nyasaye ng’iyo chuny ji duto, kendo ofwenyo paro mag dhano. Kidware, to iniyude, to kiweye, to enojwang’i nyaka chieng’.

2 Weche mag Ndalo 15:2

modhi romo gi Asa. Nowacho ni Asa gi jo-Juda kod jo-Benjamin niya, “Ruoth Nyasaye ni kodu, to mana ka pod un kode. Kudware, unuyude; to kuweye en bende noweu.

2 Weche mag Ndalo 16:9

nikech wang’ Ruoth Nyasaye ng’iyo piny duto koni gi koni mondo onyis tekone mokonyogo joma chunygi odimbore e nyime. Nitimo gima ofuwo kuom wachni, omiyo chakre kawuono ibiro bedo gi lwenje.”

Ezra 7:28

kendo osemiyo ruoth gi jobuche kod jotende madongo ogena.” Kuom mano, kane aseng’eyo ni Ruoth Nyasaye oguedha, nabedo gi chir, mi achoko jotend Israel moko mondo adhigo.

Ezra 7:6

Ezrano ne japuonj chik, motiegore e chik Musa mane Ruoth Nyasaye ma Nyasach Israel omiyo joge. Ruoth Artaxerxes nomiye gik moko duto mane okwayo, nimar Ruoth Nyasaye ma Nyasache ne ni kode.

Ezra 7:9

Chieng’ due achiel due mokwongo ema ne Ezra osechano mondo owuog Babulon, kendo nochopo Jerusalem chieng’ mokwongo mar due mar abich, nikech Nyasaye noseguedhe.

Ezra 8:31

Mi tarik apar gariyo mar due mokwongo ne wawuok but aora Ahava kuma ne wasebworoe, kwachiko Jerusalem. Nyasaye ne ni kodwa, omiyo noritowa kuom wasigu kendo kuom jomahundu mane nyalo butonwa e yo.

Nehemia 2:9

Kane achopo kuom ruodhi mag piny man loka aora Yufrate, namiyogi barupe ruoth. Noyudo ka ruoth omiya jotend lweny kod joidh farese mondo okowa.

Zaburi 20:8

Joma kamago biro chwanyore, mi podhi, to wan wabiro a malo mi wachung’ motegno.

Zaburi 34:22

Ruoth Nyasaye waro jotichne, kendo ji duto mogeno kuome notony.

Zaburi 90:11

Ere ng’ama ong’eyo teko duto mar mirimbi? Koso ere ng’ama ong’eyo luoro ma gero mari kelo?

Ywagruok 3:25

Ruoth Nyasaye timo maber ni joma ogene kendo ma dware.

Jo-Rumi 8:28

Wang’eyo ni Nyasaye omiyo gik moko duto tiyo kaachiel mondo joma ohere oyud gueth. Jogo gin joma oseluongo kaka odwaro.

1 Jo-Korintho 9:15

To an, kata obedo ni an gi ratiro mar yudo gik ma kamago, to ok asekonyora kodgi, to bende ok andik wechegi ni mondo ayudgi, nikech diber ka atho, moloyo ka ng’ato oloko gima asungoragoni odoko gima nono.

2 Jo-Korintho 7:14

To komedore gi jip mane wan wawegi wayudo, ne wadoko mamor moloyo nikech mor mane Tito oduogogo. Ne uduogo chunye un uduto.

Jo-Hibrania 10:38

Yie ema nomi ng’ata makare bed mangima. To ka odok chien, to ok nabed mamor kode.”

Joshua 22:16

“Wabiro e nying jo-Ruoth Nyasaye duto mondo wapenju gima omiyo usetimo gima rachni e nyim Ruoth Nyasaye ma Nyasach Israel? Useketho ni Ruoth Nyasaye, nikech ugero kendo-mar-misango maru uwegi, kendo useweyo luwe.

Joshua 23:16

To ka ok urito singruok ma nomiyou, mi ulamo nyiseche mamoko, to enokech kodu, mi karu nolal nono piyopiyo e piny maber mosemiyouni.”

1 Petro 3:12

nikech Nyasaye rango joma kare gi ng’wono, kendo pile oyie winjo lemogi, to omon gi joma timo richo.”