Ezra 8:21 - MUMA MALER 2015

²¹ Bang’ mano nagolo chik mondo wari kech e dho aora Ahava kanyo, ka wabolore e nyim Ruoth Nyasaye ma Nyasachwa, kendo wakwaye mondo oritwa gi nyithindwa kod giwa duto e wuodhwa.

Motingʼo Loko Manyien

²¹ Bangʼ mano, ne agolo chik mondo watwe chiemo e dho aora Ahava ka wahore wawegi e nyim Nyasachwa kendo wakwaye wuoth maber ni wan gi nyithindwa, gi giwa duto.

Ezra 8:21 ပူးပေါင်းရင်းမြစ်များ

2 Weche mag Ndalo 20:3

Luoro nomako Jehoshafat, moketo chunye ni kwayo Ruoth Nyasaye, kendo nochiko jo-Juda duto mondo otue chiemo.

2 Weche mag Ndalo 20:4

Ji noa e miech Juda duto, mi ochokore kaachiel mondo okwa kony kuom Ruoth Nyasaye.

Ezra 8:15

Nachoko jogo duto e bath aora mamol kochiko Ahava, mi ne wabworo kanyo kuom ndalo adek. To kane aserango ji, kaachiel gi jodolo, nanwang’o ni onge ja-Lawi kata achiel.

Ezra 8:31

Mi tarik apar gariyo mar due mokwongo ne wawuok but aora Ahava kuma ne wasebworoe, kwachiko Jerusalem. Nyasaye ne ni kodwa, omiyo noritowa kuom wasigu kendo kuom jomahundu mane nyalo butonwa e yo.

Nehemia 9:1

Chieng’ due piero ariyo gang’wen mar dueno jo-Israel nochokore ka riyo kech, kendo ka rwakore gi pien gugru, kendo ka gibuko wigi buru.

Zaburi 137:1

Ne wabet piny e bath aore mag Babulon, mi waywak ka waparo Sayun.

Zaburi 5:8

A Ruoth Nyasaye, an gi wasigu mang’eny, omiyo telna mondo atim mana dwaroni, kendo nyisa yoreni ratiro mondo aluw.

Zaburi 5:9

Adiera onge e dho wasika. Kethruok kende ema nie chunygi. Dhogi chalo gi bur mong’amo dhoge, kendo gipero ji apera gi dhogi.

Zaburi 8:2

Pak ma nyithindo mayom, koda ka mago ma pod dhoth, pakigo, chopo nyaka e polo malo. Isegero kama otegno mondo isirgo wasiki, kendo mondo igeng’go joma mon kodi.

Ngeche 3:6

Par Ruoth Nyasaye e gik moko duto mitimo, eka obiro nyisi yo makare monego iluw.

Isaya 30:21

To kubaro koracham kata korachwich, mi uweyo yo, to unuwinj gi itu uwegi ka dwol moro wachonu gi kang’eu niya, “Ma e yo, luweuru.”

Isaya 35:8

Wang’yo maduong’ nobed e thimno, kendo noluonge ni, ‘Wang’yo Maler’ Joma ok ler gi joma ofuwo ok nowuothie.

Isaya 42:16

Bang’e anatel ni muofni e wuodhgi, ka amiyo giluwo yore ma ok ging’eyo. Mudho ma giwuothoe analoknigi ler, kendo anarie yore mobam ma giluwo. Mago duto natim mak ok aweyo moro mak atimo.

Isaya 49:10

Kech ok nokagi, kendo riyo ok nologi, bende chieng’ marieny makech ok nomigi olo, nimar Jal ma oherogi ema notelnigi, ka terogi modho e soko ma pi bubnie.

Isaya 58:3

Gipenja niya, “Ere gima omiyo watueyo chiemo ka in to ok ine mano? Koso ang’o momiyo wasandore ka in to ok ine?” An to adwokogi niya, “Winjuru! Chieng’ ma utueyo chiemo, to utimo gik ma un uwegi ema udwaro, kendo jotichu ema uturo gi tich matek.

Isaya 58:5

Uparo ni kit tueyo chiemo ma ayiego en mana sando ringruok, ka ng’ato okulo wiye piny ka togo, kata ka onindo e pien gugru mopedho e buru? Koso mano e gima uluongo ni tueyo chiemo adier? Koso mano e chieng’ ma an Ruoth Nyasaye ayiego?

Jeremia 10:23

A Ruoth Nyasaye, ang’eyo ni ngima ng’ato ok nie tekone owuon, bende onge ng’ama nyalo yiero yore owuon.

Jeremia 42:3

Lemnwa mondo Ruoth Nyasachi onyiswa yo ma onego waluw, kendo gima onego watim.”

Daniel 9:3

Bang’e ne alamo Ruoth Nyasaye matek, kaywakne kendo ka ariyo kech. Bende ne arwako pien gugru, kendo ne abuko wiya buru.

Joel 1:14

Gouru milome mondo ji ori kech, kendo luonguru chokruok mar lemo. Un jodongo, chokuru jo-Juda duto e Od Ruoth Nyasaye mondo oywagne!

Tim jo-Lawi 16:29

Koro chik momakou nyaka chieng’ e ma: Due apar mar due mar abiriyo, un jo-Israel kaachiel gi jopinje mamoko modak kuomu, nyaka utue chiemo, kendo kik uti tich moro,

Tim jo-Lawi 16:31

Chieng’no en chieng’ Sabato moyiedhi ma nyaka uyueye, kendo nyaka utueye chiemo. En chik momakou nyaka chieng’.

Tim jo-Lawi 23:29

Emomiyo ng’ato ka ng’ato ma ok oriyo kech chiengno nyaka ng’ad kare oko kuom ogandagi.

Jona 3:5

Kane jo-Nineve owinjo gima Nyasaye nowacho, ne giyiego. Ne gigoyo milome mondo ji otue chiemo, kendo ne girwako piende gugru giduto, joma dongo gi joma tindo machalre.

Jona 3:7

Ruoth gi jodonge nogoyo milome e Nineve duto niya, “Onge dhano kata chiayo ma nobil chiemo kata dhi e kwath, kata mana modho pi.

Kwan 14:3

Ere gima omiyo Ruoth Nyasaye okelowa e pinyni mondo watho e lweny, kendo omak mondwa gi nyithindwa? Donge diber ka wadok Misri?”

Kwan 14:31

To nyikwau mane uwacho ni nobed joma omak e lweny ema abiro kelo e piny ma usedagino, mi ginidagie maber.

Tich Joote 2:39

Singruok mane Nyasaye osetimono, notimonu gi nyithindu, kod ji duto man kuma bor, tiende ni ng’ato ka ng’ato ma Ruoth Nyasachwa noluong ire.”

Jong’ad Bura 20:26

Eka jo-Israel duto nodok Bethel, mi gibet kuno e nyim Ruoth Nyasaye, ka gilemo kendo giriyo kech nyaka odhiambo. Ne gitimo ni Ruoth Nyasaye misengni miwang’o pep, kod misengni mag sawo.

1 Samuel 7:6

Mi ne gichokore kanyakla Mizpa. Ne giumbo pi, mi giolo piny e nyim Ruoth Nyasaye, kendo ne gitueyo chiemo chieng’no, ka giwacho niya, “Waseketho e nyim Ruoth Nyasaye.” (Mizpa ema ne Samuel ng’adoe buche mag jo-Israel.)