Ezra 8:15 - MUMA MALER 2015

¹⁵ Nachoko jogo duto e bath aora mamol kochiko Ahava, mi ne wabworo kanyo kuom ndalo adek. To kane aserango ji, kaachiel gi jodolo, nanwang’o ni onge ja-Lawi kata achiel.

Motingʼo Loko Manyien

¹⁵ Ne achokogi e bath aora mamol kochiko Ahava, kendo ne wabuoro kanyo kuom ndalo adek. Kane arango e dier ji kod jodolo, ne ok ayudo jo-Lawi kanyo.

Ezra 8:15 ပူးပေါင်းရင်းမြစ်များ

Ezra 7:24

To bende wanyisou malong’o ni uonge gi teko mar keto osuru kata chudo moro kuom jodolo gi jo-Lawi gi jower gi jorit dhorangeye kod jotich Hekalu, kata kuom ji mamoko e Od Nyasaye.

Ezra 7:28

kendo osemiyo ruoth gi jobuche kod jotende madongo ogena.” Kuom mano, kane aseng’eyo ni Ruoth Nyasaye oguedha, nabedo gi chir, mi achoko jotend Israel moko mondo adhigo.

Ezra 7:7

Higa mar abiriyo mar loch ruoth Artaxerxes, ema Ezra kod jo-Israel moko nodhiye Jerusalem kaachiel gi jodolo gi jo-Lawi gi jower gi jorit dhorangeye kod jotich Hekalu.

Ezra 8:14

kod joka Bigvai ma nyinggi Uthai gi Zabud, mane odhi gi chwo piero abiriyo.

Ezra 8:16

Omiyo naoro jomoko ir Iddo jatend joma odak Kasifia. Joma naorogo ne gin Eliezer gi Ariel gi Shemaya gi Elnathan gi Jarib, gi Nathan gi Zekaria kod Meshulam, duto joma dongo, kaachiel gi Joyarib kod Elnathan, mane joma ong’eyo ng’ado rieko.

Ezra 8:2

Kuom joka Finehas ne en Gershom; kuom joka Ithamar, ne en Daniel; kuom joka Daudi ne en Hatush

Ezra 8:21

Bang’ mano nagolo chik mondo wari kech e dho aora Ahava kanyo, ka wabolore e nyim Ruoth Nyasaye ma Nyasachwa, kendo wakwaye mondo oritwa gi nyithindwa kod giwa duto e wuodhwa.

Ezra 8:31

Mi tarik apar gariyo mar due mokwongo ne wawuok but aora Ahava kuma ne wasebworoe, kwachiko Jerusalem. Nyasaye ne ni kodwa, omiyo noritowa kuom wasigu kendo kuom jomahundu mane nyalo butonwa e yo.

Zaburi 137:1

Ne wabet piny e bath aore mag Babulon, mi waywak ka waparo Sayun.

Ezekiel 1:1

Due abich, due mar ang’wen e higa mar piero adek, kane adak e bath aora Kebar kaachiel gi jo-Yahudi mane oter e tuech, polo ne oyawore, mi Nyasaye ofwenyorena.

Ezekiel 3:15

Ne adhi Telabib, kuma ne joma oter e tuech odakie e bath aora Kebar, mi abet kuno kuom ndalo abiriyo, ka adhier nono nikech gik mane aseneno.

Tich Joote 16:13

Chieng’ Sabato ne wawuok e dalano, mi wadhi e bath aora kuma ne waparo ni nitie kar lemo mar jo-Yahudi. Ne wabet piny, mi wawuoyo gi mon mane oyudo ochokore kanyo.