Ezra 7:6 - MUMA MALER 2015

⁶ Ezrano ne japuonj chik, motiegore e chik Musa mane Ruoth Nyasaye ma Nyasach Israel omiyo joge. Ruoth Artaxerxes nomiye gik moko duto mane okwayo, nimar Ruoth Nyasaye ma Nyasache ne ni kode.

Motingʼo Loko Manyien

⁶ Ezra-ni noduogo koa Babulon. Ne en japuonj man-gi lony mathoth kuom Chik Musa, ma Jehova Nyasaye, ma Nyasach Israel, nochiwo. Ruoth nomiye gimoro amora mano kwayo, nimar lwet Jehova Nyasaye, ma Nyasache ne ni kuome.

Ezra 7:6 ပူးပေါင်းရင်းမြစ်များ

Chakruok 32:28

Eka ng’atno nowachone niya, “Chakre kawuono nyingi ok nobed Jakobo, to ibiro luongi ni Israel, nikech isei gi Nyasaye, kendo gi ji, miloyo.”

Ezra 5:5

Eka jogo nooro wach ni ruoth Darius, kanyise gima timore. To Nyasaye ne ni kod jodong jo-Yahudi, omiyo ne ok ochung-gi mondo giwe tich ka pod irito dwoko moa kuom ruoth.

Ezra 6:22

Ne gitimo Sap Makati ma ok Ketie Thowi kuom ndalo abiriyo ka gimor, nimar Ruoth Nyasaye nosemiyo gibedo mamor, koloko chuny ruodh Asuria mondo ohergi kendo ojiwgi e tich gero Od Nyasaye, ma Nyasach Israel.

Ezra 7:21

“To an ruoth Artaxerxes, agolo chik ni jokeno duto mag pinya man loka aora Yufrate, ni gimoro amora ma Ezra jadolo kendo japuonj chik Nyasach polo nodwar kuomu, nyaka umiye,

Ezra 7:28

kendo osemiyo ruoth gi jobuche kod jotende madongo ogena.” Kuom mano, kane aseng’eyo ni Ruoth Nyasaye oguedha, nabedo gi chir, mi achoko jotend Israel moko mondo adhigo.

Ezra 7:5

wuod Abishua, wuod Finehas, wuod Eleazar, ma wuod Harun jadolo maduong’.

Ezra 7:9

Chieng’ due achiel due mokwongo ema ne Ezra osechano mondo owuog Babulon, kendo nochopo Jerusalem chieng’ mokwongo mar due mar abich, nikech Nyasaye noseguedhe.

Ezra 8:1

Jodong dhoudi mane odhi koda, kawuok Babulon e ndalo loch ruoth Artaxerxes e magi:

Ezra 8:18

Nyasaye noguedhowa, omiyo ne gimiyowa Sherebia gi yawuote kod jowetene, duto ji apar gaboro. Sherebia ne en ng’at mariek, ma jaka Mali nyakwar Lawi ma wuod Israel.

Ezra 8:22

Wiya nokuot kwayo ruoth askeche gi joidh farese ma diritwa e yo kuom wasigu, nikech ne wasewachone ni Nyasaye guedho jogo duto madware, kendo timonigi maber. To mirimbe mager ni kuom jogo duto moweye.

Ezra 8:31

Mi tarik apar gariyo mar due mokwongo ne wawuok but aora Ahava kuma ne wasebworoe, kwachiko Jerusalem. Nyasaye ne ni kodwa, omiyo noritowa kuom wasigu kendo kuom jomahundu mane nyalo butonwa e yo.

Nehemia 12:26

Mano e kaka nochan tich e ndalo Joyakim wuod Jeshua, ma wuod Jozadak, kendo e ndalo Nehemia ma ruoth, kendo e ndalo Ezra ma jadolo kendo japuonj chik.

Nehemia 12:36

kaachiel gi jowetene ma Shemaya gi Azarel gi Milalai gi Gilalai gi Maai gi Nethaneel gi Juda kod Hanani, ka giting’o thumbe mane Daudi ng’at Nyasaye oloso. Ezra japuonj chik ema notelonigi.

Nehemia 2:12

Bang’e nakawo jomoko manok, mawuokgo gotieno, to ne ok anyiso ng’ato gima Nyasacha noseketo e chunya mondo atim ni Jerusalem. Ne waonge gi kanyna, mak mana mano mane aidho.

Nehemia 2:18

Bende nanyisogi kaka Nyasaye nosebet koda, kendo gima ne ruoth owachona mi ne gidwoka niya, “Wachakuru gedo!” Kamano ne gichako tich matek, modhi nyime maber.

Nehemia 2:8

To bende miya barua moro mondo adhigo ir Asaf, jarit yiend bunge magi, mondo omiya yien adhi alosgo dhorangeye kama ochiel motegno momanyore gi od ruoth, kendo alosgo ohinga mar dala, kod ot ma abiro dakie.” Ruoth nomiya gik moko duto mane akwaye, nikech Nyasacha ne ni koda.

Nehemia 4:15

Kane wasikwa owinjo ni wasefwenyo gima gichano timo, kendo ni Nyasaye oseketho parogi, ne giweyowa, mi waduto ne wadhi nyime gi gedo.

Nehemia 8:1

Kane due mar abiriyo ochopo, kendo jo-Israel koro odak e miechgi, ji duto nochokore gi chuny achiel e laru manie nyim Rangach miluongo ni Ranga Pi. Ne gikawo Ezra ma japuonj chik mondo okel kitap chik Musa mane Ruoth Nyasaye osechiko jo-Israel mondo oriti.

Nehemia 8:13

Chieng’ mar ariyo jodong dhoudi duto, kaachiel gi jodolo kod jo-Lawi, nochokore e nyim Ezra japuonj chik, mondo opuonjre chik.

Nehemia 8:4

Ezra japuonj chik nochung’ ewi ndiri mar bao molos ni somo chik, ka Matithia gi Shema gi Anaya gi Uria gi Hilkia kod Maaseya ochung’ e bathe ma korachwich, to Pedaya gi Mishael gi Malkia gi Hashum gi Hashbadana gi Zekaria kod Meshulam to ne jochung’ e bathe ma koracham.

Nehemia 8:9

Kane ji duto owinjo weche mag chik, ne giywak. To Nehemia ma ruoth kod Ezra ma jadolo kendo japuonj chik kaachiel gi jo-Lawi mane puonjo ji, ne jowacho ni ji duto niya, “Kawuono en odiechieng’ mowal ni Ruoth Nyasaye ma Nyasachu, omiyo kik uku, kata kik uywagi.”

Nehemia 9:13

Nilor ewi got Sinai, kendo niwuoyo kodgi gie polo, kimiyogi chike makare kendo madiera kod buche mabeyo,

Zaburi 109:27

Yie imi wasika ng’eyo ni in ema iseresa kamano.

Zaburi 147:19

Onyiso nyikwa Jakobo wachne. Ee, ogolo chikene gi buchene ni jo-Israel.

Zaburi 45:1

Weche mamit opong’o chunya e sa ma achungoe wendni ni ruoth, kendo lewa chalo kalamb jondiko molony.

Zaburi 80:18

Ok wanachak waweyi kendo. Konywa wabed mangima, mondo wapaki.

Ngeche 3:6

Par Ruoth Nyasaye e gik moko duto mitimo, eka obiro nyisi yo makare monego iluw.

Isaya 50:2

Kuom mano, ere gima omiyo ne ok ayudo ng’ato, kane abiro iru? Koso kane aluongo, to ere gima omiyo ng’ato ne ok odwoka? Uparo ni bada chiek ma ok nyal warou, kata ni aonge gi teko ma daresugo? Ooyo, ka akok, to nam duono, bende aore lokore piny motwo, mi rech manie igi tho kendo dum marach nikech pi onge.

Isaya 59:1

Bad Ruoth Nyasaye ok chiek, ma ok nyal reso ji, bende ite ok odino, ma ok onyal winjo wach,

Jeremia 8:8

“Ere kaka ginyalo wacho ni giriek kendo ging’eyo chikena, to jopuonj chik mag miriambo osegajo chikena?

Mathayo 13:52

Eka nomedo wachonigi niya, “Ka kamano, to japuonj Chik mapuonjore wach Loch Polo chalo gi wuon dala magolo mwandun manyien gi machon kar kenone.”

Mathayo 23:2

“Jopuonj Chik kod jo-Farisai omi tich nyiso ji tiend Chik Musa.

Mathayo 28:20

kendo kupuonjogi rito weche duto masenyisou. To winjuru! An kodu ndalo duto nyaka giko piny.”

1 Jo-Korintho 1:20

Koro ere ng’at mariek? Ere japuonj Chik? Koso ere jatwak mariek mar pinyni? Donge Nyasaye osenyiso ji ni rieko mar pinyni en mana fuwo koso?

1 Jo-Korintho 15:1

To koro owetena, adwaro paronu Wach Maber mane apuonjou, mondo anyisu tiende. Ne urwake, kendo yie maru ochung’ kuome motegno,

Rapar mar Chik 28:1

“Ka uluoro Ruoth Nyasaye ma Nyasachu, kendo urito adimba chikene duto ma amiyou kawuono, to enoting’u malo moloyo ogendini duto mag piny,

Rapar mar Chik 4:5

Asepuonjou chike gi buche kaka Ruoth Nyasaye ma Nyasacha nochika. Mago duto nyaka urit e piny mudhi donjoe, kendo kawo.