Ezra 7:5 - MUMA MALER 2015

⁵ wuod Abishua, wuod Finehas, wuod Eleazar, ma wuod Harun jadolo maduong’.

Motingʼo Loko Manyien

⁵ ma wuod Abishua, ma wuod Finehas, ma wuod Eliazar, ma wuod Harun jadolo maduongʼ;

Ezra 7:5 ပူးပေါင်းရင်းမြစ်များ

1 Weche mag Ndalo 6:4

Eleazar nonywolo Finehas to Finehas nonywolo Abishua.

2 Weche mag Ndalo 19:11

Amaria jadolo maduong’ ema notelnu e weche duto mag Ruoth Nyasaye, to Zebadia wuod Ishmael ma jaduong’ dhood Juda notelnu e weche duto mag ruoth, kendo jo-Lawi nobed jogoro. Timuru chir, kendo Ruoth Nyasaye mondo okony jogo man gi adiera.”

2 Weche mag Ndalo 26:20

Kane Azaria jadolo maduong’ gi jodolo duto orange, ne gineno dhoho e lela wang’e, mi gigole oko mapiyo. To en bende noreto mondo owuogi, nimar Ruoth Nyasaye nosechwade.

Ezra 7:4

wuod Zerahia, wuod Uzi, wuod Biki,

Ezra 7:6

Ezrano ne japuonj chik, motiegore e chik Musa mane Ruoth Nyasaye ma Nyasach Israel omiyo joge. Ruoth Artaxerxes nomiye gik moko duto mane okwayo, nimar Ruoth Nyasaye ma Nyasache ne ni kode.

Wuok 6:25

Eliezar wuod Harun nokendo achiel kuom nyi Putiel, ma nonywolone Finehas. Mago e jodong dhout jo-Lawi.

Tim jo-Lawi 10:12

Musa nowacho ni Harun gi yawuote modong’ ma Eleazar gi Ithamar niya, “Kawuru mogo modong’ kuom misango mar cham miwang’o gi mach ni Ruoth Nyasaye mondo ucham maonge thowi but kendo-mar-misango, nikech en gima ler moloyo.

Tim jo-Lawi 10:16

Musa nopenjo wach diel mane otimgo misango mar golo richo, mi ne onyise ni osewang’e. Omiyo mirima nomake gi Eleazar kod Ithamar ma yawuot Harun mane odong’. Nopenjogi niya,

Tim jo-Lawi 10:6

Bang’e Musa nowacho ni Harun kod yawuote ma Eleazar gi Ithamar niya, “Kik uwe wiu yugno, kendo kik uyiech lepu, manyiso ni uywak, nimar dipo ka utho, mi Ruoth Nyasaye okecho gi oganda duto. Joweteu ma jo-Israel nyalo ywago joma ne Ruoth Nyasaye otieko gi mach.

Kwan 27:2

Ne gibiro e dho Hema Miromoe gi Nyasaye e nyim Musa gi Eleazar jadolo kaachiel gi jodongo kod oganda duto, mi giwacho niya,

Kwan 3:32

Jaduong’ jotend jo-Lawi duto ne Eleazer wuod Harun jadolo. En ema nokete jatelo mar rito Hema Maler.

Kwan 31:31

Musa gi Eleazar jadolo ne jotimo kaka Ruoth Nyasaye nochiko Musa.

Kwan 31:54

Kamano Musa gi Eleazar jadolo noyudo dhahabu kuom jotend ogend lweny madongo gi matindo, mi ne gikelo e Hema Miromoe gi Nyasaye mondo Ruoth Nyasaye opargo jo-Israel.

Kwan 31:6

Musa nooro jolwenygo gi Finehas wuod Eleazar jadolo mane oting’o gik lemo mag Kama Ler kod tunge migoyo mondo ji ogo sigich lweny. Ji alufu achiel achiel noa e dhoot ka dhoot.

Jo-Hibrania 5:4

Bende onge ng’ama nyalo yierore kende owuon mondo okaw tich maduong’ mar bedo jadolo maduong’, to Nyasaye kende ema yiero ng’ato, mi ket jadolo, mana kaka noketo Harun.

Joshua 14:1

Koro magi e pok mane jo-Israel oyudo e piny Kanaan kaka Eleazar jadolo gi Joshua wuod Nun kod jodong dhout Israel nopogonigi.

Joshua 22:13

Bende ne gioro Finehas wuod Eleazar jadolo e piny Gilead ir jo-Reuben gi jo-Gad kod jo-Manase konchiel,

Joshua 22:31

Eka Finehas wuod Eleazar jadolo nowacho ni jo-Reuben gi jo-Gad kod jo-Manase niya, “Kawuono wang’eyo ni Ruoth Nyasaye ni kodwa, nikech ok usetimo gima Ruoth Nyasaye okwero. Kuom mano usereso jo-Israel mondo kik Ruoth Nyasaye kumgi.”

Joshua 24:33

Eleazar wuod Harun bende notho, mi noyike Gibea, dala mane opog ni Finehas wuode e piny gode mag Efraim.

Jong’ad Bura 20:28

kendo Finehas wuod Eleazar ma wuod Harun ne e jadolo e nyim Ruoth Nyasaye. Jo-Israel nopenjo Nyasaye niya, “Wadog mondo waked gi owetewa ma jo-Benjamin, koso wawe?” Ruoth Nyasaye nodwoko niya, “Monjgiuru, kendo kiny nachiwgi e lwetu.”