Ezra 7:26 - MUMA MALER 2015

²⁶ Ng’ato ma ok orito chik Nyasachi, kata chikna, to mondo okume motegno, bed ni en buch tho, kata mar dare kitere kuma bor, kata mar peyo gige, kata mar tueye.”

Motingʼo Loko Manyien

²⁶ Ngʼato angʼata ma ok luor chik Nyasachi kod chik ruoth nyaka kume e yor tho, dare, pe gige, kata tere e od twech.

Ezra 7:26 ပူးပေါင်းရင်းမြစ်များ

2 Weche mag Ndalo 30:12

To piny Juda ema ne Nyasaye otiyoe gi teko, momiyogi chuny achiel mar winjo wachne kaka ruoth gi jodonge nochikogi.

Ezra 10:4

Chak mana tich, nikech en tich momiyi, kendo wabiro konyi. Bed gi chir mondo itim gima dwarore.”

Ezra 10:8

To ka ng’ato ok ochopo kapok ndalo adek orumo, to jotelo gi jodongo nyalo peyo gige duto, kendo ng’ado kare oko kuom oganda joma oa e tuech.

Ezra 6:11

To bende aketo chik ni, ka ng’ato oketho chikno, to nyaka gol yiend tat ode, mi gur piny, kendo chwade, kotueye e yienno. Ode bende nyaka lokre pidh owuoyo nikech kethoneno.

Ezra 6:12

Nyasaye moseyiero Jerusalem, mondo nyinge obedie, oriemb ruoth moro amora kata oganda maparo ketho wachni, kata maparo muko Od Nyasaye man Jerusalem. An Darius asegolo chik, kendo nyaka time mak orem.”

Zaburi 52:5

Kuom mano, Nyasaye notieki chuth. Obiro maki, mi oyudhi oko e piny joma ngima!

Daniel 6:26

Asegolo chik e pinje duto manie bwo lochna ni ng’ato ka ng’ato nyaka luor Nyasach Daniel kendo miye duong’. En e Nyasaye Mangima, mosiko nyaka chieng’. Lochne gi tekone ok norum.

Rapar mar Chik 27:26

“ ‘Okuong’ ng’at ma ok orito kata ma ok ochopo weche duto mag chikni. Bang kuong’ ka kuong’ to ji duto nyaka duok ni, ‘Obed kamano.’