Ezra 7:21 - MUMA MALER 2015

²¹ “To an ruoth Artaxerxes, agolo chik ni jokeno duto mag pinya man loka aora Yufrate, ni gimoro amora ma Ezra jadolo kendo japuonj chik Nyasach polo nodwar kuomu, nyaka umiye,

Motingʼo Loko Manyien

²¹ Koro an, Ruoth Artaksases, achiwo chik ni kuonde keno duto mag Yufrate ochiw gi chia gimoro amora ma Ezra jadolo, japuonj Chik mar Nyasach polo, nyalo kwayou, kaka

Ezra 7:21 ပူးပေါင်းရင်းမြစ်များ

Ezra 4:16

Koro ruoth, wanyisi ni ka oger dalano, mi ohinga mare orumo, to onge piny moro loka Yufrate ma nodong’ e bwo lochni.”

Ezra 4:20

E ndalo mokadho ruodhi marateke norito Jerusalem, kendo noloyo piny duto man loka Yufraete. Ji ne goyonigi osuru mopogore opogore.

Ezra 6:6

Kane ruoth Darius osesomo wechego, nogolo chik kama: “Koro in Tatenai ma ruodh piny man loka Yufrate gi Shethar-bozenai kod joweteu ma jotend pinyno, auru kuno,

Ezra 7:1

E ndalo loch Artaxerxes ruodh Persia, ng’at moro miluongo ni Ezra noa Babulon, modhi Jerusalem. Ne en wuod Seraya, ma wuod Azaria, wuod Hilkia,

Ezra 7:22

mak mana ni ok onego umiye fedha mokalo kilo mia adek gi piero abich, kata ngano mokadho ogunde mia ariyo, gi divai degi mia achiel, gi mo bende degi mia achiel, mak mana kado ema unyalo miye kaka uneno.

Ezra 7:6

Ezrano ne japuonj chik, motiegore e chik Musa mane Ruoth Nyasaye ma Nyasach Israel omiyo joge. Ruoth Artaxerxes nomiye gik moko duto mane okwayo, nimar Ruoth Nyasaye ma Nyasache ne ni kode.

Ezra 8:36

To bende ne gimiyo jotelo gi ruodhi mane rito piny man loka aora Yufrateno chike mag ruodh Babulon. Jogo nokonyo tich Od Nyasaye bende.

Nehemia 2:7

Eka nomedo kwayo ruoth niya, “Kiyi, to miya barupe mondo ater ni ruodhi mag piny man loka aora Yufrate, mondo giyiena akadh nyaka achop Juda.

Zaburi 119:4

Isemiyowa chikeni, kendo iwachonwa ni onego waluwgi gi adiera.

Daniel 6:26

Asegolo chik e pinje duto manie bwo lochna ni ng’ato ka ng’ato nyaka luor Nyasach Daniel kendo miye duong’. En e Nyasaye Mangima, mosiko nyaka chieng’. Lochne gi tekone ok norum.