Ezra 7:10 - MUMA MALER 2015

¹⁰ Ezra noseketo chunye kuom somo chik Ruoth Nyasaye kendo rito, kopuonjo jo-Israel buchego.

Motingʼo Loko Manyien

¹⁰ Nimar Ezra nosechiwore owuon ne somo matut kendo rito Chik mar Jehova Nyasaye, kod puonjo chikene gi buchene e Israel.

Ezra 7:10 ပူးပေါင်းရင်းမြစ်များ

1 Weche mag Ndalo 29:18

A Nyasach Ibrahim gi Isaka kod Israel kwerewa, yie imi jogi obed gi chuny mang’won kama nyaka chieng’, kendo imi gipari.

2 Weche mag Ndalo 12:14

Timbe Rehoboam ne richo, nikech ne ok oketo chunye kuom Ruoth Nyasaye.

2 Weche mag Ndalo 19:3

Kata kamano kamoro bende iber, nimar nigolo sirni milamo e piny, kendo iketo chunyi kuom luwo Nyasaye.”

2 Weche mag Ndalo 30:22

Hezekia nopako jo-Lawi duto, nimar ne gitiyo ni Ruoth Nyasaye ma Nyasach kweregi.

Ezra 7:11

Koro ma e barua mane ruoth Artaxerxes omiyo Ezra jadolo kendo japuonj chik, molony e chike kod buche mane Ruoth Nyasaye omiyo jo-Israel:

Ezra 7:25

“To in Ezra, kuom rieko ma Nyasachi osemiyi, yier jong’ad bura mondo oyal jogi duto man e piny man loka Yufrate, mong’eyo chik Nyasachi. To jogo ma ok ong’eyo chikego, to mondo upuonji.

Ezra 7:6

Ezrano ne japuonj chik, motiegore e chik Musa mane Ruoth Nyasaye ma Nyasach Israel omiyo joge. Ruoth Artaxerxes nomiye gik moko duto mane okwayo, nimar Ruoth Nyasaye ma Nyasache ne ni kode.

Ayub 11:13

Ayub, lok chunyi, mondo idwar Nyasaye.

Zaburi 1:2

Chik Ruoth Nyasaye ema miye mor, kendo opuonjore chikno odiechieng’ gotieno.

Zaburi 10:17

A Ruoth Nyasaye, ichiko iti ni lemo mag joma obolore, kendo itego chunygi.

Zaburi 119:112

Aseketo chunya mondo arit chikeni nyaka thona.

Zaburi 119:45

Anadag gi thuolo, nikech asetemo rito chikeni,

Zaburi 19:7

Chik Nyasaye long’o kendo chiwo ngima manyien. Weche mag Nyasaye gin weche mogen. Gichiwo rieko ni joma ongego.

Zaburi 57:7

Aikora, A Nyasaye, aikora chuth! Anawer kendo anapaki.

Malaki 2:7

En tich jodolo mondo opuonj ji wach mar adiera mar Nyasaye, kendo ji onego odhi irgi mondo opuonjre chik Nyasaye, nikech gin jootena, An Ruoth Nyasaye Manyalo Gik Moko Duto.

Mathayo 5:19

Emomiyo, ng’at moketho kata mana chik achiel matinie moloyo kuom chikegi, kendo opuonjo ji mondo otim kamano, to nokwan ka ng’ama tinie moloyo e Loch Polo. To ng’at morito chikego, kendo opuonjo ji mamoko bende mondo otim kamano, ema nobed maduong’ e Loch Polo.

Mathayo 7:24

“Mano emomiyo ng’at mowinjo wechenagi, mi orito, chalo gi ng’at mariek mane ogero ode ewi lwanda.

Johana 13:17

Ka ung’eyo wachno, to un johawi kutiyo kode.

Tich Joote 1:1

Kuom Theofilo: E kitapa mokwongo ne andikoe gik moko duto mane Yesu otimo kendo opuonjo, chakre kinde mane ochakoe tije,

Rapar mar Chik 16:12

Paruru ni ne un wasumbni e piny Misri. Mano emomiyo nyaka une ni urito chikego.

Rapar mar Chik 33:10

Gipuonjo joka Jakobo wecheni. Ee, gipuonjo jo-Israel chikeni. Giwang’oni misengni, madum tik mamit, kendo gitimoni misengni miwang’o pep e kendoni mar misango.

1 Timotheo 3:2

Kuom mano jatend kanyakla mar jo-Kristo nyaka bed ng’at ma wach moro marach onge kuome, kendo mokendo dhako achiel kende, bende nyaka obed ng’at moritore, mobidhore, modimbore, mohero rwako welo, kendo ma japuonj molony.

2 Timotheo 4:2

land Wach Nyasaye, kendo ket chunyi kuom tijno kinde duto, kata ka piny ber kata rach. Kwer weche duto ma ok ni kare. Kendo rie weche maricho, kijiwo ji kendo ipuonjo gi kinda duto.

Tito 2:1

To in Tito, nyaka iwach mana weche mowinjore gi puonj maradier.

Tito 2:15

Mago e gik ma nyaka ipuonj ji, kijiwogi kendo ikwerogi gi teko duto momiyi, to kik iyie mondo ng’ato ochayi.

Fweny 22:14

“Joma oselwoko lepgi gin johawi, nimar ginibed gi thuolo mar chamo olemb yadh ngima, kendo mar donjo e dhorangeye mag dala.

1 Samuel 7:3

Samuel nowacho ni jo-Israel duto niya, “Ka en adier ni uduogo ir Ruoth Nyasaye gi chunyu duto, to wituru nyiseche mag pinje mamoko, kod nyiseche mamon miluongo ni Ashtaroth. Chiwreuru ni Ruoth Nyasaye, kendo uti mana ni en kende, mi enoresu e lwet jo-Filistia.”