Ezra 6:21 - MUMA MALER 2015

²¹ Joma nochamo Pasakano ne gin jo-Isarel mane oa e tuech, kaachiel gi jogo duto mane koro lamo Ruoth Nyasaye ma Nyasach Israel, bang’ weyo timbe dondruok mag ogendni ma koro nodak e pinyno.

Motingʼo Loko Manyien

²¹ Omiyo jo-Israel mane oa e twech nochamo Pasakano, kanyakla gi jogo duto mano ngʼanyone timbe mochido mag ogendini mamoko modak machiegni kodgi mondo omi gidwar Jehova Nyasaye, ma Nyasach Israel.

Ezra 6:21 ပူးပေါင်းရင်းမြစ်များ

2 Weche mag Ndalo 30:19

moketo chunye kuome, kata obedo ni ng’atno ok opwodhore kaka chik Hekalu dwaro.”

Ezra 9:1

Kane osetim gigo duto, jodongo moko nobiro ira, mowachona niya, “Jo-Israel koda ka jodolo gi jo-Lawi ok osepogore moa kuom joma ok jo-Yahudi, to gitimo mana timbe makuero mane mag jo-Kanaan gi jo-Hiti gi jo-Perizi gi jo-Jebus gi jo-Amon gi jo-Moab gi jo-Misri kod jo-Amor.

Ezra 9:11

Nichikowa gi dho jotichni ma jonabi, kiwacho niya, ‘Piny ma koro udonjoe mondo ukawni en piny modwanyore nikech joma odakie osedwanye gi timbegi mag kiragi, mi giloke mochido chakre tung’ piny nyaka tung’ piny.

Nehemia 10:28

To jomoko duto ma nopogore kuom jopinje mamoko noyie gi singruok mane jowetegi ma jotelo osetimo. Ne gin jodolo gi jo-Lawi gi jorit dhorangeye gi jower gi jotich gi nyigi, ma tiende ni ji duto mane oromo winjo tiend gima iwacho.

Nehemia 9:2

Jogo ma jo-Israel hie nopogore moa kuom jopinje mamoko. Ne gichung’ kendo gihulo richogi gi timbe anjawo mane kweregi otimo.

Zaburi 93:5

A Ruoth Nyasaye, chikeni osiko, kendo Hekalu mari ler ahinya nyaka chieng’.

Isaya 52:11

Wuoguru! Wuoguru ua Babulon, ka ok umulo gimoro mogak. Adier, un muting’o gik lemo, wuoguru Babulon chuth, kusepwodhoru maler.

Ezekiel 36:25

Anakir kuomu pi maliw, mi apuodhu kuom nyisecheu mamono, kod gimoro amora mane odwanyou.

2 Jo-Korintho 6:17

Emomiyo Ruoth owacho ni, “Auru kuomgi, kendo pogreuru kodgi. Kik umul gimoro mogak, mi narwaku.

2 Jo-Korintho 7:1

Osiepewa, mago e singruok ma osemiwa. Kuom mano, nyaka wapuodhre kuom gik moko duto mamiyo ringruok kod chuny doko mochido, mondo wadok joma ler chuth, kwabedo joma oluoro Nyasaye.