Ezra 6:17 - MUMA MALER 2015

¹⁷ Kane girwakogo, ne gitimo misango gi ruedhi mia achiel gi imbe mia ariyo ko nyirombe mia ang’wen, to bende ne gichiwo nyuogi apar gariyo, maromre gi kar romb dhout Israel, mi gitimogo misango mar golo richo ni oganda Israel duto.

Motingʼo Loko Manyien

¹⁷ Kane gigwedho od Nyasaye negichiwo rwedhi mia achiel, imbe mia ariyo, nyithi rombe machwo mia angʼwen to kaka misango mar golo richo ne Israel, negichiwo diek apar gariyo machwo, moro ka moro ni dhout Israel.

Ezra 6:17 ပူးပေါင်းရင်းမြစ်များ

1 Ruodhi 18:31

Nokawo kite apar gariyo maromre gi kwan mar dhout yawuot Jakobo, jal mane wach Ruoth Nyasaye obirone niya, “Nyingi noluong ni Israel.”

1 Ruodhi 8:62

Eka ruoth Solomon, kaachiel gi jo-Israel duto, notimo misengni ni Ruoth Nyasaye.

2 Weche mag Ndalo 29:24

Bang’e jodolo noyang’ogi mi gitimo misango mar golo richo kod rembgi e kendo-mar-misango mondo ochulgo richo mag jo-Israel duto. Ne gitimo kamano nikech ruoth nochiko mondo otim misango miwang’o pep, kod misango mar golo richo, mondo opwodhgo richo mag jo-Israel duto.

2 Weche mag Ndalo 7:5

Ruoth Solomon notimo misango gi ruedhi alufu piero ariyo gariyo, kod rombe alufu mia achiel gi piero ariyo. Mano e kaka ruoth kod ji duto noyango Hekalu ni Ruoth Nyasaye.

Ezra 8:35

Bang’e joma noduogo koa e tuech Babulon, notimo ni Nyasach Israel misengni miwang’o pep. Ne gichiwo ruedhi apar gariyo mochung’ ni jo-Israel duto, gi imbe piero ochiko gauchiel kod nyirombe piero abiriyo gariyo, kaachiel gi nyuogi apar gariyo ka misango mar golo richo. Mago duto nochiw ni Ruoth Nyasaye ka misango miwang’o te.

Tim jo-Lawi 4:28

to bang’e onyise ni oseketho chik, to nyaka okel diel maonge songa mondo otimgo misango mar golo richo, kopwodhogo ketho mosetimono.

Tim jo-Lawi 4:3

Ka jadolo maduong’ oketho, mi okelo chola kuom jo-Isarel, to nyaka ochiw ni Ruoth Nyasaye nyarwath maonge songa mondo otimgo misango mar golo richo, kopwodhogo ketho ma osetimono.

Luka 22:30

Unuchiem kendo unumethi koda e pinya, kendo unubed e kombe ruodhi, kung’ado bura ni dhoudi apar gariyo mag Israel.”

Fweny 21:12

Ne en gi ohinga maduong’ kendo mabor man gi dhorangeye apar gariyo, ma malaika apar gariyo rito. To nying dhoudi apar gariyo mag nyithind Israel nondiki e dhorangeyego.