Ezra 6:14 - MUMA MALER 2015

¹⁴ Mi jodong jo-Yahudi nodhi nyime gi gedo. Weche mane Hagai janabi kod Zekaria nyakwar Iddo jokoro, nojiwogi, omiyo ne gitieko gedo kaka Nyasach Israel nochiko, kendo moluwore gi chike mag Kuros kod mag Darius.

Motingʼo Loko Manyien

¹⁴ Omiyo jodong jo-Yahudi nodhi nyime gi gedo kendo odhi maber e bwo yalo mar Hagai janabi gi Zekaria, nyakwar Ido. Negitieko gero hekalu kaluwore gi chik mar Nyasach Israel kod chike Sairas, Darius gi Artaksases, ruodhi Pasia.

Ezra 6:14 ပူးပေါင်းရင်းမြစ်များ

Ezra 3:8

E due mar ariyo mar higa mar ariyo bang’ duokgi e Od Nyasaye Jerusalem, Zerubabel wuod Shealtiel kod Jeshua wuod Josadak ne jochako tich, ka jodolo gi jo-Lawi gi jo-Israel wetegi duto ma noa e tuech, mobiro Jerusalem, konyogi. Ne giyiero jo-Lawi ma hikgi piero ariyo kadhi nyime, mondo orit tich Od Ruoth Nyasaye.

Ezra 4:24

Chakre chieng’no, tich Od Nyasaye man Jerusalem nochung’, mi nosiko kamano nyaka higa mar ariyo mar loch Darius ruodh Persia.

Ezra 4:3

To Zerubabel gi Jeshua kod jodong dhout Israel mamoko nodwokogi niya, “Uonge tich gi ot mwagero ni Nyasachwani. Wabiro gere ni Ruoth Nyasaye ma Nyasach Israel wan kendwa, kaka Kuros, ruodh Persia, nochikowa.”

Ezra 5:1

Bang’e janabi Hagai, gi janabi Zekaria ma nyakwar Iddo, ne jokoro wach e nying Nyasach Israel, ka jiwo jo-Yahudi gi jo-Juda man Jerusalem.

Ezra 5:13

To Kuros ruodh Babulon nogolo chik e higa mokwongo mar lochne, ni mondo ochak oger Hekalu mar Nyasayeni.

Ezra 5:2

Kane Zerubabel gi Shealtiel kod Jeshua wuod Jozadak owinjo wechegigo, ne gichako gero Od Nyasaye Jerusalem, kendo jonabi mag Nyasayego ne ni kodgi, ka konyogi.

Ezra 6:3

Ruoth Kuros nogolo chik kuom Od Nyasaye man Jerusalem e higa mokwongo mar lochne, kowacho niya, “Hekaluno mondo ochak oger, mondo obed kama itimoe misengni, kendo ichiwoe mich miwang’o. Borne nyaka bed mita piero adek, to lachne bende mita piero adek.

Ezra 6:8

To bende achiko kaka onego utim ni jodong jo-Yahudigo, mondo Od Nyasayeno oger. Kaw pesa moko moa kuom osuch piny man loka Yufrate, ochulgo gik moko duto ma jogo konyorego, mondo kik tich chung’.

Ezra 7:1

E ndalo loch Artaxerxes ruodh Persia, ng’at moro miluongo ni Ezra noa Babulon, modhi Jerusalem. Ne en wuod Seraya, ma wuod Azaria, wuod Hilkia,

Ezra 9:9

Adier, wan joma otue, to kata kamano in Nyasachwa, ok isejwang’owa chutho miweyowa e tuechwa, to isemiyo chuny ruodhi mag Persia obedo maber kodwa, mi gimiyowa thuolo mondo walos Hekalu mari kendo wager kuonde mokethore, kibedonwa kaka ohinga molworo Juda gi Jerusalem.

Nehemia 6:15

Chieng’ due piero ariyo gabich mar due Elul, ohinga norumo. Tich notieko ndalo piero abich gariyo.

Isaya 44:28

To Kuros anyiso niya, ‘Ibiro bedo jakwadha, kendo ibiro timo gik moko duto ma adwaro, kigolo chik mondo ochak oger Jerusalem, mi chak ket mise mag Hekalu kendo.’ ”

Hagai 1:1

Chieng’ mokwongo mar due mar auchiel e higa mar ariyo mar loch Darius, Ruoth Nyasaye nokelo ni janabi Hagai wach mondo onyis Zerubabel wuod Shealtiel, ma jatend piny Juda, gi Joshua wuod Jehozadak, jadolo maduong’ niya,

Hagai 1:8

Dhiyouru e gode mondo ukel yien ugergo Hekalu ma amorgo, kendo kama duong’na maler nyalo nenoree.

Zekaria 1:1

E due mar aboro, higa mar ariyo mar loch ruoth Darius, wach Ruoth Nyasaye nobiro ni janabi Zekaria, wuod Berekia ma wuod Iddo, kawacho niya,

Zekaria 1:16

Emomiyo an Ruoth Nyasaye awacho kama: Aseduogo Jerusalem gi ng’wono mondo akeche. Omiyo kanyo ema ibiro chako igeroe oda, kaachiel gi udi mamoko duto.’ ”

Zekaria 4:9

“Kaka Zerubabel ema oseketo mise mar Hekalu, e kaka en bende ema obiro tieke. Kamano unung’e ni Ruoth Nyasaye Manyalo Gik Moko Duto ema ne oora iru.

Zekaria 8:9

Ruoth Nyasaye Manyalo Gik Moko Duto wacho kama: “Beduru gi chir, un joma ndaloni weche ma jonabi osebedo kawacho, chakre chieng’ mane iketoe mise mar Hekalu mara, mondo ochak oger kendo.