Ezra 6:12 - MUMA MALER 2015

¹² Nyasaye moseyiero Jerusalem, mondo nyinge obedie, oriemb ruoth moro amora kata oganda maparo ketho wachni, kata maparo muko Od Nyasaye man Jerusalem. An Darius asegolo chik, kendo nyaka time mak orem.”

Motingʼo Loko Manyien

¹² Mad Nyasaye, mosemiyo Nyinge olandore ka, lok ruoth moro amora kata joma tingʼo bedegi malo mondo olok chikni kata oketh hekaluni man Jerusalem. An, Darius asegolo chik, kendo chikni nyaka chopi ma ok orem.

Ezra 6:12 ပူးပေါင်းရင်းမြစ်များ

1 Ruodhi 9:3

Nowachone niya, “Asewinjo lemoni kod kwayoni, mi asegwedho Hekalu misegeronani. Aketo nyinga kanyo mochwere, kendo wengena kod chunya nobedie nyaka chieng’.

2 Weche mag Ndalo 7:16

Aseyiero Hekaluni, kendo asewale obed maler, mondo nyinga obedie, kendo arange gi chunya duto nyaka chieng’.

Ezra 6:13

Tetenai ruodh piny man loka Yufrate, gi Shethar-bozenai kod jowetegi, notimo mana kaka ruoth Darius nochiko.

Ezra 6:14

Mi jodong jo-Yahudi nodhi nyime gi gedo. Weche mane Hagai janabi kod Zekaria nyakwar Iddo jokoro, nojiwogi, omiyo ne gitieko gedo kaka Nyasach Israel nochiko, kendo moluwore gi chike mag Kuros kod mag Darius.

Ezra 7:15

Bende mondo iter fedha gi dhahabu ma an gi jobucha wasechiwo kuom herowa ni Nyasach Israel, ma kar dakne en Jerusalem,

Ezra 7:17

To bende nyaka iti gi pesago mana kuom ng’iewo ruedhi gi imbe kod rombe gi gik mibiro timogo misango mar cham kod misango miolo piny. Gigo duto nyaka ichiw e kendo-mar-misango man e Od Nyasachu Jerusalem.

Ezra 7:26

Ng’ato ma ok orito chik Nyasachi, kata chikna, to mondo okume motegno, bed ni en buch tho, kata mar dare kitere kuma bor, kata mar peyo gige, kata mar tueye.”

Zaburi 5:10

A Nyasaye, kwedgi kendo kumgi. Parogi maricho mondo ohinygi giwegi. Riembgii oko e nyimi, nikech richogi ng’eny kendo gipiem kodi.

Wuok 20:24

Nyaka ulosna kendo-mar-misango mar lowo, kendo utimie misengni miwang’o pep, kod misengni mag sawo, mutimo gi rombu kod dhou. Kamoro amora ma achiko ni mondo ulamae, to anabie kendo naguedhue.

Eklesiastes 9:10

Tim gik moko duto minyalo timo gi chunyi duto, nimar e piny joma otho, kuma ibiro dhiye, onge paro kata ng’eyo kata rieko, kata tim moro amora!

Isaya 60:12

Ogendini gi pinje motamore tiyoni biro lal nono, mi kethre chuth.

Obadia 1:10

Notieku kendo nochau nyaka chieng’ nikech ne unego oweteu ma joka Jakobo muyakogi.

Tich Joote 9:5

Eka Saulo nopenjo ni, “In ng’a, Ruoth?” Dwolno nodwoke ni, “An e Yesu ma isando!

Rapar mar Chik 12:11

Bang’e ukel gigo duto ma achikou kama Ruoth Nyasaye ma Nyasachu biro yiero mondo nyinge obedie. Kanyo ema unukelie misengni mau miwang’o pep, kod misengni mamoko gi chiwo mar achiel kuom apar, kod chiwo mamoko, kaachiel gi chiwo moyiedhi mukuong’oru ni ubiro kelo ni Ruoth Nyasaye.

Rapar mar Chik 12:5

Ruoth Nyasaye ma Nyasachu owuon biro yiero kamoro e piny dhoodu moro mondo oketie nyinge. Kanyo kende ema unuchokrue kuom lamo Ruoth Nyasaye ma Nyasachu.

Rapar mar Chik 16:2

Nyaka uneg nyarombo kata nyadiel kata nyaroya kutimogo misango mar Pasaka ni Ruoth Nyasaye ma Nyasachu, kama obiro yiero mondo nyinge obedie.