Ezra 6:1 - MUMA MALER 2015

¹ Kuom mano, ruoth Darius nogolo chik mi ne omany od kitepe man Babulon kuma nokanie mwandu, to ne ok oyudo.

Motingʼo Loko Manyien

¹ Eka Ruoth Darius nochiwo chik, kendo neginono e kuonde kano gik machon e kar keno man Babulon.

Ezra 6:1 ပူးပေါင်းရင်းမြစ်များ

Ezra 4:15

mondo onon kitepe mondikie weche ma notimore e ndalo ruodhi ma nokwongoni. Kirango kitepego, to ibiro nwang’o ni Jerusalem en dala ma jang’anyo, kendo ma jachand ruoth gi pinye. Bende jodalano osebedo ka jemo kuom higni mathoth. Mano emomiyo ne oketh dalano.

Ezra 4:19

omiyo nyocha agolo chik mondo onon kitepe, mi oseyud ni jodalano osebedo ka ng’anyo kuom kinde malach, kendo wich teko gi ng’anyo bende osebedo kosiko kanyo.

Ezra 5:17

Emomiyo, koro ruoth, kineno ni ber, to yie mondo onon ane ka en adier ni ruoth Kuros nogolo chik mondo oger Hekalu mar Nyasaye Jerusalem. Ruoth bang’e yie iornwa paroni kuom wachni.”

Ezra 6:22

Ne gitimo Sap Makati ma ok Ketie Thowi kuom ndalo abiriyo ka gimor, nimar Ruoth Nyasaye nosemiyo gibedo mamor, koloko chuny ruodh Asuria mondo ohergi kendo ojiwgi e tich gero Od Nyasaye, ma Nyasach Israel.

Ezra 7:13

“Koro agolo chik ni: ja-Israel moro amora manie pinya, kata bed ni en jadolo kata ja-Lawi, mochiwore mar dhi Jerusalem, nyalo dhi adhiya kodi.

Ayub 29:16

to jochan ne abedonigi ka wuon-gi, kendo ne adok ni jodak ka ni e chandruok.

Zaburi 40:7

Omiyo nawacho niya, “Era e, A Nyasaye. Gima idwaro ni mondo atim ondiki e kitap chik.

Ngeche 25:2

Wamiyo Nyasaye duong’ kuom gik ma opando. Ruodhi to wamiyo duong’ kuom lero tiend weche.

Jeremia 36:29

Bende Ruoth Nyasaye ne owachone mondo onyis ruoth Jehoyakim niya, “Isewang’o kitabu, kendo isepenjo Jeremia gima omiyo ne ondiko ni ruodh Babulon biro biro ketho pinyni, kendo nego ji modakie koda ka jamni.

Jeremia 36:32

Bang’ mano, Jeremia nokawo, kitabu machielo, momiyo Baruk jandiko mare, mondikoe weche duto mane Jeremia owachone. Ne ondiko gimoro amora mane nie kitabu mane ruoth Jehoyakim osewang’o e mach. Bende Jeremia ne omedo weche mang’eny machal gi mokwongogo.

Ezekiel 2:9

Bang’ wechego, ne aneno lwedo moting’o kalatas modol, korie kochomo kuma antie.

Ezekiel 3:1

Eka Nyasaye nowachona niya, “In wuod dhano, cham kalatas manie nyimini, mondo idhi iwuo gi jo-Israel.”

Daniel 9:25

Koro winji, mondo ing’e tiend gik ma abiro wachoni. Chakre chieng’ ma ogolie chik ni Jerusalem onego ochak oger, higni piero ang’wen gochiko nokadhi, eka jatelo mowir nobi. Bang’e Jerusalem nobed ka oseger, molosie yore kendo ochiel gi ohinga motegno, mi nodag higni mia ang’wen gi piero adek gang’wen. Kindeno nobed kinde mar thagruok,

Fweny 5:1

Bang’ mano, ne aneno kitabu ma Jal mane obet e kom duong’no oting’o e lwete ma kor achwich. Ne ondik iye gi toke bende, kendo ne odine gi kido abiriyo.