Ezra 5:8 - MUMA MALER 2015

⁸ Ruoth mondo ing’e ni ne wadhi e piny Juda, mi wayudo ka jodong jo-Yahudi gero Od Nyasaye maduong’ gi kite madongo kod yien moketi e kor ot. Tich tiyore adimba, kendo odhi nyime maber e lwetgi.

Motingʼo Loko Manyien

⁸ Ruoth onego ngʼe nine wadhi e gwengʼ mar Juda, e hekalu mar Nyasaye maduongʼ. Ji gedo gi kite madongo kendo giketo bepe e kore. Tich tiyore e yo modimbore kendo odhi nyime mapiyo e bwo telo margi.

Ezra 5:8 ပူးပေါင်းရင်းမြစ်များ

Ezra 2:1

Koro magi e jo-Juda ma nodok Jerusalem gi Juda koa Babulon, kuma ne Nebukadnezar ruodh Babulon oterogie tuech. Ng’ato ka ng’ato nodok e gweng’gi.

Ezra 5:7

“Kuom ruoth Darius, wamosi ahinya.

Ezra 5:9

Ne wapenjo jodongogo ng’ama nomiyogi thuolo mondo giger Hekaluni, kendo gilos gik iye duto.

Ezra 6:10

Kamano mondo gitim misengni mang’we ng’ar ni Nyasach polo, kendo gilam ni ruoth gi yawuote, mondo obed mangima.

Ezra 6:4

Onego bedie kiepe adek mag kite madongo moluwore gi kiew achiel mar bao. Pesa migerego to biro wuok kuom mwandu ruoth.

Ezra 7:23

Gimoro amora ma Nyasach polo dwaro kuom tich Ode nyaka chiw malong’o, nono to mirima biro lwar kuom pinya gi mar yawuota.

Nehemia 11:3

Kamano jodong pinyno nodak Jerusalem, to jo-Israel mamoko gi jodolo gi jo-Lawi gi jotich Hekalu kod nyikwa jotich Solomon nodak e miech Juda, ka ng’ato ka ng’ato odak e dalane owuon.

Nehemia 7:6

Magi e weche mane ayudo kondiki e kitabuno: Kuom jo-Juda mane Nebukadnezar ruodh Babulon odaro motero e tuech, magi e joma noduogo Jerusalem gi Juda, ng’ato ka ng’ato e dalagi.

Zaburi 145:3

A Ruoth Nyasaye iduong’, omiyo nyaka paki ahinya. Adier, duong’ni odhiero ji ng’eyo.

Daniel 2:47

Nowacho ni Daniel niya, “Nyasachi e Nyasaye maduong’ie moloyo nyiseche mamoko duto, kendo en e Ruodh ruodhi. En ema oelo tiend midhierni. Ang’eyo kamano nikech osemiyi teko mar fwenyo tiend wachni.”

Daniel 3:26

Mano omiyo Nebukadnezar nodhi e dho mach, mi oluongo niya, “Shadrak gi Meshak kod Abednego, un jotich Nyasaye maduong’ moloyo, wuoguru!” Mi ne giwuok.

Daniel 4:2

Koro adwaro nyisou ranyisi gi honni ma Nyasaye maduong’ moloyo osetimona.

Daniel 6:26

Asegolo chik e pinje duto manie bwo lochna ni ng’ato ka ng’ato nyaka luor Nyasach Daniel kendo miye duong’. En e Nyasaye Mangima, mosiko nyaka chieng’. Lochne gi tekone ok norum.

Rapar mar Chik 10:17

nimar Ruoth Nyasaye ma Nyasachu en Nyasaye moloyo nyiseche duto, kendo Ruoth moloyo ruodhi duto. En Nyasaye maduong’ kendo malich miwuoro. En kende e Nyasaye miluoro, ma ok dew wang’ ng’ato, kendo ma ok cham asoya.

Rapar mar Chik 32:31

To adier, lwanda mar wasikwa ok chal gi Lwandawa, kata mana wasikwa bende ong’eyo kamano.