Ezra 5:3 - MUMA MALER 2015

³ Tatenai ma ruodh piny man loka Yufrate, gi Shethar-bozenai kod jowetegi nobiro irgi piyopiyo, mowachonigi niya, “En ng’a mane omiyou thuolo mar gero odni, kendo tieko loso gik manie iye?”

Motingʼo Loko Manyien

³ E kindeno Tatenai, ruodh Yufrate, kod Shetha-Bozenai gi joma gitiyogo kanyakla nodhi irgi kendo openjo niya, “En ngʼa mane omiyou thuolo mar gero hekaluni kendo loso iye?”

Ezra 5:3 ပူးပေါင်းရင်းမြစ်များ

Ezra 1:3

Jo-Ruoth Nyasaye duto man kuomu nyalo dhi Jerusalem e piny Juda mondo ochak oger Hekalu ni Ruoth Nyasaye ma Nyasach Israel, ma dalane en Jerusalem, kendo Nyasaye mondo obed kode.

Ezra 4:12

Ruoth, mondo ing’e ni jo-Yahudi mane owei mobiro kuondegi, osechopo Jerusalem, kendo ochako gero dala marach ma nong’anyono. Gisepime kendo koro gitieko gero ohingane.

Ezra 4:9

“Wan jondik baruani wan Rehum ma jaduong’ piny, gi Shimshai jagoro, kod jowetewa duto ma jong’ad bura gi jodongo gi joteko gi jotich madongo, gi jo-Erek gi jo-Babulon gi jo-Elam modak Susa,

Ezra 5:6

Koro ma e barua mane Tatenai ruodh piny man loka Yufrate, gi Shethar-bozenai kod jowetegi ma jotend pinyno ondiko ni ruoth Darius:

Ezra 5:9

Ne wapenjo jodongogo ng’ama nomiyogi thuolo mondo giger Hekaluni, kendo gilos gik iye duto.

Ezra 6:13

Tetenai ruodh piny man loka Yufrate, gi Shethar-bozenai kod jowetegi, notimo mana kaka ruoth Darius nochiko.

Ezra 6:6

Kane ruoth Darius osesomo wechego, nogolo chik kama: “Koro in Tatenai ma ruodh piny man loka Yufrate gi Shethar-bozenai kod joweteu ma jotend pinyno, auru kuno,

Ezra 7:21

“To an ruoth Artaxerxes, agolo chik ni jokeno duto mag pinya man loka aora Yufrate, ni gimoro amora ma Ezra jadolo kendo japuonj chik Nyasach polo nodwar kuomu, nyaka umiye,

Hagai 1:1

Chieng’ mokwongo mar due mar auchiel e higa mar ariyo mar loch Darius, Ruoth Nyasaye nokelo ni janabi Hagai wach mondo onyis Zerubabel wuod Shealtiel, ma jatend piny Juda, gi Joshua wuod Jehozadak, jadolo maduong’ niya,

Mathayo 21:23

Kane Yesu ochako odonjo e Hekalu, jodolo madongo kod jodong oganda nobiro ire kane oyudo opuonjo, mopenje niya, “Ere teko ma in-go, momiyo itimo gik makamagi? Koso ng’ama omiyi teko mar timogi?”

Tich Joote 4:7

Ne giketo Petro kod Johana ochung’ e nyimgi, mi gipenjogi niya, “Teko mane kata nying ng’a, ma nyoro utimogo gima kama?”