Ezra 5:16 - MUMA MALER 2015

¹⁶ Omiyo Sheshbazar nogo nobiro Jerusalem moketo mise mar Od Nyasaye. Chakre chieng’no nyaka chil kawuono gedo osebedo kadhi nyime, to pok orumo.’

Motingʼo Loko Manyien

¹⁶ Omiyo ngʼatni miluongo ni Sheshbaza nobiro mi oketo mise mar od Nyasaye e Jerusalem. Kochakore e odiechiengno nyaka sani pod igere to pod ok otieke.

Ezra 5:16 ပူးပေါင်းရင်းမြစ်များ

Ezra 3:10

Kane jogendo oseketo mise mar Hekalu mar Ruoth Nyasaye, jodolo morwako lep dolo, nochung’ keregi ka goyo tung’, kendo jo-Lawi ma nyikwa Asaf bende nogoyo ongeng’o ka pako Ruoth Nyasaye kaka Daudi ruodh Israel nochiko.

Ezra 3:8

E due mar ariyo mar higa mar ariyo bang’ duokgi e Od Nyasaye Jerusalem, Zerubabel wuod Shealtiel kod Jeshua wuod Josadak ne jochako tich, ka jodolo gi jo-Lawi gi jo-Israel wetegi duto ma noa e tuech, mobiro Jerusalem, konyogi. Ne giyiero jo-Lawi ma hikgi piero ariyo kadhi nyime, mondo orit tich Od Ruoth Nyasaye.

Ezra 5:14

To bende ne nitie gik lemo moko molos gi dhahabu kod fedha e Od Nyasaye mane ni Jerusalem. Nebukadnezar nogolo gigo, motero Babulon, kendo oketogi e Hekalu man kuno. Ruoth Kuros nogolo gigo e Hekaluno, moketogi e lwet ng’at moro ma nyinge Sheshbazar, mane oseketo ruodh pinyni, kowachone niya,

Ezra 5:15

“Kaw gigi, idhigo, mondo iket e Hekalu Jerusalem, kendo ine ni oger Hekalu mar Nyasaye kanyo kare machon.”

Ezra 5:2

Kane Zerubabel gi Shealtiel kod Jeshua wuod Jozadak owinjo wechegigo, ne gichako gero Od Nyasaye Jerusalem, kendo jonabi mag Nyasayego ne ni kodgi, ka konyogi.

Ezra 6:15

Gedo norumo tarik piero ariyo gadek mar due Adar e higa mar auchiel mar loch ruoth Darius.

Hagai 2:18

“Paruru, chakre kawuono, due piero ariyo gang’wen due mar ochiko, ma en odiechieng’ moketie mise mar Hekalu mara.

Zekaria 4:10

Adier, kawuono wachako tijni mana marachrach, to en ng’a ma dihedhre chaye, nikech ji nobed mabor koneno Zerubabel koting’o rapim migedogo e lwete.”

Zekaria 4:9

“Kaka Zerubabel ema oseketo mise mar Hekalu, e kaka en bende ema obiro tieke. Kamano unung’e ni Ruoth Nyasaye Manyalo Gik Moko Duto ema ne oora iru.

Johana 2:20

To ne gimedo penje ni, “Gero Hekaluni osekawo higni piero ang’wen gauchiel! In to ere kaka dichak igere gi ndalo adek?”